وقَلبي على حُب رمشك السود ميّال

Part 32

{بيت الجد}
نايف : جدي ما تحس خلاص الوقت؟ انقبلت بالجامعه
الجد : بيني وبينك هي قالت انها موافقه بس علمتني ما اقول لك لين يجي وقتها
نايف : يا جدي خلاص اجيب ابوي ونخطبها رسمي ؟
الجد : توكل على الله بس خلها ببيت ابو عسّاف وانا بكون موجود ان شاء الله
نايف : تم
وسرعان ما فتح جواله واتصل على ابوه وابوه اتصل على ابو عسّاف واتفقوا بكرا يجي يخطبها وبعدها تكون حفله الخطوبه
{ البنات }
الي عذاري وصلها الخبر على الجوال من ابوها ونطت بخوف وتوتر
سحاب : يمه شفيك
غسق : خرعتنا هالهبله
عذاري : بكرا بكرا بيخطبوني
معالي وقفت : ايشششش
هتاف : والله وصاار الوقت
عذاري :بكرا ابوي يقول لي تعالي وتجهزي بيخطبك ويشوفك شوفه شرعيه ما اقدر
غسق : يمامي طيب يالله ع السوق عسانا نلقى شي  من بدري
نزلوا عند الجد بعبايتهم وبقولها عذاري لجدها بخجل : جدي بكرا نايف جاي يخ....يخطبببني وابي اروح السوق اشوف لي فستان حلو ومع البنات
الجد ضحك على حيائها ودقها بخفه بعكازه: مو متعود عليش مستحيه خلي عنش الحيا
عذاري انصدمت وسط ضحكات البنات العاليه وبقولها: جددي!
الجد مد لها بطاقته البنكيه وبقوله : لا تشترون إلا منها ورفع جواله يكلم السواق وبعد إنتهائه من المكالمه التفت عليهم بضحكه  : السواق برا
ابتسمت عذاري وباست راسه وكذالك باقي البنات وخرجوا من البيت ومتوجهين للسوق
في السوق
كانت عذاري تتمشى وتنقي طلت بوجها سحاب وهي رافعه فستان : وش رايك بهذا؟
معالي : يليل انتي والاسود خلاص خذي لون فرايحي بيبي بلو او وردي غيري الاسود
سحاب : معك حق كل فساتيني سوده
اما عذاري الي التفت على فستان الي كان بيبي بلو  على موف ولكن كان الفستان مثل ما حبت وجاء على بالها بالضبط واغرمت الفستان عاري الكتوف شافتها معالي وبهمس : تبين تفتنين الرجال؟
عذاري تلخبطت مشاعرها وتقدمت هتاف : لاء كذا كثير اخوي ما بتخلين فيه شي صاحي
سحاب : كأن الفستان انخلق لها هي بس
غسق: صاادقه مناسب وكثير
دُرة : خذيه ادعم وبقوه
اخذت عذاري وباقي البنات ينقون لهم الفستان لحفلة الخطوبه سحاب اخذت ازرق بحري وكان فعلاً لايق عليها
اما معالي اخذت فستان احمر عاري الكتف وفيه فتحه للفخذ اما دُره اخذت فستان سُكري وفيه لمعه وكانت مناسب لها بشكل كبير
اما غسق الي كانت محتاره ولكن إخذت  بنفسجي ولا تنسى اخوها الي مرت شرت له ثوب يناسب عمره
{ بكرا }
ببيت ابو عسّاف الي كل البنات كانو موجودين وعذاري لابسه فستان ناعم وانيق  بما انها خطوبه
سحاب تسوي شعرها ويفي من تحت وترش رشه خفيفه من المثبت
وتقول : وبكذا خلص الشعر ويشوفون الميكب عليها
غسق : يختي يا جمالك ماشاء الله
عذاري : لا تسلكين طلبتك
سحاب : وين تسلك طالعه قمر ماشاء الله
دُره وهتاف يطلون من النافذه : وصللل وصللل العريسسس
هتاف تمشي وصوت الكعب عالي بقولها : يالله متى ننزل
عذاري : يالله جايين
وصل نايف وابوه وعيال عمه جايين معه فتح عسّاف الباب وهو يرحب فيهم ويسلم على نايف بقوله: حي الله العريسس
ضحك نايف : عقبالك
ابتسم عسّاف بأسى وكأنه تذكر شي وكمل يسلم على العيال وابو سليمان وسليمان
والجد الي كانت ينتظرهم بالمجلس مع ابو عسّاف وجلسو كلهم وقام عسّاف يصب وقام امير يفزع له بالدله الثانيه ويصبون للكل وهنا تنحنح ابو سلميان وبدأ يتكلم : أنا جايك يا ابو عسّاف اطلب يد بنتك عذاري لولدي نايف على سنه الله ورسوله
ابو عسّاف : وهذي والله الساعه المباركه وانا موافق والبنت موافقه والله يبارك للجميع
وقامو بفرح يسلمون على بعض وسط ضحكات الشباب ويباركون لبعض والجد يحمد ربه انها تمت على خير
وقعدو يتناقشون عن الخطبه ومتى يجبون الشيخ والخ
اما عند الحريم بالصاله
الي نزلت لهم هتاف وباقي البنات وبعدها بفتره نزلت لهم عذاري وام سليمان أفصحت عن إعجابها بقولها : يا حظ ولدي فيك بتجننينه
عذاري ضحكت بحياء مداتها هتاف بخبث للمطبخ
توجهت عذاري للمطبخ وبقولها : استني هنا بيدخلون العشا
عذاري : تمام بس وش دخلني هنا أنا
ثواني وطلعت هتاف وقفلت الباب بالمفتاح وانصدمت عذاري وبقولها بهمس : يالخبله وش تسوين فتحي الباب !!
ثواني وانفتح باب المطبخ الخلفي ودخل نايف شايل صينيه العشاء انصدمت بوجودها ولكنها ما تدري بزينتها هذي انها ألجمته بالسكوت وضل سرحان في متاهات حبها  ونزل صينيه العشاء على الطوله ولأول مره عذاري تشوف نايف بالتوتر هذا وينطق : توهتيني يا بنت
عذاري حمر وجها بخجل  وما عرفت وش تقول
لكنه تقدم وقرب منها وهمس : كم يوم وتصيرين حَرم نايف يا عذاري وشدد (تصيرين حلالي) ..
لكنه تراجع للخلف من داهمته ريحه عطرها الي ضيعت منه الكلمات وطلع من المطبخ وسكر الباب استندت على الباب وحطت يدها على قلبها : يمه قلبي
{ هتاف }
رجعت تجلس عند البنات بعد ما خلت عذاري بالمجلس سحاب بهمس : عذاري وين؟
هتاف : مع نايف
شرقت دُرة بالقهوه
معالي : بسم الله شفيك
والبنات يطالعون هتاف
مدت غسق كوب الماء لدُرة
والتفت دُره لهتاف: هبله انتي؟
وقامت بسرعه هتاف و فتحت الباب وعذاري تنظر لها بنظرات تتطاير شرار
وبقولها: دقيقه نتفاهم
عذاري : ولا دقيقه روحي عني ما بشوفك
هتاف : طلبتك
عذاري : روحي عني
وسحبت عليها وصعدت عند البنات وانسدحت بسريرها وسط أنظارهم
سحاب : وش فيك؟
عذاري : ولا شي
غسق : مستحيل تقول صبر نسأل هتاف
ثواني وفتحت هتاف الباب
معالي : وش فيها عذاري؟
هتاف : زعلانه مني
دُرة : ليش وش مسويه؟
جلست دره وجلسوا معها وحكت لهم الي صار ولما انتهت صفقتها غسق : منجدك انتي اكيد البنت تفشلت عيب عليك
سحاب : الصدق لو مكانها وريتك شغلك حمدي ربك ساكته عنك
هتاف : كنت بسوي خير ياخي
معالي : لا تكفين لاعاد تسوين بأحد خير
قاطعهم طرقات الباب وصوت الجد فزت عذاري وفتحت الباب وانحنى يضمها بحب ويبارك لها بقوله : العرس بعد شهرين والمهر واصلك
ابتسمت عذاري وبادلته الحضن وهي تبتسم يبارك فيك ياقلبي جدي حبيبي ولا يحرمني منك يا بعدي
التموا حول الجد الي شرع يدينه وضمهم كلهم له ويمسح على على شعر ذي ويبوس راس ذي ويقرا عليهم ما تيسر ..

