PUBG ကစားရင်း ပစ္စည်းတွေကောက်မယ် ( ကျန်းစစ်မင် )

71 - 75

အပိုင်း - ၇၁ (ကိုရီးယားကောင်မလေးသုံး‌ယောက်)
ကျန်းစစ်မင် က ကိုရီးယားသူလေးသုံးယောက် ကိုခေါ်ဆော့ပြီး ကိုရီယားဘာသာပြန်ပေးနေရသည်ကို Shark မှ တာဝန်ရှိသူတို့သိသွားကြသည်။
ကျန်းစစ်မင် ဆီကခွင့်ပြုချက်ရသည်နှင့်တပြိုင်နက် သူတို့ဘက်မှ Shark ရဲ့ကိုရီးယားဘာသာပြန်ကို တိုက်ရိုက်ထုတ်လွှင့်ခန်းမှာထားပေးထားလိုက်သည်။
ဘာသာပြန်ညီမလေးမှာလည်းအော်ပြောပြစရာမလိုပဲ အရန်သင့်ဘာသာပြန်ပေးသည်။
ကျန်းစစ်မင် ကိုရီးယားသူလေးများနှင့် စကားပြောနေသည်ကို ကြားရသောအခါဘာသာပြန်ကောင်မလေးလည်း ရှက်သွားလေသည်။
“ကျမမလိမ်ဘူး မျိုးဂျင် ရဲ့ ကိုရီးယားစကေးက ကျမထက်အများကြီးကိုသာလွန်းနေတယ်... သူ့‌ရှေ့မှာ ဘာသာပြန်ပြရတာတောင်ရှက်မိတယ်”
"မင်းကသူတို့ပြောတာကိုပဲ ဘာသာပြန်ပြဖို့ပဲလိုတာပါ... မျိုးဂျင် နဲ့နှိုင်းယှဉ်စရာမလိုပါဘူး...”
ကျန်းစစ်မင် ကကိုရီးယားသူလေး တွေကိုခေါ်ထားသည်မဟုတ်ပဲ ကိုရီးယားသူလေးတို့ကသာ သူ့ကိုခေါ်ထားခြင်းဖြစ်ပေသည်
သူတို့သုံးယောက်က လေထီးကျရာလူချင်းကွဲသွားသဖြင့် ရန်သူရဲ့နေရာနှင့်နီးကပ်နေသည်။
ကျန်းစစ်မင် ကလည်း ကားတစ်စီးကိုတွေ့သည်နှင့် လူကြီးလူကောင်းဆန်ဆန် ကောင်းမလေးတို့ဆီသို့ လာခေါ်ဆောင်ခဲ့သည်။
“ကျေးဇူးပါ အိုပါး”
“ကျေးဇူးပါ အိုပါး”
“အိုပါးရှီး.. အမြဲကျေးဇူးပါ..”
ကိုရီးယားသူလေးသုံးယောက်လုံးတရုတ်လိုပြောပြီးကျေးဇူးတင်ခဲ့ကြသည်။
ကောင်မ လေးသုံးယောက်လည်း တရုတ်စကားနှင့်ရင်းနှီးလာဟန်တူပေသည်။
ကြည့်ရှုသူယောက်ျားထုကြီးမှာလည်း ကောင်မလေးသုံးယောက်နှင့် မျိုးဂျင် ကိုမနာလိုဖြစ်ကုန်ကြပေသည်။
ကောင်မလေးတို့နှင့်အတူ မြို့ထဲသို့ မောင်းနှင်လာခဲ့ကြသည်။
ကစားသမားလေးယောက်မှာ ကျွန်းမြေပုံ အခန်းမှာဆော့ကြခြင်းဖြစ်သည်။
ဂွမ်မင်ဒန်မြို့အောက်နားရှိမြို့တော် K သို့ရောက်လာခဲ့ကြသည်။
သို့သော် ဘေးကင်းဇုံမှာ လေဆိပ်နားတွင်ဖြစ်ပေသည်။
မိန်းကလေးသုံးဦးမှာလည်း စိတ်ညစ်သွားသည်။
"ဟယ် ဝေးလိုက်တာ"
"အမ အူဟွီ ရဲ့အမှတ်ကိုကြည့်ပါဦး... အရမ်းကံကောင်းတာပဲနော်"
"ကောင်မစုတ်လေး ဘယ်လိုတောင်ပြောရက်ရတာလဲ... ငါ့ကံကောင်းခြင်းတွေပြန်ရလာတယ်လို့.. ကြည့်ရတာ No.4 ကစားသမားနဲ့ထိတွေ့နေရလို့ထင်တယ်... အဟတ် အဟတ်"
ကျန်းစစ်မင် လည်းမျက်စောင်းထိုးလိုက်၍
"ငါကကိုရီးယားစကားမတတ်လို့ ကိုယ့်ကိုပြောနေတာတောင်ဝင်မပြောနိုင်ပါဘူး"
ဟူ၍ဝင်ပြောလိုက်သည်။
ကျန်းစစ်မင် ကိုရီယားလိုပြောတတ်သည်ကိုသိရသော် ယန်အူဟွီ လည်းရှက်သွားခဲ့သည်။
ကျန်းစစ်မင် လည်း လက်ကိုဆန့်၍ "ကြမ်းလိုက်တာ" ဟုပြောလိုက်သည်
"မင်းရဲ့ မျိုးရိုးနာမည်က လိုင် မလား? လိုင်ရေ ဖြစ်နိုင်မယ်ဆိုရင် ငါဒီဟာကိုမေ့မှာမဟုတ်ပါဘူး"
