وقَلبي على حُب رمشك السود ميّال

Part 25

{ البنات }
عند النار سحبوا كراسيهم والتموا حولها ويتدفون واخذتهم السوالف
هَتّاف وقفت : كم باقي على الرجعه
دُرة تصفق : ست ايام او سبعه
عذاري : مدري هالخميس يوصلل
معالي : او يوصل الجمعه
غسق : امنتك الله ؟
هَتّاف : يا حبيبي ابرحللل
عذاري : يمكن غيابيي يعرف الشوق قلبك
وكملت : مع مرور الوقت ارجووك اسأل خلل الوصل لو يوم من بعض طبعك
" للمعلوميه عذاري صوتها حلو بالاغاني " وقفت وعن الصمت بالمكان بعد ما كانت عذوبه صوتها منتشرة بمسامع الجميع
تكلمت معالي : وين سحاب طولت
عذاري : مدري والله بروح اجيب جوالي واشوفها
قامت وتوجهت للمطبخ واخذت جوالها وفتحته وتتصفح الرسايل الي جاتها دخلت الاستديو وانصدمت من صور نايف الكثيره ومقطع له وهو يسوي لها قلب عقدت حواجبها بصدمه واستغراب لكن ضحكت وهي تشوف كميه الصور الكثيره : مجنون مو صاحي والله يالله تغربله وش جاه على جوالي وتركت الجوال بدون لا تحذف الصور
{ ريّان }
الي كان يحس بتأنيب ضمير فظيع من ذاك اليوم ولا تجرأ يقول لهتان تنهد وهو من ذاك اليوم تارك الدخان وتاب وشاغله تفكيره وشايل همها : هي بخير؟ والله مو متعمد هي طلعت بوجهي ما اقصدها والله ،تقلب على سريره ، لازم اعتذر منها صدق اني زليت
{ يوم الروحه للأسطبل ، الجد }

الي كان متوسط الصاله وسط الحوسه والبنات يروحون يجون
سحاب : يا بنات الفير الفير لا تنسونه
معالي : معي الفير بس الشامبو خلص ولا؟
عذاري طلعت من المطبخ وبيدها دله الشاهي والقهوه: موجود في شنطتي لكن ذولي وين شنطتهم
دُرة وهتاف وغسق نزلو من الدرج وكل وحده شايله شنطتها الي شبيهه بشنط السفر ولكن اصغر
سحاب لعذاري: مدري شوفي جدتي
التفتوا على صوت باب الصاله الي انفتح ودخلت الجده : وش فيكم تصوتون وانتي يا عذاري وش فيش ماسكه هالدلال
عذاري : جدهه ما لقيت شنطتهم
الجده : الله لا يعمينا شوفيها يمش عند الثلاجه
وراحت عذاري
والجد متكتف بالصاله وكان مبسوط وجدا بالازعاج الي يصير حوله من قبل جيتهم كان البيت هدوء وما فيه صوت غير مسجل القرءان الي بالمطبخ ولكن من جيتهم وعمت الحياة بأرجاء القصر الكبير الجد حمد ربه ويدعي بقوله : يالله لا تغيب حسهم عني
دُرة : بنات وين نقابي فيه ضايع له مده
عذاري الي كانت تلبس الحجاب وعباتها وجاء دور النقاب اول ما سمعت كلام دُرة رمت النقاب على الكنب وجلست عليه
دُرة انتبهت لها وبشك : اشوف وريني نقابك عذاري
عذاري بتوتر : مو حقك لا تخافين
دُرة : تسحبها: طييب قومي بشوفه
عذاري : وخري عني بكويه متكسر
دُرة تسحبها : يعني حقي! قومي لا تخيسينه
عذاري ضحكت : حرام عليك ما عندي نقاب انتي عندك اثنين تصدقي علي بواحد
سحاب : يوه عذاري ليه ما قلتي لها طيب تسرقين حقها ليه
هتاف : مو صاحين الزبده خلصوا هواشكم بسرعه ترا امير برا
الجد كتم ابتسامه وبعصبيه مُصطنعه لعذاري ودُرة : ترا بنمشي ونخليكم هنا
دُرة بعدت عن عذاري وعذاري نفس الشي بقولهم بنفس الوقت : لا يا جدييي خلاص
ابتسم الجد وطلع وقبل يطلع : البسوا بيدخلون عيال عمكم يشيلون الاغراض
