الأحداث الواقعية في الرواية
لا تعني إنها رواية حقيقة
بل تعني إنَّ هناك كاتب بارع
يستتر خلف سطورها ❤️
✧✧✧✧
▬▬▬▬
أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
" قوت "
كاعدة ببيت عمتي صافية ايدي ع الصوبة ادفي بيها ، ليالي كانون الثاني الباردة وجعت جسمي من البرد وكئبت نفسيتي الهوا العالي يضرب برة بكل قوة واحنة ملتمين ع الصوبة چاي وچذب
دفا العائلة واللمة الحلوة يهون علية كلشي ، وگعدتنة البسيطة بين درمدمة ريتان ودردمة الحجية وسوالف أُبي وغالب بوضع العراق والسياسة
ابتسامتي على وجهي واني اباوع العلاوي مخلي ريتاني بحضنة ويوكل بيها ثريدة وچاي اكلتها المفضلة تاكل وتدردم وهو يساير بيها
وعمة صافية تدردم كلساع متذكرة شغلة وتسولف بيها حشت الناس حش ما خلت واحد يعتب عليها اليوم دخول جماعي للجنة لكل اللي يعرفوها
ضفاف صافنة على علاوي والحزن مالي وجهة استغربت وضعيتها ما اعرف شبيها ليش هلگد ضايجة
اجت عيونها علية غمزتلها وهزيت راسي بمعنىٰ شبيچ وهيَّ فوراً ابتسملي وهزت راسها بمعنىٰ ما بية شي ضليت صافنة عليها هاي شبيها ما حسيت غير كفخة قوية على راسي فززتني
صافية : هاي شبيچ الغبرة صارلي ساعة احچي ويامن ؟
قوت : ها عمة ها سوالفچ ما تخلص
فوراً صاحت :
- خايبين تعالو ليه ،، هاي الغبرة صارلي ساعة مسويتها مرة ومكبرة راسها تالي متالي طلعت تسايرني من لا بارچ الله بيچ گُمي مناا گومي
عدلت گعدتي بزهگة واني اتأفأف ما حسيتها غير تكفخني بقوة أكبر
غالب صاح :
- سالمين حجية وليتيها ولية بالضرب شسالفة كولي رجلها كاعد اخوها ، هيو انت مو اخوها ما تحچي
علي : صافية تضرب واحنة الممنونيين كفخة أيدها العافية
صافية : شفتو شفتو هو اني بس علاوي علىٰ گلبي احسن منك انت الچلب الأصفر
أُبي : يمة اني شكو رجعتي علية
صافية : چا هو انت هم اغبر ما مريح گلبي صارلك سنة خابصنة بذيچ الممثلة تريد تزوجها وتخزينة
أُبي : يمة منيلها ممثلة هو ياهو يعرفها عود باللّٰه خريجة فنون
صافية : لو تحبني تعوفها عشتو هاي العايزة اخضلك ممثلة مدري مغنية تلبس حصر وشعرها طالع ولايصة روحها لوص بالمكياج خسة اني اخذلك بطريق الخايسة
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
