وقَلبي على حُب رمشك السود ميّال

Part 9

عذاري : اذا جات الجمعه علمتك
سحاب بضيق : انتو همكم الجمعه انا سيف بيسافر ويخليني
دُرة :وجمعه بيت جدي ؟؟
سحاب : ماراح يحظر ، هو اصلاً مسافر عشان يكمل دراسه شهرين وراجع ياخذ الشهاده ويجي بأذن الله يتوظف
غسق : الله يوفقه ويرجع لك سالم يارب
سحاب : امين يارب
معالي : انتو هيه ناسين انكم بدوره مياه يوم انكم تدعون كذا
غسق وسحاب بتذكر : استغفر الله !
معالي : ورا تستغفرون انتم بحمام !
غسق وسَحاب سكتوا
عذاري : ما تحسون الفسحه طولت؟
سَحاب تناظر ساعتها : الحين الحصه الثالثه رن الجرس ولا؟ ما سمعته
دُرة : ما ادري ما سمعت شي هالحمام باخر الدنيا
عذاري تحط راسها على فخذ سَحاب: اقول بس انا دخت شكلي بنام وهَتّاف حطت راسها على كتف سحاب وهي تقول : صدق سهرانه من امس ورا ما نغفى شوي
وغسق حطت راسها على فخذ معالي الي ضحكت على كلام سحاب
سحاب : اقول بس شايفني مخده؟
عذاري : اقول بس العبي بشعري وانتي منطمه
سحاب ضحكت : وهي تخبص بشعر عذاري وتعفسه
وعذاري تتحلطم وتعدل شعرها الي خربته سحاب وسط ضحكات هَتّاف ومعالي ودُرة وغسق  وابتسامه سَحاب
تثائبت معالي وهي تحاول تطير النوم: بنات الحين صدق خلونا ناخذ هالجلسه اعترافات
غسق : ليش اعترافات بالذات
معالي : عشان تكون السالفه ناريه
عذاري وهي راسها على فخذ سحاب : ناريه قلك
هَتّاف اشاحت بنظرتها للسقف لما عرفت انها المقصوده وان معالي تسحبها بالكلام
سحاب : ظنكم نطيح بشي اسمه حب؟ تركو هالخرابيط على جنب بس محنا فاضين لها
معالي بضحكه جانبيه : اصبري يا سَحاب صدقيني بتطيحين على وجهك ومحد بيسمي عليك بتذكرك بكلامي بعدين
سَحاب بتحدي : نشوف ، انا مو فاضيه لهالخرابيط
سكتو بصمت على صور شخير دُرة الي كان راسها على فخذ هَتّاف هنا سحاب التفت على الباقي وهي تقول : هييي صحصحو لحد ينام ! فرضًا نمنا ومحد جاء!
هَتّاف: خليهم على جنب مستحيل ننام للمغرب" وشافت ساعه سحاب " شوفي توها الساعه 8 مستحيل ننام للمغرب صح ولا لا
سحاب سكتت بقناعه وقالت : بس ما تدرين انتي على الاقل وحده تبقى صاحيه دُرة ونامت وعذاري يالله تتكلم من النوم
وانتي بعد زين صاحيه
هَتّاف: باقي انتي ومعالي وغسق خلاص سولفو مع بعض ولا تنامون
تأففت سَحاب وسكتت
7:32م
{سيف}
الي انصدم وانصعق لما دخل غرفه سَحاب ومالقاها موجوده
بدا يدق عليها من جواله على امل ترد عليه لكن خاف اكثر لمًا رن جوالها الي كان على التسريحه مسكه بخوف و ..
{عسّاف}
الي جاء مبسوط للبيت ومعه شهاده وطاير فيها دخل ولقى امه جالسه بالصاله مع ابوه قرب وباس راسهم الاثنين وجلس
حنان : علامك تبوسم زي كذا؟
عسّاف : ابددد والله الحمدلله اخذت شهاده من المعهد حق تدريب الخيل ! وصرت مدرب رسمي!
حنان : طيب؟ وبعدين؟
عسّاف الي انطفت فرحته من رد امه
وكملت حنان: يعني بتجيك فلوس؟ هالشهاده بتعطيك فلوس؟ بتتوظف عشان هالشهاده وتطلع فلوس؟ على شنو فرحان؟
ابو عسّاف لحنان: علامك على الولد " التفت على عسّاف " مبروك يبه عقبال ما اشوفك بأعلى المراتب ياربي يبلغني فيك وبأختك يارب
عسّاف بأبتسامة: امين يا الغالي اميين "وقف" يالله انا رايح ابشر عذاري 
صعد للدرج ومبسوط وعارف انه بتفرح له كأن الشهاده لها
طق الباب ودخل وانصدم لما شاف الغرفه مطفيه انوارها توقع انها نايمه وجا بيطلع لكن شده حراره الغرفه شغل المبات وانصدم ان الغرفه اصلاً فاضيه ومرتبه والمكيف طافي
راح بسرعه ينزل من الدرج ويصرخ : يببه يببه! عذاري وين
ابو عسّاف عقد حواجبه : شلون وين اكيد بغرفتها !
عسّاف : يبه ماهي موجوده! وينها اختي ويننن!!
ابو عسّاف : اهدا يابوك خلنا نتصرف
{ابو فارس } ابو معالي
الي استغرب عدم وجود بنته وراح عند غرفتها ويطق الباب بخفه وقال : معالي يابوي تعبانه فيك شي؟ ليه ما جيتي معنا على الغدا اليوم؟ سكت ينتظر رد
توقع انها نايمه لكن ققرر يدخل ودخل وهو مصدوم ويدور بعيونه على انحاء الغرفه لعل يلقها
سكر الباب وطلع وينادي فارس بصوت عالي
فارس الي كان يلعب سوني انفجع مع دخول ابوه عليه وعرف انه فيه سالفه بالموضوع فصل السماعه والتفت على ابوه : خير يبه شفيك عسى ماشر !
ابو فارس : اختك وينها ! ماهي بغرفتها!
فارس : وشلون انا وديتها الصباح وقلت للسواق يجيبها لان عندي محاظره!
ابو فارس طار لغرفه السواق مع فارس الي خاف انها انخطفت او صار لها شي
انفجع السواق من اصوات الضرب الي على الباب وطلع لهم
مفجوع
السواق : وش في بابًا ليش انتا يضرب باب كدا
ابو فارس : وين بنتي ما اخذتها من المدرسه !
السواق : لا بابا انا اوقف على مدرسه وقت كثير هيا ما ينزل
ابو فارس انهبل وسحب على السواق وفارس ركض داخل نزلت ام فارس بخوف
ام فارس وجنبها جوري : وش فيكم وش هالصراخ!
ابو فارس : بنتك وينها! من الظهر مو هنا!
ام فارس شهقت : يمه بنتي وش فيها ظنيتها بالغرفه نايمه!
ابو فارس : لا ماهي هنا!
جوري الي شهقت : يبه وين راحت يعني !
ابو فارس : ما ادري يا ابوك ما ادري !
{ابو مالك }
الي كان توه راجع من دوامه دخل وشاف مالك يبكي والبيت فاضي قرب وهو ياخذه بأستغراب ويهديه راح غرفه غسق يدورها عشان تاخذ اخوها لكن ما شافها وما اهتم للموضوع داخل غرفته واعطى مالك جواله وانسدح وهو تعبان ودخل بنوم عميق
ام مالك دخلت الغرفه وفصخت عباتها وشافت مالك على السرير ويلعب وابوه نايم شالت مالك وهي رايحه عند غسق عشان تعتني فيه انصدمت وهي تشوف غرفتها فاضيه وراحت تصحي  ابو مالك بخوف وتنادي : عبدالعزيز عبدالعزيز قم قم!
همهم بأنزعاج وفتح عينه : خير وش فيه بعد
ام مالك: غسق مو بالبيت!
ابو مالك قام بصدمه : ماكانت معك؟
ام مالك : لا انا حطيت مالك بالصاله وارسلت لها اني بطلع بس مو مجوده بالبيت وجوالها هنا!
فز ابو مالك بخوف