طلع الجد وثواني ودخل سيّف وامير وهو يشيلون الاغراض الي كانت عزبه كشته في البر
والبنات منقبات كلهم وغسق قلبها يخفق وتحاول تصد بعيونها عن امير
وثواني وطلعوا بعد ما حملوا الاغراض بالسياره وصار دور البنات الي شالو شنطهم الصغيره الي على الكتف وطلعوا متوجهين لسياره الي يسوقها امير وهم يمشون جنب بعضهم جات غسق وتدق كتف دُرة بخفه : خلي اخوش يوقف عند البقاله تعرفين لازم مفرحات
دُره ابتسمت : تمام
والتفت على امير وهي تقول : امير وقف عند بقاله
امير : لا والف لا
دُرة انصدمت : ليششش
امير : انزل واجيب اغراضكم اوكيه بس تنزلين انتي وبنات العم تنتشرون تقول وكل وحده طريق لا
غسق : لازم نتفرق شلون كلنا بمكان واحد يعني
امير : خلاص تم
دُرة : وجع اختك وما خليتني بنت عمك تامر امرر؟؟
امير : خلاص لا اغير رايي الحين
دُرة : طيب طيب خلاص
وقف امير عند السوبر ماركت الي كان يتوسط المحطه ونزلوا البنات ودخلو السوبرماركت وكل وحده ماسكه لها الكيسه الحمرا المايله للوردي وينتشرون بشكل عجيب ودخلت امير السوبر ماركت بعد ما القى تحية الاسلام بصوته الجهوري وخلى جميع من سمعه يرد السلام بهمس التفت امير يدور بنات عمه وبهمس : فص ملح وذاب وتقدم بخطواته السريعه ويرفع شماغه الاحمر الي طاح على كتفه ويدورهم بين الاقسام ويمر قسم الفواكه ويقلى دُرة تعبي كيسه صغيره من الفرواله ويجي عندها بأستغراب : تراها مو جمعه بنات
دُرة : رح شف شغلك يالحارس وما عليك مني
امير : طيب اذا خلصتي كلميني وغير اتجاهه وينتقل من سيب لسيب
ننتقل للغسق الي كانت ترفع يدها وتحاول تطول الشبس الي اعلى الرف وتقف على اطراف اصابعها
عذاري : ياختي بسرعه جيبيه
غسق : وانا وش اسوي احاول بس ما اطوله
صار صمت من جاء الشخص الغريب الي كان يضحك بشكل مريب ويوقف ورا غسق ويشل الشبس ويحطه بيدها وهي تبتسم بحُسن نيه وتشكره ويرد عليها بـ العفو عكس عذاري الي ترمق له بنظرات وبالاصح ( تشمق ) ومو عاجبها وضعه
وتقول : خلاص ساعدتنا يعطيك العافيه وتسحب غسق من يدها وكانت بتمشي لكن اوقفها صوته وهو يقول : لحضه
التفت له وثواني وهو ينزل بشكل مريب عند رجول غسق وهنا رفعت غسق صوتها بصدمه
ووقف بسرعه هذا الشخص وهو يمد لها سوارها الذهب الي انفتحت من يدها وبقوله : هذا لك ؟
غسق بفشله : اوه معليش ايه لي
عذاري تلتفت بربكه وتهمس : وجعع شوفي امير جاييي
غسق : وللل راح الرجال
غسق تلتفت على الشخص الغريب : بسرعه حط رجلك واركض اطلع بسرعه
الشخص ارتسمت علامات الاستغراب عليه وعذاري ارد بخوف وسرعه : بسرعه روح يالله اركض حافظ على حياتك صدقني توك شباب اركض اركضضض اخلصصص
"الجميع كان يعرف عصبيه امير من ذي الامور لان دُرة دايم تحكيهم عن سوالف تصير لها وتشوف رده فعل امير الجنونيه "
ولازال الغريب واقف مكانه مصدوم
وعذاري بسرعه وتوتر : اخلصصص يا خي تحرك شفيك لا تفهي
تحرك الشخص وهو يتوجه ناحيه الباب بيخرج منه وعذاري وغسق يشوفون امير متوجه ناحيتهم وملامح العصيبه مرتسمه على ملامحه وعقده حواجبه
وتقدم بقوله ويحاول يخفي عصبيته ويتكلم من ورا اسنانه : وش ذا الي شفته الحينن؟!