ဟ~
ခစ်ခစ်
ကျန်မိန်းကလေးနှစ်ယောက်ကရယ်ခဲ့သည်။
"အိုပါး ပြောတတ်လိုက်တာ"
"အိုပါး ကဟာသပြောတတ်တယ်နော်... ကျမတို့အားပေးပါတယ်"
ယန် အူဟွီ လည်းရယ်ရမလို စိတ်ဆိုးရမလိုဖြစ်နေပြီး
"ဟောဒီက ဟွာရှ အပြောကောင်းတာနဲ့ နင်တို့နှစ်ယောက်က သစ္စာဖောက်တာ မြန်လိုက်တာနော်"
"အမ အူဟွီ ကျမတို့အပေါ် အားမကိုးနဲ့တော့နော်... အိုပါး ပြောသလို အမရဲ့ မျိုးရိုးနာမည်က လိုင် မလား.. အူဟွီ လိုင်"
"ငါစိတ်တိုလာပြီနော်... နင်တို့ကိုရိုက်မိတော့မယ်"
....
ကျန်းစစ်မင် ၏ တိုက်ရိုက်ထုတ်လွှင့်ခန်းမှာလည်းထိုကောင်မလေးတို့၏ ရယ်သံများပျံ့နှံ့နေပေသည်။
ဘာသာပြန်၏ ပြောပြချက်အရ ကြည့်ရှုသူတို့လည်းဖြစ်ကြောင်းကုန်စုံသိခဲ့ရပြီးရယ်ခဲ့ကြပေသည်။
ကြည့်ရှုသူမှာ 10 သန်းကျော်နေပြီး တိုက်ရိုက်ထုတ်လွှင့်ခန်း မှာလူကြိုက်များမှု သန်း260 လောက်ပင်ရှိနေပြီဖြစ်သည်။
ဤသည်ကို လာရောက်ကြည့်ရှုနေကြသောအခြား live လွှင့်သူများအဖို့အားကျစရာဖြစ်နေပေသည်။
ထိုသူတို့အဖို့ အခြားဘာသာစကားကိုလေ့လာရင် ဖြစ်မည်မဟုတ်ပေ။
စကားပြောရင်း ပစ္စည်းရှာရင်းဖြင့် ကျန်းစစ်မင် ၏အသင်းမှာအဆင်ပြေနေပေသည်။
မိန်းကလေးသုံးဦးမှာလည်း ကျန်းစစ်မင် အား စကားပြောဖက်သူငယ်ချင်းအဖြစ်သတ်မှတ်ခဲ့သည်။
မိန်းကလေးသုံးဦးမှာ တခုခုပြောချင်နေခဲ့သည်။
"ယိုနာ ရေ နင် Mr. အိုပါး ကိုစကားပြောရင် နင့်အသံက ရှက်နေသလိုပဲနော်... နင်သူ့ကိုကြိုက်နေတာလား"
"ဟာ အမ ဂျီဟို မဟုတ်တာတွေလျောက်မပြော‌နဲ့နော်"
(ရှက်သွားလေသည်)
"ဟေး ဂျီဟို ငါလည်းထင်နေတာ တစ်ခုရှိတယ်"
"ငါတို့ ယိုနာက စကားကိုထိန်းပြောနေတယ်နော်"
"အကို အိုပါး ရဲ့အသံက အရမ်းကောင်းတယ်ဆိုတာဟုတ်တယ်... ဒါပေမယ့် ငါကတော့ ယိုနာ လို စကားထိန်းပြောနေတာမဟုတ်ပါဘူး,,, မဟုတ်ရင်သူ့လို့ ကြိုက်တယ်ဆိုပြီးဖြစ်နေမှာ"
"အ..အမတို့ကနော်"
ထိုသို့ပြောပြီးနောက် ယိုနာ မှာ ကျန်းစစ်မင် ကိုစကားမပြောတော့ပေ။
ဤသည်မှာပို၍ သံသယဖြစ်စရာကောင်းနေပေတော့သည်။
ကစားသမားလေးယောက် K မြို့ရှာပြီးနောက် အဆိပ်ဇုံမှာ နောက်ကလိုက်လာပေတော့သည်။
"‌ဒီနားမှာ နောက်ထပ်ကားတွေရှိဦးမလား မသိဘူး .. ဘာလို့ဆို အမ အူဟွီ ကားစီးတုန်းကဆို ငါ့မှာ သေချက်က ခေါက်ဆွဲစားဖူးတဲ့အကြိမ်ထက်တောင်များနေတယ်"
"ဟေ့ ဟေ့ အဲ့လိုပြောတာကလွန်တာပေါ့.. ငါ့အမ ယန် အူဟွီ ရဲ့ကား‌မောင်းစကေးကိုသေချာမသိသေးလို့ပါ"
"ငါကတော့ သူမောင်းတာ အထင်လည်းမသေးဘူး... မြင်လည်းမမြင်ဖူးဘူး"
"ဂျီဟို နော်... ငါနင့်ကိုကိုက်ပစ်မယ်"
ထို့နောက် jeep ကားတစီးသာတွေ့၍ စီးခဲ့ကြသည်။
"ဒါပဲကွ … သွားကြမယ်ဟေ့"
ထို့နောက် ဘေးကင်းဇုံသို့ ရောက်သွားကြသည်
"Chi Hyo!"
