أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
" قمراء"
فتحت عيوني بهدوء احس جفاف بحلكي اشوف علية فوك راسي واحس نفسي نايمة على سرير
علية : ها كعدتي يا اللّٰه
جاوبتها بحس خامل من التعب :
- علية شصار
علية : غير تخربطتي علية بزر نستلة ما تتحملين
قمراء : اريد مي
فتحت البطل اليم راسي وتقربت شربتني بهدوء
طب نائل ضايج يضرب ايد بإيد
نائل : تخزينة كدام العالم ياهو يشوفني يرزلني ليش مزوجيها
قمراء : هه شفايتلك چا لو يدرون بيك ما مزوجني اصلاً
نائل : حتى وأنتِ بهذا وضعج تراددين مو بشر صل صل بزونة بسبعة أرواح
علية : اكول .. بقينة مريم وحدها ولازم نروح للفاتحة إلا ما دريتي گُمرة مؤيد زوج هاي البنية الناعمة صفا مات لازم اروح أعزي البنية وأُمها عيب منهن أُم صفا خوش مرة و لازم اوكفلها
روحي رايحة وعلية ضالة تدردم فوك راسي وانه كلمة اسمعها و عشرة لا ، شوية وسوولي خروج كالو لازم تتغذىٰ وترتاح فاقدة كومة دم كعدوني على كرسي متحرك وأجرو تكسي صعدنة انه وعلية ورة ونائل كدام
احس راسي راح ينفجر نائل يسولف بالسياسة حسة شعلوة صايرلي سياسي ابو گرون
وعلية صرعت راسي صرع بالولد المات بمنطقتنة
علية : هو المرحوم عاف اهلة وتزوجها واخذها هيَّ وامها بيت وحدهن صارلهم سنة ونص شوفي اللّٰه ما هناها اخذت ابن من أمة ما وكف شي بعينها شوف اللّٰه شسوة بيها ربج ما يضرب بحجار
حجيت بروح رايحة :
- اويلي ع الإيمان بعد انتظري انتظري شوف اللّٰه شلون حيضربج
كفختني براسي وكالت :
- مو صوجج صوجي انه اسولف وياج
عفتها اباوع للشباك روحي رايحة وبالي تعبان واحس روحي متجردة من أي شعور
وفجأةما نحس غير السيارة وكفت
السايق راد عالج ماكو ما تمشي طلع التاير مزروف
نائل كام يعيط علىٰ ابو انطيتك ٥ آلاف اخير شي ما توصلنة للبيت
رجعلة الفلوس ونزلنة نمشي سيارة ماكو وروحي طلعت دمعت عيوني من التعب والقهر بس لزمت نفسي ما ابجي
ونائل يصيح ويفشر وعلية تهدي بي
صاح بوجهي :
- فگر فگر شكد فگر تفووو عليج شوف اللّٰه بعد شيسوي بيج هسة الناس تشوف شكلج شتكول زحمة يربي زحمة نگلهم مسقطة وماكو سيارات هاي يومية هذا الشارع تفوت منة سيارات هالمرة على حظج ماكو هسة انه ابتليت بيج نعلعلة روحكم خضير وهدية متو وعفتو هاي براسي هسة دخذوها وياكم وفضوها من عسة روحكم بالحرك
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
