وقَلبي على حُب رمشك السود ميّال

Part 20

وهو يناظر بأمه والتفت على سليمان الي هز راسه وقال: الي تشوفينه يمه
نايف وقف : لا لا
التفتوا عليه بصدمه وقال ابو سليمان : وشو الي لا لا ؟
نايف انتبه وسكت : لا ولا شي
وصعد غرفته وزعلااان وشايل همم لبس ملابسه للطلعه ونزل والتفت وشافهم للحين على جلستهم ضد بضيق وفتح الباب بيطلع استوقفه كلام امه : بيتت جدك؟
نايف : اييه يمه بروح
طلع وهو ضايق وراح بيت الجد ياسر ودخل للملحق وجلس وسط نظرات الشباب فارس وعسّاف و وامير الي استغربوا وضعه لانه بالعاده دايم يضحك ويمازح الكل ، وجلسوا حوله
فارس: ولد فيك شي؟
امير : وش فيك من مزعلك
نايف : لا ما فيني شي
عسّاف : على مين؟ قلنا وش فيك
نايف : يا شباب خلاص ما فيني شي
امير : قل ولا يكثر
فارس : تدري اننا ما نخليك لين ندري وش فيك
نايف بتفكير : تخيلو عندي صاحب يشكي لي تمام؟ انا ضايق عليه يقولي ان اخوه بياخذ بنت عمه الي يحبها ويبيها ومو عارف وش يسوي وضايق ويبيها له ما يبي احد ياخذها منه يحبها حبب ويقول هي فيها شي مميز ومُلفت للجميع وامه شافتها وحبت تخطبها له وضايق علييه
امير : لا حول خله يصارح اخوه اكيد بيتفهمه
عسّاف : لا وش يصارح اخوه؟
فارس : اجل وش يسوي؟ التفت على نايف انا اقول خله يصارح اخوه انه يحبها ويبيها وبنات الناس واجد بما ان اخوه ما يحبها وبيتزوج زواج تقليدي يدور له غيرها
نايف بكذب : قلت له بس يقول يخاف يزعل اخوه
امير : لا يزعل ولا شي هم اخوان
نايف بتسليك : خلاص ما فيني شي بس ارتحت لما قلت لكم لاني كنت حيران
ابتسموا الشباب وكل واحد جلس على جواله الا فارس الي طلع وراح لداخل البيت وتحديدًا الصاله التحتيه وارسل لنايف : ولد تراني ببيت جدي بالصاله التحتيه تعال لي ابغاك بموضوع
قام نايف بعد ما قرا الرساله وتوجه لبيت الجد وجلس جنب الكنبه الي جالس عليها فارس وقال : هلا وش بغيت ؟
{ دُرة }
الي كانت نازله من الدرج بنعاس وقفت وهي تسمع كلامهم
فارس : ادري ان القصه الي قلتها ما هي الا لك ومو لخويك
دائمًا ما كانت علاقه فارس ونايف قويه وفارس يفهم نايف من تصرفاته وذات الشي لنايف الي مهما يفلم بقصصه الا ان فارس يكشف تاليفه ويساعده بأتفه الامور
ابتسم نايف : كشفتني اجل ؟
فارس : حشى العشره الي بينا هينه؟ كل شي لك بعيني واضح
ابتسم نايف : ايه والله ، يا فارس! انا سكت " شوي وكمل : عذابي ام عيونٍ رمشها سود
فارس : من بنته؟
نايف: بنت بشّار
فارس انصدم : اخت عسّاف؟!
نايف : ومن غيرها
فارس : وكيف؟
نايف تكى على الكنب وتسند ورفع عيونه للسقف : يوم طاحت بالمطبخ كنت انا جاي وما دريت فيها موجوده تهت وحرت فيها يا فارس ادري انه غلط لكن مهب بيدي "التفت عليه : شخصيتها يا فارس شخصيتها ، قويه بس ضعيفه تذكرني بالورده الي ريحتها حلوه وشكلها جميلل بس من تلمسها توجعك شوكتها هذا الي احسه معها يا فارس ، قويه كثيييرر لدرجه بعز ذبولها تزهر!
