وقَلبي على حُب رمشك السود ميّال

Part37

‎الي كانت جالسه على سريرها وتفكر بليث وقفزت انها موافقه إذا سألها سيف بتوافق وتلحفت وهي تتخيل حياتها معاه غمضت عينها بنعاس وفزت من حلم وهي تحط يدها على قلبها وتهمس بسم الله ونزلت دموعها دمعه ورا دمعه وهي تسمي بالله وتلف على الدرج الي يمها وتفتحه وتطلع صورته وهي تبوسها وتبكي دخلت عليها عذاري وخافت من منظرها وبقولها : بسم الله سحاب وش فيك ؟
‎وجلست يمها وهي تحضنها وتتطلب عليها وسحاب الي ضامه صورته لصدرها وتتنفس بسرعه وخففت من دموعها وسألتها عذاري : وش فيك؟
‎سحاب تمسح عيونها : ولا شي بس  تحلمت وقمت مرتاعه
‎عذاري بعدم تصديق : علينا؟
‎سحاب بغضه : حلمت فيه
‎عذاري لمعت عينها بشوق وبهمس : وش حلمتي ؟
‎سحاب : كنت قاعده بالصاله وجدي الله يرحمه جنبي وانا لما شفته في الحلم انصدمت وبكيت كثير وقلت له فقدتك ومشتاقه لك وهو ما سوى شي غير انه ناظرني وابتسم لي
‎وبكت : بيكمل سنه على موته وانا للحين اتحلم فيه مشتاقه له مشتاااقه فقدته فقدت من يحتوينا إذا ضاقت دنيانا لما كنا نهرب من ثقل الدنيا عنده وتحت جناحه وببحه ككررت : وينه وينهه وبكت
‎وعذاري بكت
‎دخلت غسق وهي تناديهم ينزلون على العشاء شافتهم يبكون وهي مو عارفه وش تسوي غير انها حضنتهم ثنتينهم وهي مستعده تحلف انهم يبكون على جدهم  وتمسح عليهم وبقولها : هو قال لنا قبل يروح الله يرحمه انتم تحتاجون بعضكم قالها لك يا سحاب وكررها لنا ويقول شدو ازركم يا بنياتي بلعت غصتها
‎وكملت: الله يرحمه ، يالله قومو مسحوا وجيهكم جده تستناكم تحت وغمزت لسحاب بقولها : فرحيهم بالخبر
‎ابتسمت سحاب وقامت تغسل وجهزت وعذاري تمسح دموعها وتشرب ماء ونزلو كلهم يبتسمون
‎الجده بعتاب : وينكم تأخرتوا !
‎سحاب : أخذتنا السوالف معليش جده
‎الجده : تعالو سولفو هنا اجل
‎ابتسمت سحاب وهي تسحب الكرسي وتجلس على المائدة الكبيره الي فيها أصناف كثيره ومُشهيه وبقولها : اف يا جده وش هالطبخ الي يفتح النفس
‎الجده ضحكت : فيه العافيه حبيبتي
‎وسحاب الي كان مكانها بين عذاري وغسق ومقابلينها معالي وهتاف ودُرة وليلى
‎تنحنحت سحاب وبقولها : ما فيه مبرووك؟
‎التفوا عليها بأستغراب
‎سحاب : أنا انخطبت
‎وقفت ليلى وبقولها : صادقه؟؟؟
‎وعذاري الي كانت مصدومه والجده تضم سحاب وتبارك لها وكلهم يضمونها ويباركون لها ويرجعون اماكنهم
‎دُرة: كلكم بتروحون شذا
‎الجده بعتاب : مسويه زعلانه والله أنا الي ينقطع من قلبي إذا راحت وحده منكم
‎سحاب : والله ما نقطعك يا جده وخذيها عهد بالذمه
‎عذاري : صادقه ! شوفيني امس عروس واليوم معكم !
‎الجده ابتسمت وماعرفت وش تقول غير انها تضحك دليل على الرضا
‎ليلى بفرحه: مين سعيد الحظ؟
‎سحاب : توقعوا!
‎دُرة بتشكيك: فارس؟؟
‎سحاب : لا وين
‎دُرة تنهدت براحه
‎سحاب بخجل : ليث خاطبني
‎ليلى تصارخ بضحك وبقولها : ما غيره ؟؟
‎سحاب : اييه
‎ضحكوا وانتهت الليله الي كانت مزيج بين مشاعر الفرحه والاشتياق