ဖြတ်လျှောက်မင်းသားလေးက မုန့်ဖုတ်သမားလေးပဲ ဖြစ်ချင်ရုံပါ (Completed)

27- ဒါတွေအကုန်လုံး.... ခင်ဗျားကြောင့်

ဖန်းချောင်ကတော့ နေ့တိုင်းဇာတ်ညွှန်းကိုကြိုးကြိုးစားစားဖတ်ရင်း လုယန့်ကျိုးရောက်လာတဲ့အချိန်မှာ အကောင်းဆုံးပြသချင်နေသည်။
လုယန့်ကျိုးအရှေ့မှာတော့ သူ့ရဲ့ရူးကြောင်ကြောင်သရုပ်ဆောင်ပုံတွေကိုမပြချင်ပါ။

ဒါပေမယ့် လုယန့်ကျိုးရောက်မလာခင်မှာပဲ သတင်းကြီးတစ်ခုကရောက်လာလေသည်။

#စန်းယင်းကျယ်ရဲ့ဇာတ်ကောင်နေရာကဖယ်ထုတ်ခံရမှုအတွင်းသတင်း#ဆိုသည့်အကြောင်းအရာက နေ့လယ်ခင်းမှစ၍ hot-searchပေါ်တွင်ရောက်နေလေသည်။ အင်တာနက်ပေါ်က Articlesတွေဟာ တစ်ချိန်ကအဆိုတော်ဖြစ်ခဲ့သူဖန်းချောင်ကနောက်ခံအားကိုးနဲ့ စန်းယင်းကျယ်ရဲ့ ဇာတ်ကောင်နေရာကို လုယူခဲ့သည်ဟုအပြိုင်အဆိုင်ရေးတင်ကြသည်။

ဇာတ်ကောင်ကိုဖြတ်ယူခဲ့ခြင်းကအမှန်ဖြစ်တာအပြင် မီဒီယာအချို့ကလည်း ပိုပိုသာသာသတင်းရေးကြတဲ့အခါ ဖန်းချောင်တစ်ယောက် ချက်ချင်းပင်လူထုဆီမှ အမုန်းတရားတွေ ရလေတော့သည်။

ဖန်းချောင်ရဲ့ ဝေ့ပေါ်အကောင့်ဟာ ဘာမှလုပ်မရအောင်ပင်ဖြစ်သွားပြီး မှတ်ချက်တွေမှာလည်း စန်းယင်းကျယ်၏ပရိတ်သတ်တွေဆီမှ တိုက်ခိုက်ဆဲဆိုခံရမှုများနဲ့ပြည့်နေလေသည်။
ဖန်းချောင်က ဤအရာများကိုဂရုမစိုက်သော်လည်း တုံးအသူတော့မဟုတ်ပေ။
မနှစ်မြို့စရာစကားလုံးတွေကိုမြင်ရတဲ့အခါမှာတော့ သူဟာအနေခက်သလိုဝမ်းနည်းမိသည်။

အခုလိုအနေခက်ဝမ်းနည်းမှုတွေက အရင်အကြိမ်များနဲ့မတူပေ။ အရင်တုန်းကကောလဟာလတွေက လုပ်ကြံပြောဆိုခြင်းဖြစ်တာကြောင့် ဘာကိုမှမကြောက်ဘဲရင်ဆိုင်ရဲသည်။ဒီတစ်ကြိမ်မှာတော့ သူ့မှာပြန်လည်မချေပနိုင်ပေ။ သူ့မှာဝမ်းနည်းခွင့်တောင်မရှိတာက သူ့ကိုပိုပြီးဝမ်းနည်းစေလေသည်။

ဖန်းချောင် နားနေခန်းထောင့်လေးများ ကျုံ့ကျုံ့လေးထိုင်နေမိသည်။
သနားစရာကောင်းစွာ၊ အားနည်းစွာ၊ အကူအညီမဲ့စွာ။

ဟန်ကျားယွဲ့ဆီမှ သတင်းကြားသော လင်းယောင်နဲ့ဖုန်းပြောတဲ့အခါမှာလင်းယောင်ကအေးစက်စွာပြောလာသည်။