فارس : يوه يا نايف ما هقيتك خفيف
نايف ضحك: والله يا فارس احبها والله
فارس : اصارحك؟ ، والله حتى انا احب
دُرة قربت اكثر وهي تسمع كلام فارس
فارس : طحت على وجهي يا نايف
نايف : ايوا ؟ ومنهي سعيده الحظ؟
فارس : ماراح اقولك بس بقولك الموقف " عدل جلسته وتربع على الكنب " قابلتها بمكان عام وقتها تلخبطت مشاعري حسيت بشعور اول مره احسه من نظراتها ولا عيونها ولا ايش اقول ايش اخلي حسيت كذا كأن قلبي جاه زي الخفقان وانا اشوفها واشوف حركتها
نايف : طيب من هي؟ من بنات عمي ؟
فارس : ايوا من بنات عمي
نايف : اي عم؟
مشت دُرة وهي مدمعه ومتضايقه من كلام فارس لسبب هي تجهله راحت عند البنات وتلحفت بلحافها ومسحت وجهها وغمضت عيونها وهي تتناسى موضوع فارس وتفكر شلون نايف يحب عذاري ؟
فارس : بنت عمي عماد
نايف : ايوا وين عسّاف وامير يكملون المجموعه
فارس ضحك
نايف بتفكير :اه بس مو عارف شلون اصارح سليمان
فارس : لا لا انت صارحه وقل الحقيقه وقل انك تحبها
نايف : مدري احس ما اقدر
فارس : تقدر ان شاء الله والحين يالله نروح ننام عشان يصحينا جدي لصلاه الفجر
راحو الملحق وكل واحد انسدح مكانه
"بعد اسبوعين "
-في صباح يوم جديد -
{عند البنات }
الي قامو وقطوها احزانهم وراهم ولا ودهم يرجعون بيتهم وودهم يعيشيون ويستقرون ببيت جدهم وهذا الي كان ناويه الجد ياسر رغم اصرار عياله ان بناتهم يبقون عندهم لكن رفض الجد الي كان قاطع وبقوله : البنيّات يحتاجون بعض وانا ابيهم عندي وكان تبونهم تعالو للبنايات الي حول هالقصر فاضين ولا حد فيهم وتكونون جنب بناتكم وحولهم وصلى الله وبارك
كانو مجتمعين بالمطبخ عند الجده ضحى الي كانت تطبخ الفطور وحولها البنات الي هَتّاف تقطع الطماطم ودُرة تغسل البيض و عذاري تسوي دله شاهي وغسق الي كانت تستمع لسوالفهم وهي تسوي الخبر على الصاج وتضحك ومعالي كانت تجهز طاوله الطعام وتحط عليهم سفره الا سحاب الي كانت جالسه وبتذمر على كرسي المطبخ: ياربي طفشت خلوني اساعدكم شوي
الجده ضحى : اقول اهجعي مكانش
سحاب : يا جده تكفين بس شوي ان شاء الله لو اكسر بيضه
الجده وهي تلتفت على عذاري الي كانت جنبها : علامها بنت عمش تبنبع ما طلعت سناعتها الا لما انكسرت يدها اجل
سحاب بصدمه : يا جده حرامم عليك والله دايم اساعد
ضحكوا وعلى ضحكهم دخل الجد ياسر الي يضحك : ايوا ضحكونا معكم ضحككم لاخر الحديقه حتى العيال سمعوه
الجده : ابد والله بس نتضحك على سحاب
الجد التفت على سحاب الي كنت مبتسمه وتضحك والجد ارتاح نفسيًا لما شافتها تضحك : بسم الله عليها بنتي وقرب ويمسح على راسها الا سحاب ما ارضى عليها
ضحكت سحاب وتسوي حركات للبنات بمعنى انها تقهرهم
{ سليمان }
