💏 ရှေးထုံးပယ်၍ ချစ်ပါ့မည် 💏
💋 အခန်း(၁၂) 💋
“ပွင့်ပွင့်လင်းလင်းပြောရမယ်ဆိုရင် ကျွန်တော်က သမီးကို ဘာအလုပ်မှခိုင်းချင်တာမဟုတ်ပါဘူး… ဒါပေမယ့် သိတဲ့အတိုင်းပဲ ကျွန်တော်တို့က အခြေခံလူတန်းစားတွေဖြစ်တော့ တစ်နေ့လုပ်မှတစ်နေ့စားရတဲ့သူတွေပါ…”
အဖေပြောနေတာတွေကို မမညွှန်းဖွဲ့ရာသီက နားလည်စွာဖြင့် ခေါင်းငြိမ့်ပြနေလေသည်။ မယွင်းလည်း အလုပ်လုပ်ရတော့မှာဖြစ်သဖြင့် ပျော်ရွှင်နေမိ၏။
“တစ်နေ့လုပ်မှတစ်နေ့စားရတဲ့သူတွေဖြစ်တော့ သမီးလေး ဆယ်တန်းအောင်ပြီးသွားတဲ့အခါ တက္ကသိုလ်တက်ဖို့အတွက် အခက်အခဲဖြစ်မှာလည်းစိုးရိမ်မိတယ်… သမီးလေးရဲ့အရည်အချင်းကိုသိတော့ ကျောင်းကောင်းကောင်းလည်းထားပေးချင်တယ်… အဲ့ဒါကြောင့် သမီးလေးအလုပ်လုပ်ချင်တာကို ခွင့်ပြုရတာပါ…”
“ဟုတ်ကဲ့ပါ ညွှန်း နားလည်ပါတယ် ဦးလေး… မယွင်းရဲ့အရည်အချင်းကို ညွှန်း အကဲခတ်မိလို့ ကူညီပေးချင်တာပါ… အဲ့ဒါကြောင့် မယွင်း ဘွဲ့ရတဲ့အထိ ညွှန်း ကူညီပေးပါ့မယ်…”
“ကျေးဇူးတင်ပါတယ်ကွယ်…”
“ဟုတ်ကဲ့… မယွင်းရဲ့ဝေယျာဝစ္စအားလုံးကို ညွှန်းတာဝန်ယူပါတယ်… မယွင်းရဲ့လုပ်အားခကိုတော့ ဦးလေးတို့ဆီကို လစဉ်ပို့ပေးပါ့မယ်…”
“ဟင်… အဲ့ဒါဆိုရင် သမီးလေးကို ဦးတို့က တွေ့ခွင့်မရှိဘူးလား…”
အဖေ့မေးခွန်းကြောင့် မမညွှန်းမျက်နှာက ပြုံးသွားလေသည်။ ထို့နောက် ချက်ချင်းပင် ခေါင်းရမ်းလာပြီး
“အဲ့ဒီအဓိပ္ပာယ်မဟုတ်ပါဘူး ဦးလေး… မယွင်းကို ဦးလေးတို့ အချိန်မရွေးလာတွေ့လို့ရပါတယ်… ဒါမှမဟုတ် မယွင်းက ဦးလေးတို့ကိုတွေ့ချင်တယ်ဆိုရင်လည်း အချိန်မတွေ့သွားတွေ့လို့ရပါတယ် ညွှန်း ခွင့်ပြုပါတယ်…”
မမညွှန်းစကားကြားတော့မှ အဖေက ဝမ်းသာသွားကာ အကြည့်တွေကလည်း မယွင်းဆီသို့ ရောက်လာလေသည်။
“ကျေးဇူးတင်ပါတယ်ကွယ်… ဒါနဲ့ ဦးလေးသမီးကို ဘာအလုပ်လုပ်ခိုင်းမှာလဲ သမီး…”
ESTÁS LEYENDO
ရှေးထုံးပယ်၍ချစ်ပါ့မည် (Completed)
Romance💜 ရှေးထုံးပယ်၍ ချစ်ပါ့မည် 💜 အချစ်ဆိုတာမျိုးက ထူးဆန်းပါတယ်။ ဘယ်လိုပဲ အခြေအနေတွေကွာဝေးကွာဝေး ဘယ်လောက်ပဲ ရေမြေတွေခြားခြား တွေ့ဆုံနိုင်တာမျိုးက အချစ်ပါပဲ။ အမှတ်မထင် ဆုံတွေ့ခြင်းကစပြီး မေ့ပျောက်လို့မရနိုင်ခဲ့တဲ့ စံပယ်တင်မှည့်နက်ပိုင်ရှင်လေးကို ချစ်မိခ...
