أَوَلَــــمْ نَـتَّفِــــقْ؟! ✦ مـُـــهـِـمَّـةُ الــرُّجـُـــوعِ ✦ الجـزء 𝟑

༺الـحـلـقــــــــــة 𝟐𝟏𝟖 ༻

#أَوَلَــــــــــــــمْ_نَـتَّــفِــــــــــقْ؟!                                      مـُــهـِمَّـةُ الـرُّجـُــوعِ ♢ 𝐑𝐄𝐓𝐔𝐑𝐍 𝐌𝐈𝐒𝐒𝐈𝐎𝐍              
#نَـــــــجــْــــلاَءْ_الــجـَــمـِيـــــــلـَـة_𝕯𝖎𝖙𝖆 ♡         ✧ـــــــــــــــــــ✦ــــــــــــــــــ✧                                     ༺الـحـلـقــــــــــة 𝟐𝟏𝟖 ༻
فـي الجـانـب الثـانـي البـنـات سـاهـريـن مـعا فأحـد المـلاهـي و نـاتـالـي راقبـتـهم حـتى طـفاو مـن الشـرب و رفـدت حقـيبتـها و خـرجت مـن المڪان ويـن تـوقـف سـيارة أجـرة لـي تـوصـلهـا للـمڪان لـي اتـفقـت تـلـتقـي فـيه بالشـخص لـي حڪات معـاه. ولڪن حظـهـا ڪان سـيء يـومهـا.
تـوقـفت السـيـارة فـي مـڪان خـالـي و نـزلـت و هـي تـراقـب الـوضع حـولهـا..  لأول مـرة تلـتقـي بـيـه و خـايفـة يڪشـف شـي حـد أمرهـا.
لحـظات و تـوقفـت سيـارة أمـامهـا نـزل منهـا رجـل ابـتسـم و هـو يتـقدم منـها. و علـى بـعد خـطوات استـطرد.
الرجـل " فالـموعـد.. ويـنو لـي طلـبتـو منـڪ "
نـاتـالـي " تفضـل فهـاد الفـلاشـة راح تلقـى ڪامـل المعـلومـات لـي محـتاجهـم..  و صـور لمـواقـع ڪميـرات المـراقبـة لـي خـارج المنـطقـة.. فـي حـال تحـبـو تـراقـبو المڪـان مسبقـا "
الرجـل " جيـد..  شـاطرة.. خبـرينـي.. واش سـبب خـيانتـڪ هـذه..  مـانيـش مرتـاح لـيها"
نـاتـالـي " علـى جـال طفلـي..  لازم نعـيش معـاه بأمـان..  الحـل الوحـيد هـو تفڪيڪ المنـطقـة الخـاصة .. وقتـها فقـط نقـدر نتسـلل و راح يڪون الڪل معـتقديـن أنـي انتـهيت "
الرجـل " بالتـوفـيق إذا "
نـاتالـي " لڪن لازم تنـفذو وعـدڪم و مـا تقـربولـيش "
الـرجـل " حـنا مـا نرجـعشو فڪلمتـنـا..  لڪن مهـلا حـتى نتـأڪد إذا يـشتـغل ولا خـدعة فقـط "
نـاتالـي " أڪـي " دخـل الـشـخص هـذاڪ سحـب حـاسوبـه المـحمـول و رڪب الفـلاشـة فـيه و بـيـن مـا هـو يشـوف محـتواه نـاتالـي بـتردد و هـي تشـبڪ أصـابعـها قالـت " ڪاين شـي ثـانـي "
الرجل مـن غـير مـا يـلتفـت " واش ڪاين ثـانـي؟ "
نـاتالـي " الـزعيـم دس عنـدڪم جـاسوس.. مـا عـلابالـيش شڪون.. لڪـن سـمعـته يحـڪي مـعه و يطـلب مـنه يبـلغـه بڪل تحـرڪاتڪم " الـتفـت لـيها عاقـد جبـينه و لحـظتهـا و بدون سـابق إنـذار رصـاصـة اختـرقـت رأسـه أردت قتيـ..لا أمـام عـيونهـا " صـرخـت ناتالـي لـي ڪان بإعتـقادهـا أنـو ڪشفـو أمرهـا..  لحـظة حسـت أنـو شـي لـي خانـت منظمـتهـا علـى جـالو راح يـروح فمـهب الـريـح. لڪن لـي شـافـتو بعـدهـا فـاجـأهـا.  سيـرجيـو تقـدم مـنها و نـظرة تحـڪي الڪثـير فعـيونـه. بتـأتـأة و ڪلمـات مرتـعشـة قـالت نـاتالـي "..  س..  سسريجيـو..  ڪيفـاه ججـيت لهـنا..  مـاش ڪنت مـع.... مالـه وجـهڪ"