عذاري بجديه : اسمع يا ولد عمي لا يلعب على راسك الشيطان صل على النبي وكل شي طيب مو زي ما تفكر
امير الي كانت الغيره مسيطره عليه وبقوله : قدامي يالله
ويمشي وهم وراه
غسق بهمس : ياويلنا ويلاه
عذاري الي كانت رافعه جوالها تتصل على معالي وتقول : بسرعه تعالي انتي وهتاف وسَحاب سريع عند الكاشير
معالي : تمام تمام يالله
وسكرت
سحاب : وش صاير تونا ما قلنا بسم الله ؟
معالي : مدري والله شكل صاير شي لانها تتكلم بسرعه
هَتّاف : الله يستر هي ما تتكلم بسرعه الا اذا صارت متوتره
سحاب : بسرعه بسرعه
اجتمعوا عند الكاشير ويحطون اغراضهم وامير يمد مفتاح السياره لدرجه بدون نفس وبنفس الوقت غسق تمد يدها لدُرة تعطيها البطاقه البنكيه للجد بقولها خليه يحاسب فيها
وامير يسمع وسحبها من يد غسق وهو معقد حواجبه وبرد غسق : على هونك
وتمشي مع دُرة الي تضحك والبنات وراهم وركبوا السياره وهم متسغربين
سحاب : عذاري وش صاير ليه
قامت غسق وعذاري يقولون لهم الي صار وكيف صار مع امير
دُرة : ييييوه عاد امير بذي الامور يقلب شخص عصبي الغيره تذبحه
سحاب بطقطقه : القييييره القيييره 😉وتغمز
هَتّاف : ونقول طلع كوبل جديد في هالعائله
غسق : اقول عاد شنكم مصختوها
عذاري ودُرة يضحكون
معالي : لا والله بس صدق مفروض الغيره على اخته بس
غسق : وانا زي اخته
دُرة : ايه هيننن
وثواني وفتح امير باب السياره وكملوا طريقهم الي كله ضحك وطقطقه بين البنات وامير الي هدأ وصار يضحك على سوالفهم السخيفه
بعد 3 ساعات
عند الإسطبل
وبعد ما وقفت سياره امير والبنات يطالعون بصفع السيارات الي قدام الإسطبل
معالي الي تتلفت وتحاول تشوف من نافذه السياره : روسكم وش كبرها وين سياره جدي ما اشوفها؟
سحاب : هذا هو
بعد ما وقف امير السياره بالكامل نزلوا البنات وهم يشيلون قشهم من البقاله وأغراضهم وينزلون
وعذاري تتوجه لباب الإسطبل الكبير وتفتحه وتدخل ووراها البنات الي كل وحده شايله قشها وتمشي
عند الجد الي كان جالس على الكرسي ويلعب اونو مع نايف وعسّاف وليث وهتان وريان وفارس وسيف
وكانو على نهايه اللعب ونايف يحط ورقه تسحبيه وبقوله : اونو واصفررر
عسّاف : والله سحبت جدي
الجد : صبر يا نويف راجعه لك صبر
ويضحك ليث ويحط عكس دور والجد يضحك ويحط تسحيبه لنايف
نايف : يا جديي لااا باقي وحده وأفوز
الجد : ما فيه فوز
وكانو البقيه يضحكون على الجد ونايف
قاطعهم صوت باب الإسطبل الي انفتح ويدخلون البنات وهنا الجد ترك الاوراق وقام لهم
فارس : اها يالله جاو بناته أمداهم يدخلون ونسى اللعب وتركنا
ليث ابتسم : الصراحه علاقه جداكم ببناته على قولكم ،جميله بشكل .. يحبهم كأنهم بناته واكثر مدلعهم تدلع ما يقصر عليهم بشي
عسّاف : ما شفتهم في البيت ، حاشرنا بالملحق والبيت كله لهم حتى الحديقه لهم
هتان : لا إله إلا الله وش بقى خل يطلعكم من البيت احسن
سيف : ما استغرب تصير
اما الجد الي توجه لحفيداته ويهلل ويرحب : هلا والله بدنيتي هلا والله ببناتي هلا والله ومرحبا تراحيب السما
والبنات يضحكون بفرحه ولهفه على ترحيب جدهم لهم
ويلتمون حوله ويسلمون عليه
الجد: يالله شوفو باب الي هناك هذي غرفه لكم أنا والعيال منظفينها عشانكم
