💏 ရှေးထုံးပယ်၍ ချစ်ပါ့မည် 💏
💋 အခန်း(၃၉) 💋
“ကျွန်တော့်ကို အခုလို ကူညီပေးခဲ့တဲ့အတွက် ကျေးဇူးတင်ပါတယ် ဦးလေး…”
“စော်ဘွားငယ်ကို ကူညီပေးဖို့အတွက် ဦးလေးကို အကူအညီတောင်းလိုက်တာမို့ ကူညီလိုက်ရတာပါ…”
“ဟင်…”
မြင်းလှည်းသမားဦးလေးကြီး၏ စကားကြောင့် စဝ်မုန်း အံ့ဩသွားမိလေသည်။ သူ့ကို ကယ်ထုတ်ပေးဖို့အတွက် အကူအညီတောင်းခဲ့တဲ့လူက ဘယ်သူများလဲ။ ကြည့်ရတာ ဟော်နန်းထဲက တစ်ယောက်ယောက်ပဲနေမှာ။ နေပါဦး… အဲ့လိုဆိုရင်တောင် သူ ဦးရီးတော်ရဲ့အဆောင်မှ အဖမ်းခံထားရတတာကို ဘယ်လိုလုပ်ပြီး သိတာလဲ။ အဲ့ဒီလူက ဘယ်သူလဲဆိုတာကို သူ တကယ်ပဲသိချင်သွားမိလေတော့သည်။ အဲ့ဒါကြောင့် သူ မြင်းလှည်းသမားဦးလေးကြီးအား သေချာကြည့်လိုက်ပြီး
“ဒါနဲ့ ကျွန်တော့်ကို ဘယ်သူ ကူညီပေးခဲ့တာလဲ ဦးလေး…”
သူ့အမေးကြောင့် မြင်းလှည်းသမားဦးလေးကြီးက သူ့ကိုသေချာကြည့်လာပြီး သက်ပြင်းတစ်ခု ချလိုက်တာကို သူ မြင်လိုက်ရလေသည်။
“ဟော်နန်းထဲမှာမွေးပြီး ဟော်နန်းထဲမှာပဲကြီးပြင်းခဲ့တဲ့ စော်ဘွားငယ်တစ်ယောက်ကို ဦးလေးလို အပြင်လူတစ်ယောက်က အခုလို ကယ်ထုတ်ရလိမ့်မယ်လို့ တကယ်မထင်ခဲ့မိဘူး… ပြီးတော့ အကူအညီတောင်းတဲ့လူကရော ဘယ်သူလို့ စော်ဘွားငယ်ထင်ပါသလဲ… သူက ဒီဟော်နန်းနဲ့ နည်းနည်းလေးမှ မရင်းနှီးမအပ်စပ်တဲ့ အပြင်လူတစ်ယောက်ပါ…”
“ဟင်…”
သူ့စိတ်ထဲမှာ ရှေးဦးစာဆိုကို ချက်ချင်းပြေးမြင်မိပေမယ့်လည်း ရှေးဦးစာဆိုက သူနဲ့အတူ အဖမ်းခံထားရတာမဟုတ်ဘူးလား။
“ဟုတ်ပါတယ်… စော်ဘွားငယ်ထင်နေတဲ့ မောင်ရှေးဦးစာဆိုပါပဲ…”
“ဘယ်လို… ရှေးဦးစာဆို ဟုတ်လား…”
“ဟုတ်ပါတယ်… ဦးလေး လက်ဖက်ခြောက်သွားပို့တော့ မောင်ရှေးဦးစာဆိုကို သူတို့တွေဖမ်းထားတာကို တွေ့ခဲ့ရတာပဲ… အဲ့ဒါကြောင့် ကယ်ထုတ်ပေးဖို့ ကြိုးစားခဲ့ပေမယ့် သူက လက်မခံခဲ့ပါဘူး…”
YOU ARE READING
ရှေးထုံးပယ်၍ချစ်ပါ့မည် (Completed)
Romance💜 ရှေးထုံးပယ်၍ ချစ်ပါ့မည် 💜 အချစ်ဆိုတာမျိုးက ထူးဆန်းပါတယ်။ ဘယ်လိုပဲ အခြေအနေတွေကွာဝေးကွာဝေး ဘယ်လောက်ပဲ ရေမြေတွေခြားခြား တွေ့ဆုံနိုင်တာမျိုးက အချစ်ပါပဲ။ အမှတ်မထင် ဆုံတွေ့ခြင်းကစပြီး မေ့ပျောက်လို့မရနိုင်ခဲ့တဲ့ စံပယ်တင်မှည့်နက်ပိုင်ရှင်လေးကို ချစ်မိခ...
