وقَلبي على حُب رمشك السود ميّال

Part36

{عسّاف}
الي خلص دوامه في الإسطبل وفسخ الخوذه وحطها بمكانها المناسب وعطى نظره اخيره للمدربين والطلاب ومن ظمنهم هاجر الي قلبه منشلع عليها وهي بذاتها خلصت تدريبها وجات بتطلع وهي تدق على ابوها ولكن عسّاف قرر انه ما يمشي لين ما تمشي لشعور سيء حس فيه وسحب الكرسي وجلس عليه
وهي تمشي وتلعب بالرمال بدون تنتبه لعساف ونظراته لكن جاء هندي من اسطبل ثاني واخذ يدها بدون سابق انذار وهي منصدمه ويسحب فيها هو والهنود الي معه وهي بدأت تبكي وهنا عسّاف الي راح لها يركض ويبعد الهنود عنها ويجعلها خلفه ويلشطهم بسوط الخيل ألي معه بعصبيه وغيره
وكانت هاجر تبكي بخوف وهي ورا ضهر عسّاف الي التفت عليها وبقوله : خلاص انتي عندي
وتلتقي عيونهم وهو هايم فيها وفي عيونها العسليه
ثواني ووقفت سياره ابوها جنبهم ونزل ابوها وبقوله بعصبيه : وش تسوين معه؟!
هاجر : اسمعني يبه لا تظلم !
واخذها بعصبيه وركبها ويلتفت لعساف بقوله : انت لي تفاهم ثاني معاك!
ويحرك سيارته ويمشي بعصبيه لين وصل البيت ويسحب هاجر من يدها بعصبيه ويفتح الباب ويرميها على الكنبه بقوله : هو يكون لك وانتي له من سابع المستحيلاات
هاجر بصراخ ي اسمعنييي لمره وحده بحياتك!
أنصدم ابو هاجر ووهي تتكلم: هو حافظ علي بين عيال الحرام! كنت بروح ضحيهه وهو دافع عني مارضاها علي وانا الي ابوها رفضه ثلاث مرات والله وبالله وتالله وعلي نذر ما اخذ الاهو ولا اقعد عانس ببيتك
ابو هاجر انصدم من الموقف وهي مشت غرفتها وهي لايعه كبدها من كل شي وانسدحت ونامت
وعساف الي توجه لبيت الجد وجلس مع عذاري بالحديقه وجلس يحكيها الي صار وهو متضايق
ويقول : والله مارضيتها عليها وماكان قصدي شي
عذاري تحط يدها على كتفه وتضحك وتقول : صدقني بيدق عليك ويقولك تعال حافظت على بنته كذا اقل شي يزوجكم بعد ما رفض صدقني
التفت عليها وتوه بيرد بالنفس إلا رن جواله من ابو هاجر وبتوتر : يدق يدق
عذاري ضحكت
وقام وهو يرد عليه
ابو هاجر : السلام عليكم
عسّاف : وعليكم السلام والرحمه
ابو هاجر : لاهنت تعال عندي البيت الان
عسّاف : عساه خير؟
ابو هاجر : كل خير صدقني
وسكر
والتفت على عذاري وينطق  : يقول تعال عندي البيت الان
عذاري ابتسمت : روح وش تنتظر
عسّاف : مدري متردد
عذاري وقفت تدفعه بخفه وبضحكه: روح أنا انتظرك هنا
ابتسم عسّاف ومشى وهي تودعه وثواني وصل البيت وشاف ابو هاجر واقف على اعتاب الباب ويناظره وقف سيارته ونزل وابو هاجر دخله ورحب فيه وجلسه وبدأ يتكلم : أنا سمعت من هاجر الي صار
عسّاف : تمام؟
ابو هاجر : والله ان بالي راح يولدي لما شفتها معك وانا اسف واعذري والبنت لك حافظت عليها بين عيال الحرام ومارضيت الله يرحم من رباك ووقف وهو يحضن عسّاف بأمتنان
وعسّاف  مو مصدق الخبر ويطير يفرحه ويبادل ابو هاجر الحضن ويضحك بفرحه وبقوله: بكرا أنا وأبوي ياعم نجيك ونتقدم رسمي
ابو هاجر : حيااك
وطلع من بيته وهو يضحك ويبتسم
وحرك عند بيت الجد ونزل ويتوجه لمحل عذاري الي كانت بإنتظاره وبيدها ساعه الجد وتراقب الوقت وتبتسم
تفاجأت  بعسّاف الي جاها وهو يشوي ويناقز من الفرحه وهي تضحك لفرحته وجلس ويحكي لها الي صار وهي تبتسم وفرحانه على فرحته وبقولها: ماقلت لك يالله قوم يا عريس كلم ابوي وقول له أنا بدخل اسوي كيك للبنات
قام عسّاف وهو يطبع قبله على راسها ويمشي مسرع لبيت ابوه بشّار
