တုနှိုင်းမဲ့ထန်မျိုးနွယ်

19.20.21.22

တုနှိုင်းမဲ့ထန်မျိုးနွယ်Soul Land 2
အပိုင်း ၁၉+၂၀(၅•၃-၅*၄)
" ပထမဆုံးအကြည့်တစ်ချက် "
°°°
ဟို့ယွိဟောင်က သူ့ရဲ့စိတ်ဝိညာဉ်စွမ်းအားတွေကို အခုမှစတင်ပြီး လမ်းညွှန်ရင်း ခန္ဓာကိုယ်ပတ်လည်ကို လှည့်ပတ်စေပါတော့တယ်။ ပေ့ပေ့ကတော့ အရမ်းကို အလေးအနက်ထားနေခဲ့ပါပြီး ဟို့ယွိဟောင်ရဲ့ နားလည်သဘောပေါက်နိုင်စွမ်းက အတော်ကို မြင့်မားလွန်လှပါတယ်။ ဒါ့အပြင် သူက အတော်လေးကို ထက်မြက်လွန်လှတယ်။ ဒါပေမယ့် ခန္ဓာကိုယ်ရဲ့ပါရမီကတော့ အတော်လေး ချို့ယွင်းနေတာ အမှန်ပါပဲ။ ပေ့ပေ့ရဲ့ ဝိညာဉ်စွမ်းအားက ဟို့ယွိဟောင်ခန္ဓာကိုယ်ထဲကို ၀င်ရောက်လာပြီးချိန်မှာတော့ ဟို့ယွိဟောင်ရဲ့ အဓိက စွမ်းရည်အရင်းအမြစ်တွေက အတော်လေး သေးငယ်ကျဉ်းမြောင်းနေတာကို မြင်လိုက်ရပါတော့တယ်။ ဒါ့အပြင် တစ်ချို့နူးညံ့တဲ့ စွမ်းအင်အရင်းအမြစ်တွေက သန်မာတဲ့ ဘယ်လိုစွမ်းအားမျိုးကိုမှ လက်ခံနိုင်တဲ့ စွမ်းအားမရှိခဲ့ပါဘူး။

လက်ရှိအချိန်မှာ ဟို့ယွိဟောင်က အဆင့်တက်ဖို့ဘာကြောင့် ဒီလောက်အထိ ခက်ခဲနေလဲဆိုတာကို ပေ့ပေ့နားလည်သွားခဲ့ရပါပြီး ပထမဝိညာဉ်စက်ကွင်းကို ရရှိပြီးတာတောင် သူ့ခန္ဓာကိုယ်က စွမ်းအားတိုးတက်လာခဲ့ပေမဲ့ စွမ်းအင်ဖြတ်သန်းဖို့အတွက် လမ်းကြောင်းတွေကတော့ အတော်လေးကို ကျဉ်းမြောင်းနေဆဲပါပဲ။ သူ့ရဲ့ပါရမီဘယ်လောက် နုံနည်းလဲဆိုတာကို ဒီတစ်ချက်ထဲနဲ့ ကြည့်ရုံနဲ့တင် သိနိုင်နေသလို သူက တခြားဝိညာဉ်စွမ်းအားကို မနိုးထရသေးတဲ့ သာမန်ကောင်လေးတွေနဲ့ သိပ်မကွာခြားပဲ ရှိနေခဲ့ပါတယ်။ ဒီလိုဝိညာဉ်ပညာရှင်ဖြစ်ဖို့အတွက် ဘယ်လောက်တောင် စိတ်အားထက်ထက်သန်သန်နဲ့များ ခက်ခက်ခဲခဲ လေ့ကျင့်ခဲ့ရတာလဲ။

ပေ့ပေ့လို အေးဆေးတည်ငြိမ်တဲ့သူတောင်မှ ဟို့ယွိဟောင်ရဲ့ ဒီအခြေအနေကို ရှာဖွေတွေ့ရှိရချိန်မှာ အတော်လေးကို လေးစားသွားခဲ့ရပါတော့တယ်။ ဒီလိုမျိုး မယိုင်လဲတဲ့ ဆုံးဖြတ်ချက်ရှိနေတဲ့ ဟို့ယွိဟောင်က အသက်အရွယ်ငယ်ရွယ်ပေမဲ့ အနာဂတ်မှာ တစ်စုံတစ်ရာကို အောင်မြင်နိုင်မယ်လို့ တစ်ထစ်ချယုံကြည်နိုင်လောက်စရာ အကြောင်းရှိနေခဲ့တယ်။