وقَلبي على حُب رمشك السود ميّال

Part 13

سحاب سكتت والجد كمل : لا حول ولا قوه الا بالله تعبت ياربي فيه تعبت ما يخاف الله بالقوارير ! وشخبار سيف ما شفته بالمجلس؟
سَحاب بأبتسامه: بخير ابشرك بس سافر عشان دراسته اخر سنه له شهرين وراجع ان شاء الله يا جدي
الجد الي مسك يد سحاب ورفع كمها بسرعه وهي خافت حركته المفاجأه وشاف الحرق وسحاب سحبت يدها بسرعه وتسحب كم الفستان
الجد هز راسه بأسى وتكلم بضيق: اسألش بالله هو الي مسويه صح؟ عبدالله الي حرقش صح ؟ جاوبيني لا تسكتين !
هزت راسها بالايجاب والعبره تخنقها وكمل الجد : علميني كل شي الحين علي نذر ما تمشين الا ومعلمتني وش صار كله
بدت سحاب تسرد له كل شي من يوم الحادث لين سفره سيف وكيف ضربها واهانها وحرق الشاهي وختمت بقولها الباكي : والله يا جدي ما سويت له شي كل الي سويته امي اكسب رضاهم ولكن يصدوني بكل مره يا جدي
الجد : طيب ويصرفون عليش؟
سحاب : الحمد لله كل شهر يحول لي فلوس تكفيني وزياده ليته نسى الفلوس وعوضني بحنانه لييت! ليته خباني تحت ظلهه ليتت يا جدي ولييت تفيد التمني!
كان بجنب الحديقه ويسمع بنته وهي تشكي لجدها منه ووقف عند جملتها "ليته عوضني بحنانهه لييت ليته خباني تحت ظلهه لييت يا جدي ولييت تفيد التمني"
عقد حواجبه بعصبيه وتوجه لهم وقف الجد من شاف وهي وقفت ورا جدها بخوف وهي تحتمي بظهره وتقول : اسفه والله اسفه وقرب منهم وهو يمسك يدها وهي متعلقه بالجد ياسر اللي كان صامت و بعد يده عن سحاب الي ترجف بخوف وماسكه دموعها ويدها الثانيه ماسكه طرف ثوب جدها الي تمام بقوله : بعد عن البنت يا عبدالله وش فيك انهبلت
عبدالله: ابوي على عيني وراسي خلني اربيها يبه !
الجد ياسر : والله ثم والله ان مديت يدك عليها لانت بولدي ولا اني اعرفك لا تزرع الشوك في بستانها يا عبدالله بيجي لك يوم وتمره حافي!
عبدالله : الله لا يحيجني لها بالذاات
الجد ياسر بجديه ممزوجه بعصبيه: اسمعني زينن يا عبدالله حطها بكفينك واحتويها والله لا راحت من يدينك وطارت ما يردها حاجه ، والحين لا اشوفك اذلف عن وجهي !
عبدالله رمقها بنظرات حااده وكأنه يتوعد فيها وراح وهي انهارت بحضن جدها بقولها : تشوف يا جدي تشوف
والجد يمسح على شعرها وضاايق ، رفعت راسها من حضن جدها وقالت والعبره تملي صوتها : يا جدي انا فيني شي ؟ لييه ما يبيني لييه
الجد ياسر: لا يا يمه لا مابش الا كل خيير خلييه صدقيني بيجي له يوم ويحس بقيمتش ، ومسح بموتها وقال: روحي يا يمه نامي وارتاحي وبكرا خيرر
-يوم جديد -
‎{ سَحاب }
صحت من نومها على صوت معالي الي تصحيها بقولها : سحاااببب قومي يالله عمامي بيسافروننن يالله
قامت بنعاس وتغسل وجهها وتفرش اسنانها وتلبس جينز اسود اخذته من معالي وتيشيرت اصفر اخذته من هَتّاف وتنزل لتحت وتشوف عمامها متجمعين وبناتهم يسلمون عليهم الا غسق الي اهلها ما كانو بيسافرون حتى ولكن نزلت تودع عمانها وبيدها مالك وجات سحاب تسلم على عمانها بقولها : تروحون وترجعون بالسلامه وقفت عند ابوها وبهمس وضييق : تروحون وترجعون بالسلامه ،
عبدالله تجاهلها ومشى مع ام سيف
وهنا حركوا ومشو كلهم مع زوجاتهم وفضى البيت من حسهم وما فيه الا الاحفاد البنات لهم غرفه والرجال تحت في الملحق،
{ اليل في الملحق }
الي كان كل واحد فيهم منشغل بلعبته فارس واحمد يلعبون مع بعض سوني وعسّاف الي كان يتابع مسلسله في الابتوب ويرمي قاروره الماء على فارس بأنزعاج وهو يقول : ازعجتنا بصراخك قصر حسسك ضحك فارس واحمد وهم يرجعون يكملون لعب ونايف الي كان بمكالمه هاتفيه مع ليث ويسأله عن شغله ورد ليث الي منهلك من مقره الاشغال
ليث : والله الاشغال مو لخشمي الا لفوق اخلص من بزر يجيني ثاني واكتب تقرير للدكاتره ان حالاتهم عشان يعطوني دواء مناسب لكل حاله فيهم وغلط واحد ممكن ينهي حياة فعشان كذا شاد حيلي ومتحمل
