ဖန်းချောင်ဓာတ်လှေကားက ထွက်ထွက်ချင်း လုယန့်ကျိုးကိုမြင်လိုက်ရချိန်မှာ ပထမဆုံးတွေးမိတာက မဂ္ဂဇင်းတွေကို ကုတင်အောက်ပို့ခဲ့လို့တော်သေးတာပဲဟုပင်။
ပြီးတော့ လုယန့်ကျိုးရောက်လာမယ်လို့လည်းမထင်ထားဘူးလေ။
လုယန့်ကျိုးက နံရံမှာမှီထိုင်ပြီးဖုန်းကြည့်ရင်း ဖန်းချောင်ကိုပျင်းရိစွာစောင့်နေတာမလို့ ညအမှောင်ထဲမှာ ဖုန်းမီးကသာ သူ့မျက်နှာပေါ်အလင်းပြန်နေပြီး သူ့ပုံစံက စိတ်မကျေနပ်နေဟန်။
ဖန်းချောင်သူရှိရာကိုလျှောက်သွားလိုက်ရင်း လုယန့်ကျိုးရင်ဘတ်ကိုလက်ညှိုးနဲ့တို့လိုက်ပြီး....
"ဥက္ကဋ္ဌလု မူးနေတာလား"
လုယန့်ကျိုးက အများကြီးသောက်မထားသလို လေညှင်းခံပြီးချိန်မှာ ပိုပြီးတောင်စိတ်ကြည်နေပေမယ့် ဖန်းချောင်ကိုမြင်လိုက်တာနဲ့ သူကိုယ်တိုင်တောင်မသိလိုက်ပါဘဲ သူ့ဘက်သူရပ်လို့ပြောလိုက်သည်။
"သေချာတာပေါ့...မင်းအတွက်ဒါရိုက်တာရှုနဲ့သောက်ပေးခဲ့ရတာလေ"
ဖန်းချောင်က'မသိရင်ဘဲ ကျွန်တော်ကပဲ တအားလိုချင်လို့ပြောခဲ့ပုံ'နဲ့လို့တွေးလိုက်ပြီး နှုတ်ခမ်းကိုတွန့်လိုက်ကာ လုယန့်ကျိုးကိုကူတွဲလိုက်သည်။
လုယန့်ကျိုးမတ်တပ်ရင်လိုက်ရင်း ဖန်းချောင်အနားကိုတိုးကပ်ကာ အရှက်မရှိပြောသေးသည်။
"မင်းအတွက်နဲ့ ယဲ့ရန်ကိုလည်းအနှောက်အယှက်ပေးခဲ့သေးတယ်... ဒါကြောင့် မင်းဒီညအကြွေးဆပ်ရမယ် "
ထိုစကားကြောင့် ဖန်းချောင်ရင်ထဲနူးညံ့သွားပြီး သူပြောတာအဓိပ္ပါယ်ရှိမရှိတောင် ဂရုမစိုက်မိတော့ပေ။
"ပုံမှန်ဆိုဟိုတယ်ပဲသွားနေကျမလား"
လုယန့်ကျိုးက သူ့ရဲ့အလိမ်အညာစွမ်းရည်တွေကိုကောင်းကောင်းကြီးအသုံးချနေဆဲ။
"ကိုယ်ပိုက်ဆံကိုချွေတာသုံးရတော့မယ်...မင်းလည်းသိတာပဲ ကိုယ်ကကိုယ့်မိသားစုနဲ့အဆင်မပြေဘူးဆိုတာ... တစ်နေ့နေ့မောင်းထုတ်ခံရရင်ဘယ်လိုလုပ်မလဲ"
"...."
တံခါးကိုဖွင့်လိုက်ရင်း ဖန်းချောင်တိုးတိုးလေးရေရွတ်မိသည်။
YOU ARE READING
ဖြတ်လျှောက်မင်းသားလေးက မုန့်ဖုတ်သမားလေးပဲ ဖြစ်ချင်ရုံပါ (Completed)
General Fictionmm translation Status In COO: 50 Chapter+ (Extra 4) Author -许半仙 I don't own any of this story. Full credit to original author and english translators.
