طق طق طق( صوت تصفيق) السلام عليكم ناس البيت... رهام جات طالعه من عريشة المطبخ و يدها مليانه عجين قالت ليها اهلين جمان اتفضلي.. سلمو بالحضن ودخلو سوا جمان قلعت طرحتها وقالت ليها ماف زول في البيت ولا شنو.. رهام قالت ليها ابوك مشى يجيب ليهو روب قال الليله داير فطورو فطير بالروب بس.. قالت ليها واحمد لسه شغال؟ رهام قالت ليها شغااال زي العجب لو قريب من البيت بجي بفطر، الاولاد كيف عاملين.. قالت ليها كويسين الحمدلله.... بقو بتونسوا وبجهزو الفطور لحدي ما محمد جا سلم على بتو سلام حار وقال ليها مالكم ابيتونا كدا.. قالت ليهو والله يا ابوي تقول شنو الحمدلله بس مشاغل الدنيا دي.. قال ليها مشاغل الدنيا تخليك قريب الشهرين ما تشوفي ابوك؟ قالت ليهو حقك علي يا ابوي اعفي لي.. قال ليها وينهم البنات وياسين ما جبتيهم معاك ليه، قالت ليهو بجوكم بكرا... دخلت المطبخ جابت الفطور وقعدو التلاته.. بعد فطرو وهم بشربو الشاي جمان قالت ابوي انا دايراك في موضوع، قال ليها خير ان شاء الله يا بتي.. سكتت كأنها ما عارفه توصل ليهو الكلام كيف بعدين قالت ليهو ياسمين مشت، خت كباية الشاي وقال ليها مشت وين؟ قالت ليهو وهي بتحاول ما تعاين في وشو: مشت مع ابوها، ظافر جا ساقها... محمد سكت مسافه بعدين قام وبقى بكورك: مشت وين قلتي؟؟؟ دا شنو البتقولي فيهو دا يا جمان مشت كيف يعني؟؟؟ انتو خليتوها تمشي ليه؟؟ ليه ما كلمتوني؟؟ ومتين هي عرفت... جمان قامت وقالت ليهو ابوي كدي اقعد خلينا نتفاهم براحه .. محمد بقى بكورك بصوت اعلى قال ليها قولي يا جمان الكلمها منو؟؟؟ قالت ليهو انا وريتها يا ابوي، لو كان عرفت من برا موقفنا حيكون كيف؟ ، مصيرها في النهايه تعرف وهي بقت كبيرة وبتقدر تتفهم الموضوع دا... قال ليها والزفت داك جا وساقها متين؟ قالت ليهو اتواصل معاها ولمن قال ليها انا جاي اسوقك هي وافقت ... محمد قعد وختا يدو في صدرو ملامح وشو اتغيرت جمان ورهام جو قعدو جمبو رهام قالت ليهو محمد مالك؟؟ انت كويس؟؟؟ جمان قالت ليهو ابوي رد علي.. قال ليهم جيبو لي بتي جيبو لي ياسمين بتي هسي دا.. جمان قالت ليهو طيب كويس بجيبها ليك يا ابوي انت بس اهدا.. محمد قال لي رهام جيبي لي حبوبي... جمان قالت ليهو ابوي؟؟ قال ليها جمان قلت ليك قومي جيبي لي ياسمين (كورك فيها) قوومي قلت ليك، جمان قامت مسحت دموعها لبست عبايتها وطلعت..
جايين ياخ، اكسروه عليك الله اكسروه الباب دا وريحونا... مشت بخطوات سريعه على الباب اول ما فتحتو سليم جا داخل بقى ماشي وبتترتح وبنادي : ياسميييين ياسمييين ... يارا قفلت الباب وجرت عليهو مسكتو وقالت ليهو سليم.. لزاها لمن قربت تقع مشت عليهو لمن شمت ريحه غريبه نطتت عيونها قالت ليهو سليم انت سكران؟؟؟؟ قال ليها نادي لي ياسمين خليها تجي هنا قدامي سريع... قالت ليهو سمح بناديها ليك تعال معاي.. مسكتو من ذراعو ودخلتو الصاله قعد في السرير بقوة مسك في يد راس السرير قال ليها امشي يلا ناديها.. قالت ليهو سليم دا شنو الانت عاملو في نفسك دا؟ قوم استحمى سريع عليك الله ابوي لو جا شافك بحالتك دي والله ما يرحمك قوم يا سليم... دنقرت عشان تقومو لزاها وقال ليها اختيني يا زوله.. يارا بدت تبكي قعدت جمبو وقالت ليهو سليم عليك الله قوم امي هسي حتجي.. قوم استحمى لحدي ما انادي ليك ياسمين... عاين ليها بعيونو المحمره قالت ليهو بناديها بس انت قوم.. قام تكلتو لحدي ما وصلو الحمام... مشت وهي لسه بتبكي جابت ليهو غيار ومدتو ليهو بالباب، دخلت المطبخ عملت قهوة، لمن طلع رقد في الصاله لحدي ما تجيب القهوه لقتو نام ورجولو في الارض، قلعت شباشبو ولمن رفعت ليهو رجلو انتبهت لجسمو مسخن، دفت المويه وجابت قطعه وبدت تعمل فيهو مكمدات في جسمو بعديها قامت غسلت البنطلون والقميص الكان لابسهم وهي بتعلق الملابس امها جات داخله قالت ليها بتغسلي في شنو امس انا ما غسلت يارا قالت ليها سليم جا خاشي هسي استحمى وغير ملابسو.. قالت ليها سليم جا؟؟؟ يارا قالت ليها اي نايم جوا.. جمان قالت ليها نايم زي الوقت دا مالو؟.... دخلو سوا لقوهو لسه راقد جمان قالت ليها اكوي لي توبي الكحلي انا طالعه... يارا قالت ليها ماشه وين؟ جمان قالت ليها اجيب ياسمين لي ابوي، يارا استغربت لكن ما قالت حاجه شالت التوب كوتو ليها وجمان بعد استحمت لبست وطلعت
