ဖန်းချောင်အခုတလော အလုပ်ရှုပ်နေတာကြောင့် ဝေ့ပေါ်သုံးဖို့အချိန်သိပ်မရှိပေ။
တစ်ညမှာတော့ သူက ညဘက်ရိုက်ကွင်းအချိန်ရှိပြီး အိပ်ငိုက်နေတာကြောင့် အိပ်ချင်ပြေအောင် ဝေ့ပေါ်သို့ဝင်ကြည့်လိုက်၏။
သူမသိသောလူများဆီမှ private messageများစွာရှိပြီး အများစုကတော့ ပရိတ်သတ်ဝယ်ဖို့ ကြော်ငြာများပင်ဖြစ်သည်။
အောက်ကိုနည်းနည်းဆွဲချလိုက်တဲ့အခါမှာတော့ သူ့ပရိတ်သတ်အချို့ရဲ့စာများကိုတွေ့ရလေသည်။
ထိုအထဲမှ တစ်ခုက လုယန့်ကျိုးဟုခေါ်သော အကောင့်ဆီမှစာဖြစ်သည်။
" ကြိုးစားထား ကလေးလေးချောင်! [ချစ်တယ်] "
(T/N- [...] အီမိုဂျီပါ)
ဖန်းချောင်မှာ သူ့ဖန်တစ်ယောက်က သူ့သူဌေးနဲ့နာမည်တူနေမယ်လို့မထင်ထားသဖြင့်အံ့ဩသွားရသည်။
ထို့ကြောင့် ထိုအကောင့်အားဝင်ကြည့်လိုက်တဲ့အခါ တောက်ပနေတဲ့ ရွှေဝါရောင်"V"အမှတ်အသားက ထိုလူ၏အကောင့်ကိုဝင်ဝင်ချင်းပင်ပေါ်လာခဲ့သည်။
ထို့အပြင် "ရှင်းကျိုးအနုပညာကုမ္ပဏီ၏ဥက္ကဋ္ဌ"ဆိုသော စာသားကလည်း ပရိုဖိုင်မှာရေးထားသေးသည်။
တကယ်သူ့သူဌေးဖြစ်နေတာပဲ!!
သူက ဘာတွေများတွေးနေလို့ ကလေးလေးချောင်ဆိုတာအပြင် ချစ်စရာကောင်းတဲ့ပုံနဲ့နမ်းနေတဲ့အီမိုဂျီကိုပါပို့ထားသေးတာလဲ!!
ဖန်းချောင် အန်ချင်သလိုခံစားရပေမယ့်လည်း သူ့နှုတ်ခမ်းထောင့်တွေကတော့ မထိန်းနိုင်စွာပဲ အပေါ်ကိုကွေးညွှတ်သွားရသည်။
ထိုအချိန်မှစ၍ သူက လုယန့်ကျိုးအကောင့်အား အိတ်သွန်ဖာမှောက်ရှာဖွေကြည့်တော့သည်။
လုယန့်ကျိုးက ပို့စ်သိပ်တင်ထားခြင်းမရှိဘဲ တင်သမျှအများစုဟာ သူ့ကုမ္ပဏီရဲ့ရုပ်ရှင်ဇာတ်လမ်းများအား ကြော်ငြာခြင်းများသာ။ဒါ့အပြင်အခြားတင်ထားတာတွေမရှိပေ။ ကြည့်ရတာတော့ တကယ့်စီးပွားရေးသမားကြီးပါပဲလေ။
ထို့နောက် လုယန့်ကျိုး၏ attention listထဲကိုဝင်ကြည့်တဲ့အခါမှာ လုယန့်ကျိုးရဲ့ လတ်တလောစိတ်ဝင်စားစွာကြည့်ရှုသူစာရင်းမှာ ဖန်းချောင်က နံပါတ်တစ်နေရာတွင်ဗိုလ်စွဲနေလေသည်။
သူ့ရဲ့အောက်ဘက်မှာတော့ သူသိတဲ့ရုပ်ရှင်မင်းသားတွေနှင့် အဆိုတော်များရှိနေသည်။ အကုန်လုံးဟာတော့ ငယ်ရွယ်ချောမောလှပသူတွေချည်းပင်။
YOU ARE READING
ဖြတ်လျှောက်မင်းသားလေးက မုန့်ဖုတ်သမားလေးပဲ ဖြစ်ချင်ရုံပါ (Completed)
General Fictionmm translation Status In COO: 50 Chapter+ (Extra 4) Author -许半仙 I don't own any of this story. Full credit to original author and english translators.