معالي : اخس والله كفو عليك يا جدي شغلتهم
عذاري : الدنيا دوراه صاروا ينظفون لنا اجل ههههههه
الجد : ايشي لراحه بناتي تم
والبنات توجهوا للغرفه والجد يصرخ على العيال : قومو ساعدوهم نزلوا الاغراض
نايف : اف ياربي الله اشغلنا ببناته
عسّاف : قم وانت ساكت بس
ليث : يالله أنا بساعد بعد
قامو وراحو عند سياره امير ويسلمون عليه وصار امير وفارس ينزلون الاغراض على الارض وكل واحد يشيل شنطه ويتجهون للغرفه
دق نايف الباب وبصوت جهوري : طريق
وكانت عذاري عند الباب وتلف الشيله عليها وبسرعه رجعت مكانها يمهم
ونزلو الاغراض في المكان المناسب واخر شنطه كانت بيد ليث وجات سحاب بتسكر الباب إلا دفه ليث بقوله وصوته الهادي الرايق : باقي شنطه ثواني
ويدفها من الباب وجا بيطلع
لكن سحاب الي سمعت صوته وبالمعنى الحرفي تذكرت المستشفى والمحادثه الي هناك وتبسمت بخفيف وقالت بنبره هاديه : الله يعطيك العافيه واشكرهم عنا
ليث بفرحه عشان سمعت صوتها : وصل
على نهايه العصر وبدائه اذان المغرب
الجد مع العيال كانو يصلون جماعه ويأمهم الجد ياسر
والبنات صافين ووسطهم الجده وبعد انتهاء الصلاه كلهم راحو يشوفون طريقهم
العيال الي يشبون النار وجالسين حولها والبنات في جلستهم يم النار ومسكنين بالأجواء
الجد : وين الشاهي والإبريق ؟
سحاب : أنا اجيبه يا جدي واسوي لك احلى شاهي
الجد ابتسم : يخليكم لي ولا يحرمني منكم
امير : واحنا الله يخلينا لجدتي
الجد : ايه أخيلكم لها ولا تزعلون اهم شي بناتي أنا
الجده : أنا لله من مناقرتكم والله كلكم عند ياسر واحد لكنه يموت بالبنات يحبهم ولا لو صار فيكم شي لا سمح الله هو اول من يسأل خذوها مني محد يعرفه إلا أنا ابتسمت سحاب وهي تلتفت للبنات : عذاري شرايك تجين معاي ؟
عذاري : تممم يالله قوميني
وترفع يدها عشان سحاب تقومها وفي ذي اللحضه انكشفت يد سحاب من عند الرسغ وطاحت عين ليث عليها وانصدم لكن ساحب بسرعه غطتها وليث نزل عينه على النار والتفت سحاب تتطمن ان محد شاف يدها
وتوجهوا عذاري وسحاب للمطبخ وعذاري تطلع إبريق الشاهي وسحاب تجيب الماء مع اكياس الشاهي
وعذاري تغسل الإبريق وسحاب يمها وابتسمت على خفييف
سحاب : وش بينكم انتي ونايف
عذاري طاح الإبريق من يدها : بسم الله وش الطاري
سحاب : لا تسوين لي فيها شايفه عيونه عليك طول الوقت ميت فييك وش مسويه فيه انتي ؟؟
عذاري : مو مسويه فيه شي هالكريه
سحاب : كريه؟
عذاري : وش فيك انتي الحين وين تبين توصلين
سحاب : يختي يحبك والله واضح عليه وانتي تشمقين له طول الوقت شوي شوي عليه
دره فتحت الباب بسرعه وهي تقول : والله يحبها سمعت بأذني وهو يقولها
عذاري : ايشششش
سحاب : وجع وانتي قاطه اذنك ليه
عذاري تسكر الحنفيه : ياخي قلت المواضيع تتكلمون بذا الموضوع وانتي وش سمعتي
دُرة : مو هو كريه؟ خلاص ماراح اقول شي يالله جدي يقول طولتوا قالي اجي اشوفكم يمكن مضيعين شي
طلعت دُرة ووراها عذاري وسحاب
عذاري : انتو هيه لا اسمع احد فيكم قايل شي عن الموضوع ذا ولا بزعل وتعرفون زعلي
دُرة : لا تخافين سرك في بير
عذاري : خوفي هالبير يقلب نافوره عند البنات
سحاب : لا لا ما يطلع ان شاء الله