အဆက်အသွယ်ကောင်းကြောင့်နဲ့ လူတွေ့စစ်ဆေးခြင်းပင်ဖြေစရာမလိုဘဲ ဖန်းချောင်က ဇာတ်ကောင်နေရာကိုရသွားခဲ့သည်။
ရိုက်ကူးရေးမစခင်အရှေ့ရက်မှာ အေးဂျင့်ဖြစ်သူက စတူဒီယိုကိုသွားပြီး ဇာတ်ကောင်အပြီးအစီးပြင်ဆင်ထားတဲ့ဓာတ်ပုံကိုရိုက်ခိုင်းဖို့သွားခိုင်းလေသည်။
ဖန်းချောင်အရင်အချိန် အဖွဲ့မှာတုန်းက အယ်လ်ဘမ်အတွက်ဓာတ်ပုံရိုက်ကူးဖို့ ဒီစတူဒီယိုကိုလာဖူးတာကြောင့် ဤနေရာနှင့်ရင်းနှီးနေပြီဖြစ်သည်။
သူရောက်တဲ့အချိန်မှာ မဂ္ဂဇင်းကာဗာအတွက်ရိုက်ကူးနေသောအဖွဲ့တစ်ဖွဲ့လည်းရှိနေပြီး တစ်ချက်ကြည့်လိုက်ရုံနဲ့တင် ထိုအဖွဲ့ထဲမှာ သူ့မိတ်ဆွေဟောင်းကြီးကို မြင်လိုက်ရလေသည်။
မျက်နှာဟိုဘက်လှည့်ရင်း မမြင်ချင်ယောင်ဆောင်ပြီးထွက်သွားဖို့လုပ်ချိန်မှာ သူ့ကိုတစ်ဖက်ကမြင်သွားခဲ့လေပြီ။
"ငါ့ကိုတွေ့တာနဲ့ ဘာလို့ထွက်ပြေးနေတာလဲ"
သားရေအနက်ရောင်ဂျာကင်ကိုဝတ်ထားတဲ့ဟန်ကျားယွဲ့ ခါးထောက်ကာမေးလာသည်။
ဖန်းချောင်လည်း ပြုံးလိုက်ရင်း...
"ငါတို့နှစ်ယောက်ကြားက ဖရဲသီးတွေထပ်ထွက်လာမှာစိုးလို့လေ"
(ဖရဲသီး= ကောလဟာလ)
ထိုအကြောင်းကိုတွေးရုံနဲ့တင် ဟန်ကျားယွဲ့ နှလုံးသားအောက်ခြေမှလှိုက်ပြီးတုန်လှုပ်မိတုန်းပင်။
သူက ဖန်းချောင်ကိုချောင်တစ်ချောင်ထဲဆွဲခေါ်ပြီး ဘေးနားကလူအရိပ်အခြေကြည့်ပြီးနောက်မှာ သိချင်ဇောဖြင့် မေးလိုက်သည်။
"ငါ့ကိုတစ်ခုခုပြောပြ"
ဖန်းချောင်မှာလည်း အတင်းအဖျင်းအနံ့ကိုရတာကြောင့် ကြည့်မရတာကိုဘေးဖယ်လို့ ဟန်ကျားယွဲ့အနားကပ်လိုက်ပြီး
"ဘာကိုလဲ"
"အမ်...မင်းသူငယ်ချင်းလေ...ဟိုနတ်ဘုရားလိုတအားချောလွန်းတဲ့တစ်ယောက်... သူက အပေါ်လား အောက်လား"
"ဟမ်...ဘယ်ကနတ်ဘုရား..."
"အာ...လင်းယောင်လေကွာ...မင်းကိုအဲ့တာမေးချင်နေတာ သူသာအောက်ဆိုရင် ငါလက်လျော့လိုက်တော့မလို့"
ထိုလူ့ပါးစပ်ကထွက်လာတဲ့ သတင်းအချက်အလက်ကြီးကြောင့် ဖန်းချောင်လန့်လွန်းလို့သေတော့မည်။
ဒါဆို လွန်ခဲ့တဲ့ရက်က လင်းယောင်ဒိတ်နေတယ်ဆိုတာ ဟန်ကျားယွဲ့နဲ့လား!!
ရုတ်ချည်းဆိုသလိုပဲ ဖန်းချောင်သူ့အိမ်ကဂေါ်ဖီထုပ်လေးကို ခွေးလာဆွဲသလို ခံစားလိုက်ရသည်။
KAMU SEDANG MEMBACA
ဖြတ်လျှောက်မင်းသားလေးက မုန့်ဖုတ်သမားလေးပဲ ဖြစ်ချင်ရုံပါ (Completed)
Fiksi Umummm translation Status In COO: 50 Chapter+ (Extra 4) Author -许半仙 I don't own any of this story. Full credit to original author and english translators.