اما عذاري الي قامت وراحت المطبخ وهي تفتح النافذه ويدخل عليها النسيم ويداعب خصلات شعرها الي لمته ولبست المريله وهي تطلع صحن وتكب فيه الخليط مع باقي مكوناته وتحركه وهي تتمايل بطرب وهي تضحك وتغني
والله وتحقق منايا شوفو حبيبي معايا
والله وتحقق منايا شوفو حبيبي معايا
يا اهل الحسد والوشايه سعاده القلب ويااه
يا اهل الحسد والوشايه سعاده القلب ويااه
وتضحك وهي تسترجع الزفه وكيف كانت إطلالته لها وكيف هي غرقانه بحبه وماتحب تعترف بذا الشي
و تتذكر كلمات الجد لها وابتسمت ولمعت عينها بدمعه مسحتها بسرعه وكملت تغني
وضحكت عذاري وهي تشوفه متسند على النافذه وحاط يده على خده ويتأملها بحب ويبتسم لها
وهي استحت من نظراته وبقولها : لا تطالعني كذا
ضحكت لانها ارتبكت من نظراته وراح يتوجه للباب الرئيسي ويفتحه ويدخل المطبخ ويقرب منها ويحط يده على خصرها وهي نزلت راسها بخجل ويقربها منه ويضمها بكل قوته ونشده ضمته حست بآلام ولكنه بادله الحضن بقولها الضاحك: فاقد حنان انت؟..
نايف ابتسم ويشد اكثر : فاقدك من الصباح ما شفتك ناويه تعذبيني بغيابك؟
عذاري سكتت وهي تحس ودها تعبر عن حبها له ودها تشرح له كيف تحبه وقد ايش لكن تخونها الكلمات وتسكت وتكتفي بحضنه
اما هتاف الي كانت عند باب المطبخ ووجهها محمر من الضحك ورفعت جوالها تاخذ كم صوره لهم وترسلهم لنايف  وتكتب عليهم وهي تضحك : رومانسيتكم في بيتكم الله لا يهينكم وتحذف الصور من جوالها وهي تبتسم وتطلع
استوقفتها الجده مع معالي ودُرة الي كانو متوجهين للمطبخ وهتاف بربكه : ليه ليه المطبخ ؟؟
الجده : بعد بطبخ غدا
معالي : وجينا نساعدها
هتاف تصرفهم: يجده شرايك ترتاحين  يا جده أنا قاعده انظف المطبخ وفيه ماء على الارضيه
وهنا دُرة الي كانت تطل من باب المطبخ وهي تشوف نايف وعذاري على وضعهم وتحمر بخجل وتغطي عينها بفشله وهي تضحك
الجده التفت عليها : مهبوله انتي على وش تتضاحكين
دُرة: لا يا جده ولا شي خلينا نروح على ما تخلص هتاف تنظيف
وتدق معالي الي كانت مستغربه وبقولها: بسرعه عززي لنا
معالي مو فاهمه شي بس نطقت : يا جده يالله اول ما تخلص نباشر المطبخ بسرعه
الجده بأقناع : يالله خلصي شغلش بسرعه  وموول يالسناعه الي طلعت الحين
ضحكوا للجده ومشت تجلس بالصاله وهي تستغفر وتابع تلفزيون
أما معالي الي تسأل: شفيكم ؟
هتاف فتحت الصوره وهي توريهم ودُرة تضحك وتمسك ضحكتها وكذالك معالي وبقولها
معالي : شكلهم مضيعين بيتهم
هتاف : الله بسرعه روحوا عند جده وانا بوقف حارس على ما يخلصون
ضحكوا دُرة ومعالي
وهتاف انتبهت لنايف الي ينط من النافذه بعد ما صمت اصواتهم ويرسل قبلات لعذاري الي تضحك وتقوله : بسرعه رح لحد يشوفك
وهو ضحك وأردف وهو يسكر النافذه : تراني زوجك على فكره
ابتسمت وهو سكرها وراح وهي حطت الكيكه في الفرن وتبتسم من تأثير حضنه عليها وعلى قلبها دخلت هتاف وهي تقول : يا عيني وش تسوين
عذاري ضحكت : كيكه عشان نتقهوى جده
ابتسمت هتاف وراحت الصاله وبقولها : خلصت
الجده حطت يدها على راسها بقولها: اه راسي
غسق : بسم الله عليك يا جده
وقامت تجلس يمها وتهمز راسها والجده بقولها: لا يابنتي وتاخذ يد غسق وتبوسها وغسق تبوس راسها ويدها
وسحاب قامت عند الجده وتحاوطها بقولها : اضمك يا جده ابي اضمك وتضمها تسمي على راسها والجده تاخذ يد سحاب وتبوسها بحب وسحاب تسحب يدها وتبوس يد الجده ورأسها وتبتسم الجده وتنطق : يجعلني ما أبكيكم ولا أفقدكم يا اعز ما عندي ..