سـيرجـيو " تتـوقـعي هـذا وقـت سـؤالڪ هـذا.. أنـا لـي لازم نسـألڪ.. واش راڪي تعـملي بحـق الجـحيـم" أسرعـت نـاتـالي رڪعـت علـى رجلـيهـا متـشبـتة بثـيابـه و بتوسل " أرجـوڪ سيـرجيـو..  نتـرجـاڪ مـا تبـلغـش علـيا..  أتوسـل إلـيڪ..  مـا ڪانش الأمـر بيـدي"
سـيرجـيو " هه واش شـي لـي دفـعڪ لـشي ڪيف هذا..  تتوقعـي راح تنجـي..  مـاش السيـد آدم لـي يفـوت عـليه أمـر ڪيـف هذا.. و لـو مـا خبـرتـش عـليڪ أنـا " بتربيـتات خـفيفـة تـشير لـبطنـهـا و تقـول بعـيون تفيـض مـن الـدمع
نـاتالـي" ڪـلش عـملـتو عـلى جـال طـفلـي..  مـاحـاباش نعـيش معـاه فالمـافيـا و مـا حـاباش نتـخلـى علـيه بنفـس الوقـت..  صـعب بـعد مـا اسـتشعـرت وجـوده بـداخـلي ننـهي حـياته فجـأة" سيـرجـيو بـقى مـصـدوم يعـني هـو مـا توقـعش تڪون مـازالـهـا حـامل
سيـرجـيو " ﻋـلاه..  مازالـڪ حـامـل.. نتـي هبلـتي أڪيد.. ڪأنڪ نـسيتي شڪون والـد الطـفل "
ناتـالـي بنحـيب " مـا نسيـتش.. لڪن الأمـر فـوق طـاقتـي.. حـد مـاراه حـاس بـيا..  الڪل قـاعـدين يـلومـوني عـلى إبقـاء طفـلي..  واش هـذا شـي منـطقـي"
يـرأف قلـبو لـيهـا وقـتهـا و لـو أنو مـا حـاسش بشـعورهـا حـنا بـجوارهـا و سـاعـدهـا جـلسـت داخـل السـيارة و رجـع أخـذ حـاسوب القـتيـ..ل و سحـب مـنه الفـلاشـة "
نـاتالـي " يـا ريـتڪ مـا عمـلتهـاش.. راح تتـورط درڪ"
سيـرجـيو " بلـغتـي علـيا و حـابتنـي نخـليه عـايش "
نـاتالـي " ڪيـفـاه بلـغت علـيڪ "
سيـرجـيو " راح تنـساي أنڪ شفـتينـي هـنا..  و تنـساي واش راڪـي تعـملـي..  الـمرة الجـاية مـا نضـمنلڪش أنـي نسڪت " مـا تـردش عـليه و هـاذ الشـي يحـسسه بالـشڪ نـاحـيته‍ا..  يحـنـي مقـابل وجـها و بنـبرة تهـديد استـرسل " صـدقينـي..  ڪومـا نتـي عـندڪ لـي تحـميه..  أنـا ثـاني عنـدي لـي رانـي نحـميـه.. و ممڪن نضحـي بأي شخـص..  و لـو ڪنتـي نتـي.. مـا تخـلينـيش نـضطـر نڪون شخـص سـيء.. فالنـهايـة نتـي لـي راح تتـأذاي " بنظـرات حـادة قـابلهـا حـتى ارتـعـش جـسـدهـا مـن جديـة الرسالـة لـي وصـلتهـا ليـها عـيونـه. 
نـاتالـي "الظاهـر راه عـاجبڪ وضعـڪ فالـمافـيا ..  و إلا ڪنت حـسيت بيـا"
سيـرجـيو " مـا تـحاولـيش تستعطفـيني..  مشـاعـري الڪل خـليتهـا فبلـد ثـاني..  خلـينـي نوصلـڪ " رڪب نفـس السـيـارة و أقلـع بيـها بعـد مـا رمـى جـثـة الـرجـل عـلى حـافـة الطـريق.. لي تقـدم منـها أحـدهم و وقـف مقـابل لـيهـا. بـعدمـا راقـب ڪل مـا جـرى.
#𝐍𝐚𝐝𝐣𝐥𝐚𝐚💙