وقَلبي على حُب رمشك السود ميّال

Part 38

معالي : والله لو تقطعينا يا ويلك
سحاب : لا ماني قاطعه
دُرة: نخليك توقعين على عقد
سحاب ضحكت وبقولها: تم
قاطعتهم ليلى: ابي اروح البس فستاني بعد واخذت كيستها وراحت تشوف الفستان عليها
وكان غرام ليلى الاسود
دخلت عليهم بفستانها الي كان يتشابه مع عذاري بطوله ومع سحاب بنعومته ومع هتاف بلمعته
كان يناسبها ويناسب شخصيتها وكثير
الباب الي كان مفتوح والجده تطالعهم من عتبه الدرج وتضحك وبقولها : يالله لا تغيب حسهم عني ولا غيبتني عنهم
راحت غرفتها والبنات كذالك خلصوا من تجربتهم وكل وحده جاز لها فستانها ومتحمسين لزواج سحاب
-صباح يوم الجمعه (زواج سحاب)-
نبدأها بالأحفاد
{سيف}
الي كان مرتبك وقلق على اخته ووده يلغي كل شي وتكون جنبه لكن نصيبها بالحياة ومرده متزوج كذالك
وبدت التجهيزات ببيت الجد وكان شرط زواج سحاب تكون زفتها بقصر جدها وبس
{نايف}
الي جلس اخذ يرش الماء بخفه على قبر الجد ويجلس جنبه وبعد ما القى السلام وذي عاده نايف كل جمعه يزور قبر جده من توفى ولا نساه
: كيف حالك بين القبور ؟ وجلس يدعي له بالرحمه والمغفره
وجلس ورفع نظره للسماءو بصوت هادي مليان مشاعر ومن قلبه :
عسااك في روضه من رياض الجنّه ارتحت ، تضحك على هالدنيا وتقطف ورودك ..
وابتسم : تدري يا جدي سحاب بنت عمي عبدالله تزوجت واليوم عرسها ومارضت تنزف الا في بيتك وبين ذكرياتك
وضحك من جات ذكريات في باله : اذكر يوم تمسح علينا واحنا صغار ونتجمع حولك وكانت أنا وفارس بس نتهاوش ونجي عندك تفرق بينا
وضحك : كنت تقول لنا روحوا عند جدتهم وخلو لي بناتي
وجدتي تصفقنا أنا وفارس وتقول : لا عاد اشوفكم متهاوشين
وضحك بحب وشوق: قالو عنك وطن يا بوعبدالله واحنا فاقدين وطننا
ووقف : على باب الجنه نعرفك هناك وتنهد وهناك الي ماعاد بنبكيك ولا عاد نتحاشى الدموع وضيق فرقاك
طبت وطابت لياليك ونومه عينك يا النعيم الراحل الي بنبكي على فقده دهر ..
وسلم وختم كلامه بدعاء وكان شايل هم الحصى الي ينام عليها وبقوله الأخير الي خانته دمعته فيها :
رجيتك يا الله رجيتك انك تريحه في مرقده ولا توجعه الحصى واجعل قبره في نور ونعيم إلى يوم يبعثون
وودع قبر الجد وعطاه ظهره ومشى
ويناظر الارض ووده وخاطره وحازه بخاطره ان وده جده يكون معهم ويسمعون ضحكته ورفع عيونه للعيون واذا هي تنقط على وجهه وفجأه ظهر برق التفت على قبر الجد وبقوله: حتى السما تبكي معي لفرقاك ما ودك يابوعبدالله وكت من سمع العبره بصوته وضل يدعي للجد وبحنه قويه ان الجد يكون بنور ونعيم ولا يكون خايف في قبره ويكون الله انيس وحشته ..
كل من فقد جده لربما او اكيد يحس بالفقد ولوعه الحزن وكيف مكان الجد يكون فاضي الي كان يعطيكم عيديه كل عيد والي يضحك بوجيهكم دايم ويعطف عليكم ويزعل لزعلكم حتى تتخبرون ورا ظهر اجداد بيوم من الايام من آبائكم ولكن وش تقولون للي فاقد جده
وجع فرقاك تارك جرح وش كبره في صدري ..
{ريان}
طلع من بيته وهو يركب السياره ويلتفت على هتان بعصبيه خفيفه : ليه التأخير! هم اهلنا لازم نوقف معهم
ريان : معليه امسحها بوجهي
هتان: جبت الثياب؟
التفت نايف ورا : ايه موجودين
حرك هتان السياره ومشى وهو يشوف ساعته الي انتصفت الـ 10:00 تمًامًا
وهو يسرع يلحق عليهم
{ فارس }
الي كان يدق على المطعم وينسق لهم الموعد وكم صحن ويأكد عليهم حظروهم اليوم وبقوله : إذا خلص دق علي ارسل لك الموقع والله يعافيك لا يتأخر
{ امير }
