وقَلبي على حُب رمشك السود ميّال

Part 6

{ دُرة }
في وسط الصالة
كانت سوالف هَذي العائله الهادية
ليال : اي صح
التفتو لها بانتباه تمتمت باندفاع : اليوم بالجامعة جاتنا دكتورة جديده تخيلو انها اول ما دخلت لا سلام ولا كلام على طول قالت اختباركم متى ما خذنا شي بالمادة حتى!
ابو امير يرتشف من فنجاله قهوة عربيه : يجوز تمزح معكم !
دُرة : يبه الله يهديك الجامعة ما فيها مزح والتفت على ليال : وهي بعد خير توكم حتى بسم الله ما قلتوها
ليال : شفتي؟!
ام امير وبحضنها صقر : الله يعينكم واضح قشرا
ليال : وانتي مغمضه يمه
شهقت دُرة بتذكررر
ام امير : وجعه خوفتينا  شبلاك!
ابو امير : خير ان شاء الله على هالشهقه ترا نبي اكسجين لا تسحبينه علينا !
ضحكت ليال وقال : شعندك تكلمي
دُرة نسيت اكلمكم ترا امير كلمني امس وجاييي اليوم  ومعه الشهاده بحمد الله !!
فزت ام امير وهي تحط صقر صاحب السنتين على الكنب  وقالت : صدق بالله يا دُرة صدق !
دُرة وهي تفتح جوالها : اييه يمه والله
ليال كفخت دُرة وليههه توك تتذكرين كان قدرنا نسوي حفله بسيطه ونجيب لك كيكههه على الاقل
ابو امير : خلو هالحفلة تولي اهم شي ولدي !!
قاطعهم صوت جهوري : السلام عليكم. ..!
التفتو على مصدر الصوت وتناقزوا بفرحح
دُرة راحت تركض وهي تنقز وتحضنه وتقول : جاء والله جااء ! الحمد لله على السلامه
بعدت عنه لمًا جات ليل وهي تبعدها وتقول : وخرييي ابي اسلم عليه ! بعدت دُرة وشافت ليال تحضنه وتتحمد  له بالسلامه
ام امير : والله والطيب عند ذكره!
ابو امير لما شاف بناته ملتمين على اخوهم جا عندهم وبعصبيه مصطنعه يبعدهم عن امير وقال : اقول بس وخرو عن ولدي كتمتوه
ضحك امير وسلم على امه وابوه وشال صقر الي على الكنب وبضحكه: هلا بحبيب خالهه هلا والله وغلا
ابو امير بأبتسامه : والله فرحتي ما يضاهيها شي ابشر بالسعد وبذبح ذبيحه بالمناسبه هَذي بفرحه عيني بولدي ابتسم امير بحب وهو يحضن عماد بيد واليد الثانيه ماسك صقر ويبوس راسه : ما تقصر يالغالي
ورجع امير لديرته وبين اهله وناسه
انتهت ليلتهم برجوعه ولمّ شملهم من بعد سنين

