أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬
قمراء 💙
امشي خطوة يجوز يطلع مو سراب
وتنفتحلك عين ماي وترتوي
يمكن تلاكي بطريقك حب عظيم
ليش گاضيها بغرفتك منطوي
يجوز تلگة بصفحة مضمون الكتاب
بغير صفحة تشوف مفهوم الطوي
وميز الأيام اليمرن عليك
وعيش باچر لا تعيش البارحة
وفتش بحيطان بيتك تلگةباب
گبل لا يندك اريدك فاتحة
والمواقف عيشها وخلگك طويل
حتى تتحمل وجعها وتحتوي
اليوجعنك لازم يمرن عليك
الثمرة بيش تفيد إذا ما تستوي !
امشي والمكتوبلك يركض وراك
مثل حرف القافية وحرف الروي
▬▬▬▬
قوت
غالب : قوت ليش تبچين ؟
زفرت براحة من سمعت سؤالة لعد ليش حسيتة سمع كلشي
معقولة سمع بس ما راد يحسسني ضليت اباوعلة وفكري يودي ويجيب
نفضت أفكاري الفوضوية وجاوبتة :
- امم استاحشت
ابتسم وجاوبني :
-صدك جذب قابل أنتِ ببيت غربة غير احنة اهلج منج وبيج يلا تعالي تغدي حتى يصير بينة عيش وملح على كولة المصريين
ضحكت بهدوء اجاملة وهو فسحلي مجال حتى اطلع
تعديتة ورحت لكيتهن دة يحطن الاكل ع السفرة رحت ساعدتهن والتمينة كلنة حتى ناكل سوة ما عدة عمار وابنة ماكو
فاطمة : وين صار هذا عمار اخذ ابنة وطلع
لطيف : غالب ما تخابرة تشوفة وين صار
خابرة غالب هواي بس ما يرد آخر شي سدة بوجهة
شوية وسمعنة حسهم ، طب وشايل ابنة بإيدة
غالب :ليش اخابرك ما ترد
عمار : خفت على رصيدك خلي للحبيبات
مينار : احمم غالب عيني ما عندة حبيبات هاي انت بس اللي عندك
عمار : ايبااخ لج غير اني يومية اسمعة يبسبس وياهن بالحديقة
غالب : اهوو
فاطمة : صدك غالب صاير تحب وتتمعشك واني ما حس بيك
غالب: يمة شبيج مصدكتهم اخذي الحجاية الاكيدة مني اني
ضلو يتداهرون بيناتهم واني بس اباوع كملنة اكل وكمت وياهن الم السفرة
ضليت اسبوع يمهم غالب لگة محل العلاوي الحمدللّٰه
بقيت منتظرتة يجي ونستقر ببيتنة
قوت علاقتي بمينار وخالة فاطمة هالفترة شوية تعودت عليهم وارتاحيت
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
