وقَلبي على حُب رمشك السود ميّال

Part 24

سلميان : عني ما فرحت ، ما فكرت فيني كيف بيكون حالي بعد ما اعرف انك تبيها؟ والحين قم يالله بنروح بيت جدي مو كنت رايح هناك؟
نايف ابتسم : عزاي للي ما عنده مثلك ياخوي ، يالله نروح
فارس ابتسم بحب لما شافهم كيف متفاهمين وكل واحد فيهم مستعد يتنازل عن الي يحبه لاجل الثاني
{ سيف }
الي وصل للسعوديه وقف عند سيارته قدام المطار وشغلها بعد ما حط الشناط في الخلف وحرك على بيت جده لعلمه ان سحاب هناك
{ البنات }
الي بسرعه طاحت الميانه مع ليلى وصارو يسولفون ويضحكون ولا عليهم
غسق : خلونا نطلع والله الجو حلوو نكمل سوالف هناك
سحاب : ما اقول لا
عذاري : يالله اجل
دُرة سبقتهم للخارج بعد ما عطت الجد خبر انهم بيجلسون بالحديقه الخلفيه طلعوا البنات يضبطون الجلسه وليلى تساعدهم ودخلت المجلس الي كان فاضي تاخذ الدلال عشان توديهم للخارج
{ سيف }
الي وصل بيت الجد ونزل بفرحه ودخل الصاله على طول وشاف الجد والجده الي انصدموا من وجوده ولكن فزو بفرح والجده راحت تضمه وتمسح عليه والجد اعتلى صوته بقوله : هلا ومرحبا فيك هلا ومرحبا يا منور الديار هلا ومرحبا بخلف ابويَ سيف تقدم بعد ما سلم على جدته ويبوس راس جده بلهفه : هلا فيك يالغالي النور نورك والله ، وبعد الاجواء جلس سيف بين الجد والجده ويحكي لهم عن الي صار له بالسفره
سيف : وين سحاب وين ما قلت لها اني بجي اليوم
الجده : عانها بالمجلس وقبل تكمل الجده جملتها طار سيف بدون ما يسمع وش تقول الجده ضحى وراح المجلس وشاف وحده معطيه ظهرها للمدخل وتاخذ الدلال وقرب سيف وحط يدينه على عيونها وما عرف ان هاذي ليلى بحكم انها كنت تشبه سحاب من حيث الطول وكثير وكانت لابسه لبس يغطي شعرها وشال واعتقد سيف انها سحاب
ليلى : دُرة؟
سيف استغرب الصوت
ليلى : عرفتتت سحااب؟
سيف انصدم لما ميز صوتها وشال يده بصدمه وهي التفت وشهقت بصوت عالي وهي تشوف سيف طاحت الدلال من يدها وهي موسعه عيونها
سيف : اسف والله فكرتك سحاب اختي والله ما دريت ان فيه احد
دفته ليلى عن وجهها وركضت للبنات وهي تتنفس بصعوبه وراحت عند البنات والبنات استغربوا معالي : وش فيك بنت وين الدلال ؟
وسيف طلع من المجلس  ومتفشل ويحاور نفسه : اكيد تاخذ فكره غلط عني بعد انا الي دخلت والله يهديهم جدي وجدتي ما قالو لي
رجع سيف للصاله والجده : علامك طرت انت صبر عاد يمكن البنيه عندها شي
سيف : ما لقيت احد بالمجلس
الجد : ايه مع بنات عمك في الجلسه الخارجيه ومعهم بنت خالتك اضن اسمها ليلى
سيف ارتبك طيب ابشوفها
طيب اصبر بقول للبنات يتغطون وانت اطلع عليهم وهي بتتفاجأ اكيد

الجد : والله يا بنتي هي فاقدتك وحيل دايم تقص لي عنك لما قلت 6 شهور يعمري وقف قلبها بنيتي شوي وتصيح
سيف ابتسم : هذاني جيتت وجلس مع الجد
والجده راحت عند البنات
الجده : تغطوا يا بنات شوي ويا سحاب انتي لا تتغطين
سحاب : ليه ياجده لين انا الوحيده؟
الجده : مو شغلش تغطي وبس
وفعلاً قامو البنات والجده نادت عذاري وقلت : صوري بنت عمش فيه مفاجأة لها
عذاري تحمست وراحت عند البنت وهمست لهم بدون ما تدري سحاب وبعد ما لبسوا وخلصوا دخل الجد وخلفه سيف وعذاري طلعت جوالها تصور رده فعل سحاب ابي فعلاً كانت مصدومه وما توقعت شهقت اول ما شافت سيف ووقفت مكانها وسيف قرب وهو يضحك على رده فعلها وحضنها مع كتفها وقال : ما فيه الحمد لله على السلامه؟
سحاب كانت تناظره وكأنها استوعبت ونطقت بصراخ : سيف!