أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
"مينار "
مضت ايام قليلة على هذاك اليوم اللي تعاركت بي وية قوت
روحي كشت من كرم
وكشت من قوت
واصعب من ذني الإثنين كشت روحي من روحي
ما جنت ارد على رسائل ومكالمات كرم لعبت نفسي من كلشي وفقدت شغفي ناحية كلشي .. حتىٰ مراجعة ما راجعت يومية اكول باچر ويجي باچر وكلشي ما اسوي حتى امي انتبهتلي وكامت كلساع تذبلي حچاية لأن كاعدة ومصفطة كلشي ما سوي
بيوم كاعدة اباوع ع التلفزيون مندمجة وفجأة اندك الباب طلعت امي تشوف منو سمعت صوت علي وقوت بسرعة فتت الغرفتي ما ردت اشوف قوت وگلت بگلبي بلكت تحس وبعد لا تجي لأن جنت حاقدة عليها حسيتها إنسانة صلفة وحقيرة كلش ما اريد احتك بيها
كعدت اگلب بالانستا كرم كلساع يدز اقرة الاشعارات غلط وفشار ما ينلبس عليه ثوب من غير التهديد والوعيد احس تلفت اعصابي اريد احظرة بس ما جاي احظرة ما اعرف ليش تعبت كلش ما مصدكة بأول مشكلة هيج يسوي بية وينگلب ضدي
ضليت اگلب بالبيجات بملل شفت بيج مكياج وسوالف بنات وعطور عقلي انلحس بيهن ضليت اكلب مندمجة لحد ما تحملت بسرعة طلعت الأُمي
مينار : يوم يوم
لكيتها كاعدة هيَّ وقوت وحدهن وشكلة علي راح...
فاطمة : شكو حبيبتي شبيج
مينار: باعي يمة هالسوالف التخبل اريد منهن
فاطمة : اهوو يمة عندج هواي كافي تبذير
مينار : اهوو اشتغلت سوالفج يلا حبابة يلا بس هالمرة
رحت ادغدغها وابوس بيها واشاقيها حتى تلين وهيَّ خربت ضحك ما قاومت ما عفتها لحد ما قبلت
كعدت اختار واسكرن نسيت الدنيا كلها اعشق هالسوالف
فاطمة : يمة قوت اختاري وياها اشتريلج
قوت : ما الي واهس به السوالف
فاطمة : لا يمة أنتِ بنية هسة شوفي مينا شحلاتها تبرج برج العطور والشعر والبشرة يلا يمة يلا تعالي هسة بس تشوفيهن يصيرلج واهس تشترين
رفعت عيني من الموبايل باوعت القوت شوية ورحت يمها وگتلها :
- تعالي نختار سوة
كعدت تباوع وياية ساكتة ما إلها واهس
مينار : تشترين مكياج ؟
قوت : لا لا ما حبة
مينار : هذا واقي يجنن مال بشرة حساسة وبي ترطيب شنو رأيج ؟
قوت : عود هذا للشمس ؟
مينار : اي
قوت : هو اني وين طالعة احطة من اجيكم
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