-يوم ثاني -
عسّاف الي كان ببيت هاجر مع ابوه للمره الثالثه يخطبونها
ابو هاجر : البنت لولد خالها والله يوفق الجميع

حس عسّاف بالخذلان والاغنيه الي توصف حاله كانت :

تمايل راس ابوها ومال
يهزه يمنتن وشمال
همس في اذن صاحبنا
نصيبك مع سواها تنال
مهو معقول .. ولا مقبول
اعيش الفكره ذي يا عمّ
بعد بنتك .. انا احلف لك
علي تحرم بنات آدمّ
ولو دنياي .. حكاية ناي
ابحكيها جروح وهم
وهذا القلب .. يا عمي صعب
حلف أبعشقها وأقسمّ
بقولّك شي .. ما دامي حي
أموت وغيرها يحرمّ
بكل الياس .. بقول للناس
حياتي خانها درهمّ

وتكلم عسّاف : بعد بنتك يا عمي تحرك علي بنات ادم والخطر ما يبي إلا هي وانا استاذن
وقام هو وابوه بكل يأس والخيبة على ملامحه وهي تسمع حكيهم من ورا الباب وتبكي على النصيب الي انربط فيها غصب عنها عشان عسّاف مو من نفس قبيلتها
وهي  وما تبي إلا هو"عسّاف" عسّاف وبس ...
.

.

.

زوروني انستا v_r2il