الي كان هو وعسّاف يفركون ارضيه البيت الكبير ويغسلونه ويفركون بالمكانس وانظم لهم سيف وفارس الي بدوا يصبون على الارضيه صابون ويفركون بقلب وطلع مالك من البيت يركض وهو يشوفهم ينظفون وهو لابس ثوبه ومتكشخ وراح يركض عندهم ضنًا منه انهم يلعبون وراح يضم امير وامير يضمه ويشم ريحه غسق فيه ويبتسم له ويحبه من حب غسق له
عسّاف ضحك : اول مره اشوفك مع البزران كذا
امير : أنا حنون بس محد يشوفني
سيف يفرك الارض : واضح واضح
ولكن بحركه غير مباشره انسحب مالك وهو ينط ببركه الماء الكبيره الي كانت على الارض
فارس يشهق : يويلي يويلي لا تشوفه جدتي تخفسه مع الارض
ويشيله وهو يشوف ثوبه المبلول الي انعدم ومليان صابون وفيه تراب ومالك يضحك
امير حط يده على راسه : لابوك يالبزر عسى عنده غيار ؟
سيف: وين الصابون والتفت على مالك : والله البلشه
عسّاف : قطه قطه عند باب الصاله وحط رجلك جدتي بتكفر فينا لو شافته
امير :مب جدتي الي زينته هي الي بتكفر فينا يويل حالي
وشاله امير وهو مو عارف وش يسوي وثواني وطلعت غسق بعباتها تدوره والتفت عليهم الي صارو صف وسيف يحط يده على فم مالك وعساف يغطي عليه
غسق : بالله ما شفتوا مالك؟؟
هنا مالك بدأ يتحرك من سمع صوتها ويبي يروح لها ويضمها بحركات طفوليه ولكن مثبتينه وهنا همس سيف : والله لتعلمك ان الله حق لو ما انكتمت
ومالك هنا بدأ يسكت وهو يستوعب كلام سيف
امير يرد على غسق بربكه : لا ما شفناه
وتأفأفت غسق وراحت الحديقه الخلفيه تدوره
وهم يتركون اول ماراحت غسق وبحركه سريعه من مالك اخذ الهوز من يد فارس وبضحكه شرانيه فتح الماء ويرش عليهم وهنا بدأ الصراخ ومالك يضحك وبكلام مكسر : لا تمسكوني
فارس يحاول ياخذ الهوز منه وبقوله : هاتته ولكن لف عليه مالك وفتح الماء اعلى شي وهو يرش فارس الي تزحلق على الارض لين وصل عند الباقيه وطاحو فوق بعض ومالك يرش عليهم وصدى ضحكاته يعبي المكان
عسّاف يمسح عينه : عينينيييي فيهااا صابون
وهنا وجه له مالك الهوز وخذ يرش عليه
غسق جات على صراعهم مع مالك وبقولها : هددددده مالللك هدده
وهنا التفت عليها مالك وهنا اسقامت بطولها خلف امير الي رش مالك على وجهه الماء
وصدى ضحكات مالك عبى الدنيا وهنا طلعوا البنات والجده تشوفهم وبقولها : يويلي انجن هالولد
وبقولها له : هده يا مليييك لا اجيك الحين بهالعكاز على ظهرك ووراها البنات وهنا التفت مالك عليهم وهو يرش عليهم بقوه وهنا تفقعوا البنات وعتبه الباب تبللت كلها والواطيه تعبت من الماء الكثير
طلعت ليلى من الباب الخلفي بدون ما ينتبه لها مالك وهي تجي من خلفه وهو مركز على العيال ويطش عليهم ماي وتطفي الماء وهي تضحك عليه واول ما طفى الماء قاموعليه الشباب يلحقونه ووقفت في وجههم غسق الي كانت تضحك من الموقف وبقولها : وش بتسوون له؟
هنا تراجعوا وهم مقهورين منه ولكن انتشرت صدى ضحكه الجده الي كانو فاقدينها من زمان وضحكت ذيك الضحكه واجبرت الكل يضحك معها وهي تمسح دموعها من الضحك والكل صار يضحك معها وعلى ضحك الكل دخلوا عليهم هتان وريان ومعهم نايف الي كان يسمع الضحكات
وهنا البنات توجهوا داخل مع الجده وهم لازالو يشكون من هالصغير الي قشعهم كلهم
هتان وريان ونايف منصدمين من التبلل الي فيه وعساف الي يغسل عينه وبضحك : هالبزر ما سوا فينا خير
نايف يشيل شماغه : وش فيه وش صار
وقعدو يشرحون لهم الموقف وهم يضحكون ويضحكون ضحك هسيتيري
هتان يدف فارس الي يضحك وجاي يحضنه: لا لا تسلم السلام نظر
وجلسو يضحكون
.

.

.

.

اللهم انك عفو تحب العف فأعف عنا