التمو حولها وعذاري جات وتدخل معهم باللمه وهم عند الجده وفي خاطرهم كلمات وكأنهم يقولون لها
"تركنا جدي وراح طلبناك لا تخلينا نبغاك "
{سيف}
الي كانت ليلى مستحوذه على أفكاره وعجز يطلعها من باله وجلس سرحان يتذكرها لين ضربه فارس على كتفه وبقوله : شعنده مجنون ليلى؟
سيف : كم مره قلت لكم لا تقولون اسمها !
ضحك امير وبقوله : ولا غيور ! ياعيني بس
ودخل عليهم عسّاف الي قطعهم وبقوله وافق وافق وينقز على فارس ويضمه ويمر على امير وسيف وكلهم يحضنهم بحراره 
سيف : مبروووك يا حييّ مبروووك !
فارس : الله لا يخلينا من هالفرحه !
امير يضحك لفرحته والي كانو كلهم فرحانين له ويضحكون له ولكن امير تمنى يعيش فرحته بوجود غسق وينعقد اسمه بأسمها وساحت له الافكار لها ولفستانها شد اسنانه وبلع ريقه من تذكر منظرها ومنظر مالك وهو نايم عندها وخق من الآخر
قاطعه من سرحانه نايف الي فتح باب الملحق وبقوله : فرحوني معكم شعندكم
عسّاف وقف يحضنه : وافقوا وافقوا
نايف فز : احللفف
عسّاف. : والله
نايف اخيرا بتاخذها بتاخذ الي جننتنا فيها وفي حبك لها مع انها دلخه
عسّاف صفقه : لا تتعدي حدودك لو سمحت ذي بتصير زوجتي خلاص !
ابتسموا له وجلسوا يسولفون وسيف مسك أوراق البلوت يخلصها
فارس :دقيقه وجاي وغمز لنايف يلحقه
وقام نايف وبقوله : بجيب لي ماي
عسّاف : لا تتأخرون عشان نلعب
وتوجه فارس للحديقه وجلس عليها وهو يتأمل زهورها والخضار الي فيها
نايف يغني : والله وتحقق منايا شوفو حبيبي معايا
"ويأشر على دبلته في إصبعه "
والله وتحقق مناياا شوفو حبيبي معايا !
وفارس يطالعه ويبتسم
ويكمل نايف : يا اهل الحسد والوشايه سعاده القلب وياه
ضحك وجلس جنب فارس وبقول فارس له : ما سوت فيك خير شخبارك يا عريس
نايف : بخيرررر والله يا فارس اني فرحان اخذت الي احبها والي ابيها مقدر
فارس ابتسم : يارب عقبالييي يارب عقبالي
نايف : يارب تاخذ الي تبيها يارب
فارس : بس كنت ابي اتطمن عليك يا وحش وخلاص رح انقلع العب معهم
نايف ضحك : والله انك نصاب ما تعرف تلعب وما تبي تجي
فارس يضحك: معرف العبها ياخي
ابتسم نايف ومشى
.

.

.
استغفر الله العظيم واتوب اليه