The Rain in Summer (Summer Series #1)

11

"Misha!"

Mahigpit kong niyakap ang kapatid ko nang makalapit siya sakin kasama si Papa at Mama pagkatapos ng moving up program nila. Binuhat ko si Misha at nakangiting tumingin si Misha kay Kien na nasa tabi ko.

"Hi, Ate! Kuya Kien, hello!"

Kien waved his hand and greeted our parents with a smile. Syempre, alam ko naman na naiinis si Mama dahil kasama ako ni Kien kahit hindi niya pinapakita. Her face is just serious. Ako lang naman ang dahilan kung bakit ayaw niya sa kanya, hindi si Kien.

"Congratulations, Misha," nakangiting sabi ni Kien.

"Oh, teka, tumatawag si Keli."

Umalis si Mama upang sagutin ang tawag ni Ate at agad naman tumakbo si Misha patungo kay Will. Agad siyang sinundan ni Papa at inabot kay Misha ang bulaklak na maliit na pinabili ni Misha kanina para ibibigay raw sa kaibigan niyang si Will. I wonder how it feels to have a friendship like theirs at a young age. Samantalang ako, ang lonely ko talaga dati pa. Aware ako na nilalapitan lang ako ng kaklase ko noon pa man kapag may kailangan sila o gusto nila ang gamit ko kaya nga nagagalit din si Mama sakin kasi nawawala ang ibang gamit ko dati.

"Are you..."

Tumingin ako kay Kien na nakatingin pala sakin. "Hmm?"

"Are you free later?"

Inisip ko kung may gagawin ako pero mukhang wala naman. Nakapaglinis na rin naman ako ng bahay at kwarto ko. Si Misha naman, alam kong kakain sila nila Mama sa labas at wala akong balak sumama dahil mas gusto kong makapag bonding silang tatlo na sila lang. This could be a great chance for Papa to bond with her. Lalo na alam kong medyo masama ata ang loob ni Misha sa kanila.

"Oo. Titingin siguro akong regalo para kay Misha," sagot ko.

"May cupcake sa sasakyan. Baka gusto ng kapatid mo." Agad akong umiling at tinapat ang hintuturo ko sa aking bibig.

"Pinagbabawalan ni Mama si Misha na kumain ng cupcake kasi pinipigilan niya kumain si Misha ng matamis. Paborito pa naman ni Misha 'yon. Atsaka, kapag kasi nasobrahan sa cupcake si Misha, sumasakit ngipin niya o tiyan."

He chuckled and nodded. Naintindihan naman niya ang pinaparating ko na baka marinig ni Mama ang tungkol sa cupcake. Lagot talaga ako!

"So... Can we go out?"

"Saan pupunta?" Tanong ko.

"Anywhere you want. Ang tagal nating hindi nagkita." Agad akong umiwas ng tingin dahil naramdaman ko ang pag-init ng pisngi ko. Ah! Bakit ang bilis kong mamula?! Ang simple lang naman ng sinabi ni Kien! Kung saan ko gusto! Ayun lang naman.

"I don't... know where I want to go... Palagi lang akong sumasama kung saan gusto pumunta ng kasama ko," I said. "Hindi ba kayo... aalis nila Will?"

"Hindi. Dala nila Ate sasakyan nila. I just followed," he said. "Hindi rin ako sasama dahil palagi ko naman kasama si Will. I could spend time with him anytime. We live together."

"Ah..."

"I can't spend time with you always. I want to take this chance." Napakagat ako sa ibabang labi ko at nakita ko si Mama na kasama na nila Misha pagkatapos picturean ni Papa si Misha at Will na magkasama.

"S-Sige," nahihiya kong sagot. "Wala naman akong gagawin. Hindi rin ako sasama kila Mama dahil bonding nila 'yan."

"Anak."

"Pa, aalis na po kayo?"

Tumango si Papa habang nakangiti. "Oo. Hindi ka ba sasama samin?"

Tumingin ako sandali kay Mama na walang ganang nakatingin sakin. "Hindi na po. Aalis din ako... Kasama ko po si Kien."