- صباح يومٍ جديد -
{ ريّان }
ريّان الي كان شاغل تفكيره اخوه هتان الي من بعد ذيك الليله وهو سرحان وماهو على بعضه ، طق باب الغرفه ودخل وهو يشوف هتان متربع ويشرب بياله الشاهي ويتبوسم ويضحك مع نفس وكأن شي انتثر في خياله ، ريان حط يدينه على راسه وهزه بأسى وقال : علامك ياخوك انهبلت تتبوسم زي الاهبل لبياله الشاهي
هتان الي رفع عنيه وضحك على كلام ريان ،
هتان : تعال يا بعدي تعال
جلس ريان وهتان صب بياله شاهي ومدها لريان الي عاقد حواجبه ومستنكر تصرفات هتان ، مره يضحك مع نفسه وكأنه اذكر شي يضحكه
ريان : هتان وش فيك ترانا اخوك الكبير قلي وش الي خلاك تنهبل
هتان الي طرا عليه شكل هتاف وهي بالمجلس والمريلة الي لابستها ورفعه شعرها ونظاراتها الواسعه هنا ضحك وقال : والله مدري شقولك لك ياخوي بس لا تحاتي بقولك بعدين اكيد
ريان قطب حواجبه وهنا ضحك هتان
{ سَحاب }
الي كانت تجول بالغرفة بعد ما امها القت عليها خبر سفرتها مع ابو سيف وما كانت مهتمه او معطيه الموضوع اهتمام تجول بأرجاء الغرفه بطفش وهنا لمع جوالها بأشعار من ليلي تذكر فيه :
سَحاب والله طفش وش تسوين عطيني خليني اتسلى
سَحاب اخذت الجوال وردت : والله حتى انا طفشانه وما عندي شي
" لمعت فكره براسها " وكملت : وش رايك تجيني اليوم؟
ليلي وهي تكتب : امم ما ادري وابوك وامك؟
سَحاب: مسافرين ، تعالي عندي نسولف ونتسلى شرايك تسوين معي كوكيز؟ ونشغل فلم ؟
ليلى : خلاص تمام بشوف اهلي واجيك
سَحاب : الموعد 7 العشاء تأخير ما اسامح
ليلي : ان شاء الله
-
بعد ما كانو ما يعرفون ان بعض شي صاروا اقرب من بعض وكل ومالها صداقتهم تقوا اكثر واكثر
-
الساعه 7:36 م
وقفت بعد ما جهزت الضيافة بحب وهي متحمسه ، رفعت جوالها تتصل على سيف
سيف: هلا سحاب بغيتي شي ؟
سحاب تبتسم: انت وينك؟
سيف : مع ليث والشباب ليه فيه شي ؟
سحاب : لا لا ما فيه شي بس امي وابوي مسافرين وطفشانه قلت اعزم ليلى بنت خالي سالم وبنسهر ونطلب من مطعم وكذا قلت بعطيك خبر عشان ما تدرعم على ول
سيف : اها تمام زين يا بعدهم انبسطي
سحاب ابتسمت وقفلت الخط على صوت الجرس
راحت تفتح الباب وكانت ليلى الي ماسكه بيدها بوكية ورد وشوكليت
دخلت بعد ما فتحت ليلى الباب وضمتها وسلمت عليها ومدت لها الباقة والشوكليت
سحاب : وشوله هالتكلفه يا ليلى ماله داعي والله
ليلى : والله لا تكفله ولا شي ومو حلوه اجي يدي فاضيه
سحاب مشت ومشت معها ليلى وراحوا المجلس واخذتهم السوالف
{ هِتاف }
الي صوره هتان ما فارقت خيالها كانت متفشله من الموقف وبقوة وما تحط عينها بعين اخوها تحس بذنب وتعاتب نفسها حست بغبنه مشت تشغل نفسها بتنظيف الغرفة
{غسق }
وسط الصاله الي كانت وسط هواش امها وابوها الي ما تعرف سببه ، كان ابو مالك منفعل بشده وذات الشي لام مالك الي ما تمالكت اعصابها وبدت تصرخ وبقهر : انت الي ما تستحييي متزوج  وعندك عيااال رايح تعاكس بنات الناس خاففف ربك عندك بنت لا يصير فيها شيي!
ابو مالك بحده وبنبره اعلى غطت على صوت زوجته : وشش عليييك منييي نسيييناااا ما كليناااا الي تكلمينه اخر اليلللل ورسايل الحب والغرام ؟ ناسيه انك في ذمه رجال !
وكانت مشادتهم الكلاميه مثل القنبله القويه على قلب غسق الي كانت تخرج من صدمه كلام ابوها وتدخل بصدمه كلام امها كل ومالها تنصدم اكثر واكثر انتبهت على مالك الي توه نازل من الدرج ويفرك عينه بنعاس وبيده دميته الي ضامها لصدره الصغير صاحب الخمس سنوات الي توه فتح عيونه على الدنيا
قامت بسرعه وهي تركض له وتضمه وتحاول تشغله عن هواش امه وابوه الي حتى سابع جار سمعه ، شالته بحضنها وتدخل فيه غُرفه النوم وسدحته على السرير وكانت بتنزل تنهي هواش اهلها الي تمادى لكن وقفها اخوها اللي مسك طرف بجامتها وكأنه يطلب منها ما تتركه وتخليه ، حست بغصه وعيونها تمتلى دموع بضيق وهي تجلس جنبه وهو حط راسه على رجولها وتمسح راسه برقه وحنيّه مالها مثييل
{ليلى}
الي كانت مع سَحاب في المطبخ وسحاب لابسه قفازات وتعجن الكوكيز وتشكله اما ليلى الي كانت تجهز الصينيه وندهنها بزبدة فجأه رن جوال سحاب الي شافت الرقم وكان مو مسجل التفت على ليلى : ليلى اكيد المطعم جاء ممكن تروحين تجيبين الطلب؟
ليلى : من عيوني
{ سيف }
الي كان واقف قدام باب البيت ويدق على سحاب ويعطيه مشغول انتبه للمندوب الي وقف ونزل وبيده كيس من مطعم عرف انهم طالبين من مطعم
سيف تقدم واخذ الطلب : كم الحساب ؟
المندوف : مدفوع يا اخوي ، بالعافيه ومشى
التفت على فتحه الباب وتوقع انها سحاب وجاء بيكلمها لكن تفاجأ بصوتها الانثوي الناعم صاحب النبرة الهاديه الي الجمه يستمع لمنطق حروفها وقت قالت: