ဖန်းချောင်က လူအိုကြီးလုကိုတစ်ခါမြင်ဖူးပြီးသားဖြစ်သည်။ အိမ်ကနေနှင်ထုတ်ခံလိုက်ရတဲ့မြင်ကွင်းက သူ့စိတ်ထဲတွင်ရှင်းလင်းနေဆဲဖြစ်ရာ အခုနောက်တစ်ကြိမ်ပြန်တွေ့ရချိန်မှာ ထိတ်လန့်မိနေဆဲပင်။
လူအိုကြီးနောက်မှ ကောင်းမွန်စွာထိန်းသိမ်းထားပုံပေါ်သော အမျိုးသမီးက သေချာပေါက်လုကတော်ပင်ဖြစ်ရမည်။ သူမက လုယန့်ရှင်းလိုမျက်ခုံးမျိုးရှိနေပြီး စကားမပြောဘဲနေသည့်အခါ တအားကိုမှအလေးအနက်ထားပုံပေါ်လေသည်။
ဖန်းချောင်ကလည်း ကြောင်လေးကိုလက်မှာပွေ့လို့ တံခါးနားမှာရပ်နေဆဲဖြစ်ပြီး တုပ်တုပ်ပင်မလှုပ်။ လုယန့်ကျိုးက မီးဖိုချောင်ထဲကနေ ယောက်ချိုဇွန်းကိုင်ကာ ထွက်လာပြီး ဖန်းချောင်ကို သူ့အနောက်ဘက်သို့ ဆွေ့ခနဲပို့လိုက်ပြီး ကာကွယ်ဟန်အပြည့်နှင့်ကာထားလိုက်၏။
" အဖေ အမေ" လုယန့်ကျိုးက ဖန်းချောင်လက်ကိုကိုင်ထားရင်းပင် ပြောလိုက်၏။
" သူက ကျွန်တော်ချစ်သူ"
ဖန်းချောင် မှင်သက်သွားမိသည်။ ဘယ်လိုတောင် ရင်းနှီးနေတဲ့မြင်ကွင်းလဲ။ သူတို့အိမ်ပေါ်က နှင်ချခံရဦးမယ်!!
ဖန်းချောင် ကပျာကယာနှင့် ဦးညွှတ်လိုက်ရင်း အသံအကျယ်ကြီးနှင့်နှုတ်ဆက်လိုက်၏။
" မင်္ဂလာပါ ဦးလေး အန်တီ"
နှစ်ဦးသားမှာ ကြောင်အသွားပြီး သူ့ကိုအချိန်အတော်ကြာစိုက်ကြည့်နေပြီးမှ ခေါင်းကိုငြိမ့်ပြလာသည်။
လုကတော်က တစ်ခုခုကိုထုတ်လိုက်ပြီး လုယန့်ကျိုးဆီပေးလိုက်ကာ စကားပြောလိုက်တဲ့အခါ သူမအသံက ညင်သာလွန်းလှသည်။
" သားကမနေ့က မွေးနေ့ကိုမလာတော့ အမေသားအတွက် သက်ရှည်ခေါက်ဆွဲလုပ်လာပေးတာ"
လုယန့်ကျိုးကလက်ခံယူလိုက်ရင်း ယဉ်ကျေးစွာနဲ့ပြန်လည်ခွန်းတုန့်ပြန်လိုက်သည်။
"ကျေးဇူးပါ အမေ"
ပေးစရာရှိတာပေးပြီးတဲ့အခါမှာတော့ လူအိုကြီးလုက ကြာကြာဆက်မနေတော့ပါဘဲ သူ့ဇနီးနှင့်အတူပြန်ဖို့ပြင်လိုက်၏။ မပြန်ခင်မှာလည်းသူက သတိပေးသွားသေးသည်။
YOU ARE READING
ဖြတ်လျှောက်မင်းသားလေးက မုန့်ဖုတ်သမားလေးပဲ ဖြစ်ချင်ရုံပါ (Completed)
General Fictionmm translation Status In COO: 50 Chapter+ (Extra 4) Author -许半仙 I don't own any of this story. Full credit to original author and english translators.
