ဝိုင်အများကြီးသောက်မိတာက ငါးပါးကိုမှောက်တော့တာပဲ။ ဟိုတယ်ကထွက်လာချိန်မှာပဲ သူ့ဖုန်းထဲမှာ ဒါဇင်ထက်မကခေါ်ထားတဲ့ဖုန်းခေါ်ဆိုမှုတွေကို မြင်လိုက်ရတာမလို့ ဒီနေ့က အရေးကြီးတဲ့အပိုင်းရိုက်ကူးဖို့ရှိတယ်ဆိုတာကို သတိရသွားစေသည်။
ကျွမ်းကျင်ဖြတ်လျှောက်သမားလေးတစ်ယောက်အနေနဲ့ သူဒီနေ့အခန်းက စကားပြောခန်းအနည်းငယ်ပါသည်လေ။
ဖန်းချောင်မှာ သူ့ခါးလေးကို ကိုင်ရင်း ရိုက်ကူးရေးရှိရာသို့ အမြန်သွားလိုက်သည်။ ရောက်ရောက်ချင်းမှာပဲ ရိုက်ကူးရေးရဲ့လေထုက လုံးဝအေးစက်နေသလိုခံစားလိုက်ရသည်။
"မင်းက ဘာဖြစ်နေတာလဲ!! " တံခါးနားမှာထိုင်နေတဲ့ ဒါရိုက်တာက ချက်ချင်းထရပ်လိုက်ပြီး အော်ပြောလာသည်။
"မင်းလိုဖြတ်လျှောက်တစ်ယောက်က ရိုက်ကူးရေးတစ်ခုလုံးကိုစောင့်ခိုင်းနေရအောင် မင်းကိုယ်မင်းဘာမှတ်နေလဲ!"
"....?"
ဖန်းချောင် သူပြောရမယ့်စာကြောင်းဆိုတာ သုံးလိုင်းတည်းပါ။
" သခင်လေး "
"ဟုတ်ကဲ့"
"ကောင်းပါပြီ "
ဒါအတွက်က သူမပါဘဲ အခြားအစေခံနေရာမှာသရုပ်ဆောင်တဲ့သူကိုအစားထိုးရိုက်ခိုင်းရင်တောင်ရနေတာလေ။
ဖန်းချောင် ခေါင်းလေးငုံ့နေလိုက်ရင်းပဲ သူဆူနေတာကိုနားထောင်နေလိုက်ရင်း နောက်မဖြစ်စေရပါဘူးလို့ ကတိပေးလိုက်သည်။
ဒါရိုက်တာရဲ့ ဒေါသတွေကိုခံယူပြီးနောက်မှာတော့
ဖန်းချောင်သူ့မျက်စိရှေ့ကထွက်သွားလိုက်ရင်း အဝတ်အစား စီစဥ်သူအဖွဲ့က ရင်းနှီးတဲ့ကောင်မလေးတစ်ယောက်ကို လက်ဆွဲခေါ်လိုက်ရင်း မေးလိုက်သည်။
"ဒါရိုက်တာကြီးက ဒီနေ့ဘာဖြစ်နေတာလဲ "
"နင်ကိုက ကံမကောင်းတာပါ..."
"ဘာဖြစ်လို့လဲ "
ဟန်ကျားယွဲ့ရဲ့ နားနေခန်းဆီကိုအကြည့်တစ်ချက်ပို့လိုက်ရင်း အသံတိုးတိုးလေးနဲ့...
"ဒီနေ့ကြယ်ပွင့်လေးက စိတ်အခြေအနေမကောင်းဘူးလေ...ပြီးတော့ ဒီတစ်မနက်လုံး ဇာတ်ကောင်ထဲလည်းစိတ်မရောက်တဲ့အပြင် အခုထိရိုက်သမျှအကုန်NGတွေချည်းပဲ။ ဒါပေမယ့် ဒါရိုက်တာက သူ့အပေါ်တော့ ဒေါသမထွက်ရဲဘူးလေ..."
ESTÁS LEYENDO
ဖြတ်လျှောက်မင်းသားလေးက မုန့်ဖုတ်သမားလေးပဲ ဖြစ်ချင်ရုံပါ (Completed)
Ficción Generalmm translation Status In COO: 50 Chapter+ (Extra 4) Author -许半仙 I don't own any of this story. Full credit to original author and english translators.