الي كان يتجهز لدوامه ويبخ بخات من عطره ويعدل كبك ثوبه قطاعه دخول امه وبابتسامه: يا صباح الخيير ، هاه يا ولدي عزمت خلاص؟ تبيها اخطبها؟
سليمان : ايه يمه
ام سليمان بفرحه : خلاص ادق على امها اليوم ان شاء الله واعطيك خبر
سليمان: الله يكتب الي فيه الخير ، الا نايف وينه ؟
ام سليمان: وين يعني يالدوام يا بيت جدك
وطلعت وراحت تتصل على حنان
أم سليمان : السلام عليكم
ام عسّاف : يا هلا وعليكم السلام
ام سليمان : والله داقه عليك يا ام عسّاف اطلب يد بنتك عذاري على سنه الله ورسوله لولدي سليمان
ام عسّاف ابتسمت : والله وهذي الساعه المباركه والله يكتب الي فيه الخير لكن تعرفين الشور لابوها ولها وانتم والنعم فيكم
وقفلو الخط
وابتسمت ام عسّاف بمكر وراحت عند ابو عسّاف وجلست : الا اقول يا ابو عسّاف اليوم ام سلميان داقه علي وخطبت سلميان لـ عذاري وما يحتاج اقولك تعرف ولد اخوك وماشاءالله عليه
ابتسم ابو عسّاف : اي والله بشوف اروح بيت ابوي اليوم بقول لها
حنان : والله ما يبي لها شور من متى البنت لها راي ؟
ابو عسّاف : انتي الي بتتزوجين ولا هي؟
{ الجد ياسر } في اليل
الي توجه للصاله بعد ما ترك احفاده برا ودخل وهو يسمع ضحك البنات والجده ضحى وسطهم وكل وحده فيهم ماسكه البياله ويشربون شاهي واللي عليها جاكيتها وشالها من البرد
دخل الجد : السلام عليكم
ردو : وعليكم السلام
قامو البنات يبوسون راسه ويجلسون
الجد : ماشاءالله اجواء الشتاء حلوه
ابتسمت معالي : اي والله يا جدي يبي لها مخيم وقعده بر
الجد : وانتي صادقه خلاص بشوف مخيم نقعد فيه كم يوم نغير جو
سحاب قامت تبعد عنهم بعد اتصال من سيف وردت بقولها : هلا
سيف : هلا والله وينك وين كنتي فيه!ليش ما تردين علي خفت فكرت ابوي سوا فيك شي
سحاب ابتسمت بأسى وهي مو حابه اذكر له اخر الاحداث الي صارت : الحمد لله يا سيف بخير وانت؟ رحت عند الاجانب ونسيتني
سيف ضحك : لا والله عارف جدي وبنات العم ما يخلونك لحالك
سحاب : كم باقي لك وترجع؟
سيف بكذب : اخخ بعد يمكن 6 شعور
سحاب شهقت : خيرر وشذااا
سيف : زادوا المواد وعلى ما اخلصهم لازم اطول
سحاب دمعت : لا يا شيخ خير والله قايل لي شهرين
سيف يخبي الضحكه: شسوي بعد اول ما اخلص بجي ولا تزعلين
سحاب بضيقه: الله يوفقك يا رب يالله بروح جدي يبيني
سيف : استودعتك الله
وقفلت الخط وهي تروح عندهم
الجد : منهو ذا الي سحبش من بينا اشوف ؟
سَحاب : هذا سيف يا جدي
الجد بلهفه: ايوا وش اخباره ومتى راجع؟
سحاب : الحمد لله بخير يقول امتدت دراسته لـ 6 شهور
الجد : حشى
سحاب : الله يصبرني
الجد : ما عليه يا جدش هذا مستقبله لزوم نصبر
دُرة تغير الموضوع : اف ابي اطلع
عذاري : صدق يبي لها هوت شوكليت في هالأجواء البارده
نطت معالي : بنات في كوفي جديد توه فاتح خل نروحه
الجد : بس هذا الي تبونه؟
ضحكت هَتّاف: بس!