{ ام أمير }
الي كانت تتقهوى بالصاله مع ابو امير وامير وليال
ليال : الحين دُرة وينها؟ ما نزلت غريبه
ام امير : ما ادري اول ما جات ما شفتها راحت تنام على طول
ابو امير : رحوا نادوها ما تكلم الجلسه الا فيها
امير : طيب يمكن نايمه وتعبانه من الدوام
ليال : بروح اشوفها
قامت وهي تحط صقر مكانها وصعدت لغرفه دُرة وهي تطق الباب ودخل وشافت الغرفه فاضيه انصدمت ونزلت من الدرج بسرعه وتكلمت : ماهي بالغرفه!
امير بصدمه : هاه! شلون؟
ابو امير خاف وقال : طيب وجوالها بالغرفه ولا معها!
ليال : بالغرفه!
ام امير : بسم الله الرحمن الرحيم البنت وينها اختفت!
{ ابو سليمان } الي انفجع بعد ما نزلت ام سليمان من غرفه هتاف وما شافتها وهي تصيح وتروح عند ابو سليمان وتقول : بنتي يا ثابت بنتي ماهي موجوده
ثابت انصدم وطلع سلميان من غرفته على صوت امه سليمان: شفيك يمه تصيحين!  ام سليمان: اختك يا سلميان مو موجوده
سلميان : شلون ما رجعت من المدرسه!!!
اخذ مفتاح سيارته وركب وابو سليمان معاه
{ في المدرسه } تحديدًا دوره المياة
فتحت عيونها بأنزعاج وتمسك ظهرها بألم من نومتها  فتحت عينها تستوعب هي وين التفت وانصدمت انها بدوره المايه ورجعت لها الذاكره وقفت بخوف والتفت للبنات الي كانو نايمين ولا حاسين بشي ما تدري صبح ولا ليل جاوبتها النافذه الي كانت معتمه وما تدل على وجود الشمس فزت بخوف وهي تهز معالي الي على الارض وتصرخ : بنااات اقعدوا الله يخليكم يمه بناتت
.

.

.

.

.