نايف : الله يكون بعونك يارجال متى تخلص؟
ليث : ما ادري يمكن 9 او 10 يعني كذا
نايف : الله يعيننك !
ليث : وانت شعندك ؟
نايف : والله الاهل مسافرين وبنقعد ببيت جدي كم اسبوع لين رجعتهم احنا وبنات عمي
ليث فز قلبه من تذكر ان سَحاب معهم ورد : اهاا يرجعون بالسلامه ! وقفل حتى قبل لا يسمع رد نايف وتذكرها وتذكر ملامحها وهز راسه يبعدها عن خياله وقال : لا تلعب بمخك يا ليث ! ارجوك صحصحح فيه شغل يوصلك ويتعداك بعد
كما شغله الي ماهو داري عنه أساسًا كل تفكيره فيها ومن غيرها تستحل تفكيره؟
{ عذاري }
الي مو قادره تفتح عينها من الصداع الفضييع من شده عيونها صارت حمره وتذوق الدمع بدون سبب كانت في جلسه مع البنات واللي يسولفون وعذاري تحاول تجاريهم
دُرة التفت عليها : بنت انتي فيك شي؟ شوفي وجهك كيف
عذاري : لا والله بس صداع مو راضي يفكني
هَتّاف: من جيتي وهالصداع مو راضي يروح
غسق وبحضنها مالك: بنت روحي مستشفى ولا شي واضح ان فيه بلا من متى وانتي مصدعه؟
عذاري : قبل ما بيت جدي بيوم او يومين
شهقت سحاب : بنتت اكيد فيك شي وش هالأهمال!
عذاري: لا ما فيه شي بس اخذ بندول واصير احسن
راحت عند شنطتها وفعلاً طلعت بندول وبدت تبلع الحبات وتليها رشفه ماء ، توجهت دوره المياة وسط انظار البنات القلقه
معالي : بنات والله احس الموضوع خطير
دُرة : صدق شوفي عينها حمره شكلها يالله اقدر تتحرك واذا وقفت تترنح
هَتّاف: ان شاء الله ما فيها الا العافيه اذا زاد الموضوع انا بقول لجدي يتصرف معها ومع راسها العنيد
سَحاب بقلق : صدق والله يارب ما فيه الا العافيه
{ دورة المياة }
استندت على المغسله وتدخل اناملها وسط شعرها وتمسك راسها بوجع انتبهت على القطرات الحمرا الي تنزل من انفها انصدمت وهي تشوف الدم مالي المغسله فتحت الماء بسرعه وهي تغسل انفها وتنظف المغسله وهي مصدومه ، طلعت من جيبها منديل وتمسح انفها الي بدا يوقف نزيفه جهلت سبب نزيفه ورمت المنديل الزباله وطلعت للبنات وهي تبتسم وتضحك عكس الالم الي بداخلها
معالي : بنات ابي اروح البقاله !
غسق : منجدك ؟ هذا اذا فيه احد يوديك
معالي بقول لفارس واتصلت عليه ووافق والتفت عليهم مين تجي؟
وقفوا البنات يلبسون عباياتهم الا سحاب وعذاري
التفت عليهم معالي : ما راح تجون ؟
عذاري : لا والله تعبانه
سحاب : لا مالي خلق اطلع بقعد هنا
هَتّاف: طيب ما تبون نجيب لكم شي معنا ؟ تعرفون لازم نسهر
سحاب : خلاص اجل بطاطس وايسكريم شوكليتت
والتفت على عذاري : وانتي ؟
عذاري : لا ما ابي شي تسلمين
هَتّاف طلعت تلحق البنات الي ركبوا سياره فارس
{ في السوبر ماركت }
انتشروا البنات وكل وحده راحت قسم قسم الحلويات وهنا ضاع فارس الي يلحق وحده تضيع الثانيه وما بقى احد عنده ضاع معهم حتى معالي سحبت عليه وراحت تتقضى
انتبه عليها ، وهي تنقز عند الثلاجه وتحاول تلقط الغرض البعيد عن يدينها من قصرها تأففت وهي تمد يدها وتوقف على اطراف اصابعها لكن انتبهت لليد الطويله وللجسم العريض الي ظلل عليها ونزل لها الحاجه الي تبيها في يدها وهمس فارس : وينهم الباقين؟
دُرة : ما ادري ما شفتهم
مشت وهو وراها ، رجع موقفها ينعاد وهي تتمسك بالرف وتحاول تلتقط البطاطس وقرب واخذه وهو يضحك عليها ويحطه بيدها وقال: شرايك تاخذين حبوب تزيد الطول
كان يتكلم وما يدري عن البنات الي يشوفونه من بعيد
ويضحكوون طلعت هَتّاف جوالها وهي تضحك وقالت: لازمم عذاري وسحاب يشوفون هالمنظر ما يتفوت !!
معالي : اييه بالله صوري صوري
غسق : ياااسلام جويي حركات الرومانسية ذيي
معالي دقتها : اقول اهجدي
هَتّاف: وهييي صادقه وصارت تصورهم فيديو وقالت، بنات بناتت شوفوا شوفو عصببت
دُرة لفارس : هيه انت احترم نفسك انت وطولك ذا الي يشوفك يقول عمود كهرب!
.

.

.
نهاية البارت ، رايكم ؟
استغفر الله واتوب إليه 🩷.