الجد : يالله قومو لبسو بخلي نايف يوديكم
ضحكت سحاب : الله يخليك لنا ولا يحرمنا منك
الجد ابتسم وقال : ويخليكم لي ولا يحرمكم مني يا حبيباتي
قامو يحبون راسه وقفت هتاف تبوس راسه وتبتسم جات بتمشي لكن ندائه وقفها التفت وشافته يمد لها بطاقته البنكيه بقوله : خذيها وانبسطوا
ضحكت هتاف وهي تاخذها وتبوس راسه مره ثانيه
"يعاملهم كأنه ابوهم مو جدهم يحبهم ويداريهم اكثر من عياله ،ويصرف عليهم من عزه وغناته ،وكل يوم يكبر حبه لهم وحنانه يزيدد بشكل كبير "
في مكان ثاني وتحديدًا بيت هتان }
الي اصبحت هتاف شغل باله الاول والاخير صارت ماخذه مساحه كبيره من تفكيره وكيف انه يبتسم لا طراها ويضحك اقتنع انه يحبها ويحلم انها تصير زوجته ولكن كتم هالحب داخله وقرر لما يبني نفسه وكون بيته يتقدم لها ويدعي ربه توافق
طلع من غرفته واتجه لغرفه ريان ودخل بدون لا يطق الباب
التفت عليه ريان الي تكلم : وجع الناس تطق الباب
هتان يجلس بجنب ريان على الكنبه: عادي ما فيها شي جاي اسهر عندك اليوم
ريان رفسه بدون ما يوجعه : انقلع عني بس
هتان ضحك: اقول عاد حط على مباراه الهلال والاتحاد بس
ريان : اووه صح نسيتها يارب هلال يارب
هتان : لا صدقني الاتحاد بيدعس الهلال دعس
ريان : نشوووف! اذا فاز الهلال تقهويني على حسابك واذا فاز الاتحاد اقهويك على حسابي وش رايك ؟
هَتان: تم
بدت المباراه وكل واحد فيهم يتحمس ويصرخ
لين انتهت المباراه وكنت النتيجة 3-1 لصالح الهلال ضحك ريان على ملامح هتان الي بدا ينضغط من حركات ريان له ويقهره بقوله : ايوا مين اندعس ؟ ههههههه الهلال زعيم يا هتان قم قم بس يالله قهويني
هتان : والله قهر كله غش عيني عينك
ريان : خطاهم بعيني صواب قم بس
قام هتان وهو متذمر ولبس ثوبه وطلع من زفته ويعلي صوته بريان تراني بالسياره نزل وركب وبعد ثواني جاه ريان الي كان يطقطق ويضحك عليه
هَتان : خل عنك الهذره وش تبي اي كوفي ؟
ريان ابتسم: اممم شف فيه واحد جديد انفتح وخويي يمدحه خل نجربه
فتح هتان جواله ومده لريان وقال : حط موقعه
{عند البنات }
الي كانو مبسوطين وسحاب تلبس عباتها التفت عليها غسق : للحين يدك توجعك؟
سحاب ابتسمت : شوي بس احس اني خفيفه لما فكوا الجبيره والله
غسق : الحمد لله اخر الاوجاع
سحاب اكتفت بأبتسامه وعذاري الي كانت تنتظرهم بالصاله العلويه : بنات يالله عاد ما صارت
هَتّاف: روحي انتظري بالسياره شوي وجايين
عذاري : ما ابي اروح لحالي
معالي : ما عليه شوي وجايين
دُرة: بنات مين سارقه نقابي بسرعه
انحاشت عذاري بسرعه قبل تنتبه لها دُرة بحكم انها سارقه نقابها ونزلت للصاله التحتيه وهي تشوف جدها وجدتها يتقهوون وحولهم احمد اخو هَتّاف وجوري اخت معالي ومالك بحضن الجده ضحى الي تمسح على شعره بحنيه ومالك ماسك ايباد جوري ويلعب فيه
نزلت عذاري وقبل تطلع التفت عليهم :تامرون على شي ؟
الجده : فأمان الله يا بنتي
الجد : انبسطوا ما ابيكم ترجعون الا وضحكاتكم معبيه المكان
ابتسمت عذاري : يا حبيبي جدي
.

.

.

.

.
هالمره بارت شوي طويل ، لا تحرموني تفاعلكم رجاءًا + فيه كثير يقرون روايتي ولا يحطون اقل شي لايك ما احلل القراءه بدون لايك وكومنت ):