وقَلبي على حُب رمشك السود ميّال

Part 21

وطلعت للشارع وهي تدور بعيونها على السياره وتذكرت ان نايف الي يوديهم شهقت : يويلي الكريه نايف !!
جات بتدخل لكن سبقها بوري سياره نايف الي شافها ويحاول يخبي ابتسامته جات ركبت ورا وهي تشمق له وتصد ونايف يحاول يخبي ابتسامته لين جاو البنات وركبوا وهتاف قدام مع نايف والبنات ورا
وصلو ونزلوا وهنا تمتم نايف بقوله لهتاف: انا بروح اغسل السياره اذا خلصتوا دقوا علي ، وبعدها مشى وهتاف تلحق البنات الي سبقوها لداخل وهي تحوس بشنطتها ولا منتبه وفي نفس اللحضه جات بتدخل وكان هتان جاي يدخل وعلى جواله وما انتبه لها الا لما انضرب كتف هتان العريض بهتاف الي انصدمت ورجعت على ورا وطاحت شنطتها وانتثرت اغراضها على الارض وهي تشوف هتان مصدومه وقعت عيونهم على بعض لفتره وهي تسترجع اخر موقف لها معه تفشلت واحمرت من الخجل وهتان كان مشبه على عيونها ولكن انقذ الموقف ونزل يلقط شنطتها وبقوله : اعتذر والله وانا اسف ما شفتك عسى ما اوجعتك
هَتّاف ما ردت وهي تعدل نظارتها وهتان كان يجمع اغراضها ولمح بطاقتها واسمها ، هتاف بنت ثابت بن ياسر الـ ...
وقف بصدمه وحس قلبه ينبض بشكل قوي وتدارك الموقف وهو يدخلها الشنطه بسرعه ويمدها لها وهي تكلمت بصوت واطي : يعطيك العافيه واسفه ، دخلت بسرعه وهي تدور بعيونها على البنات وشافتهم وجلست جنبهم وهي تشهق : بنات بنات هذا هو هذاااا
البنات انصدموا
غسق : منهو مين ؟
عذاري : شتخربطين انتي
هتاف : والله والله
سحاب : مين ؟
هتاف : يبنات الي شفته ذاك اليوم وكان بالمجلس ودخلت انا!
معالي : ايواااا وينه وينه "تدور بعيونها في الطاولات "
عذاري الي كانت جنب معالي وتقرصها على فخذها : وجع لا تفضحينا
دُرة : وش جابه
هَتّاف : مدري ! بنات والله صقعت فيه وطاحت شنطتي ونزل هو يجيب اغراضي وانا متصنمه يع يفشل من بين امه لا اله الا الله طلع اهو!
غسق بضحكه : نصيبك ما تدرين
سحاب : هههههه اي والله شكله تلميح
هَتّاف : وش تلميحه انكتمو
معالي : وينه طيب وينه
هَتّاف اشرت بعيونها على طاوله هَتان الي ضاعت علومه و كان معه ريان وقالت: شوفو بس لا تطالعون
البنات بحركه لا إراديه التفوا كلهم عليه وهتاف الوحيده الي تناظر باتجاه معاكس وهتان وريان انفجعوا وهم يشوفون نظراتهم كلهم متوجه لهم
ريان بهمس : يا ساتر وش مسوين حنا
هتان : والله مدري انفجعت
ريان صد وهو يشرب قهوته وياكل من الحلا
اما البنات الي حسوا على نفسهم ونزلوا وجيهم بفشله
هَتّاف : لا والله شبقى رفعوا الجوال صوروه اشوف
عذاري : بالغلط بالغلط ياختي ما دريت كلنا بوقت واحد
هَتّاف الي كانت معطيه طاوله هتان وريان ظهرها : يع يفشل
دُرة : تصدقين زوين والله
معالي : صادقه
هَتّاف بغيره : اقوللللل
غسق ضحكت : ويلي من نار الغيره
كانت بترد عليها هَتّاف لكن سحاب وقفت : اقول بس على الهرج وش تبون بروح اطلب
عذاري وقفت : بجي معك
هَتّاف : ابي هوت شوكليت في هالبرد
غسق : امم ابي اسبريسو
سحاب التفت على معالي ودُرة : وانتو؟
دُرة : v60 فرواله
معالي : ابي هوت شوكليت
وجات سحاب وعذاري بيمشون لكن استوقفهم صوت هتاف : دقيقه بنات ، ومدت لهم بطاقه الجد : جدي عطاني اياها حاسبوا فيها
عذاري : يا جدي والله احبه
سحاب : الله يخليه لنا يارب واخذت البطاقه وبعد ما طلبوا القهوة والحلا رجعوا جلسوا والبنات ماخذتهم السوالف ويضحكون عكس هتان الي كانت عيونه تتنقل
بين قهوته وسوالف ريان وعند هتاف ما توقع انه يقابلها ابدا وهو الي كان سارح فيها ويتخيلها زوجته ومو مع سوالف ريان ابد يحس قلبه يخفق بشكل قوي
اما البنات الي وصل النادل طلباتهم وهم ماخذتهم السوالف ويصورون وطلعت دُرة جوالها وهي تصور قهوتها