"နင်ဘာလုပ်နေတာလဲ"
"ကားမှာပါတဲ့ သီချင်းကိုဖွင့်လိုက်"
"အမရေ ကားမှာသီချင်းမှမပါတာ"
"ဒါဆိုရင်လည်း နင်သီချင်းဆိုပါလား"
"မဆိုပါဘူး ကိုယ်တိုင်ဆိုလေ"
"ယိုနာ... နင်ကတော့ သီချင်းမှာဆရာကြီးပဲ ဆိုပြ"
"အာ မဟုတ်ပါဘူး"
"ဘာကြောက်နေတာလဲ... ဆိုပါ။ နင်ဆိုတာကြားရင် အကို ဟွာရှတောင် နင့်ကိုကြွေသွားလောက်တယ်"
"အမ အူဟွီ နင်မဟုတ်‌တာတွေထပ်ပြောရင် မသိချင်ယောင်ဆောင်နေတော့‌မှာနော်"
"အေးပါ မပြောတော့ပါဘူး ဆိုပြနော်"
"??????????, ????????"
လင်းယိုနာသီချင်းစဆိုသည်နဲ့ ကြည့်ရှုသူများမှာ အံ့ဩသွားကြသည်။
ယခုကဲ့သို သာယာချိုမြိန်သောအသံကြားလိုက်ရသောအခါ ကျန်းစစ်မင် နားထဲတွင် အချစ်ဦးအသံ ကြားလိုက်ရသလိုဖြစ်သွားပေသည်။
ကျန်းစစ်မင် လည်း ဤသည်မှာ တကယ့် လင်းယိုနာ အစစ်လားဟုထင်မိသွားသည်။
နာမည်ကြီးစတား လင်းယိုနာ နဲ့တစ်သင်းတည်းကျမည်ဟုမထင်ထားပေ။
နာမည်တူသည်ဟုပဲထင်မိထားသည်။
လင်းယိုနာ သီဆိုနေသည်မှာ သိပ်မကြာလိုက်ပေ။
နောက်ဆုံးတွင် သီချင်းသံမှာ အော်သံနှင့်အဆုံးသတ်သွားလေသည်။
အဘယ့်ကြောင့်ဆိုသော် ယန်အူဟွီမှာအခြားကားတစီးကို ဝင်တိုက်လိုက်သဖြင့်ဖြစ်သည်။
"အဟမ်း ဘာမှဖြစ်ပါဘူး... ငါခုနက အာရုံလွတ်သွားလို့ ...နောက်တခါထပ်မဖြစ်စေရပါဘူး"
"အမ အူဟွီ ကားမောင်းတတ်လား"
"ငါ့ရဲ့သွေးနှစ်ပုလင်းလောက် ထွက်ကျသွားသလိုပဲ... အမ အူဟွီ ကျမကို ဆေးလေးပေးနိုင်မလား"
"ကောင်းပြီ... ငါမပေးနိုင်ပါဘူး ကားမောင်းဖို့က ငါ့အတွက်အရမ်းလွယ်နေတာကိုး"
"ငါတို့လည်း နင့်ကို ဇွတ်မမောင်းခိုင်းပါဘူး အကို အိုပါး ကိုပဲမောင်းခိုင်းလိုက်ပါ"
"သဘောပဲလေ... သူကငါ့ထက်တောင်ဆိုးရင်ဆိုးနေလောက်မှာ"
ယန် အူဟွီ လည်းကားထဲမှထွက်၍ ကျန်းစစ်မင် နှင့်နေရာပြောင်းလိုက်သည်။
ဤသည်ကား အတင်းပြောင်းခဲ့ရသည်မဟုတ်ပါ။ဆေးပုလင်းနှစ်ပုလင်းနဲ့လဲ၍ပြောင်းခဲ့ခြင်းဖြစ်သည်။
ကျန်းစစ်မင် လည်း‌သဘောတူခဲ့လေသည်။
::::::::::::::::::::::::::::::::::::::::::::::