#مكتوبي
اسفه صارت لخبطه في تنزيل حلقات نسحاب روحي نزلت سادس عشر واني نزلت سادس وتت شفتها اسفه 😩الجزء السادس عشر||
"بعنوان التضارب"
كتابة أم أمـن||
************
عند صفيه >>
طلع إسلام وخلاها وحدها قعدت تبكي صرفقت الباب وراه وبدت تكسر في كل شيء في الشقه.
لعند دهشت ... غمضت عيونها وانهارت حاضنه رجليها لصدرها : انا انا مادرت شيء لها ليش ادمر في حياتي.
ناضت زي المجنونه تصرفات متضاربه، مسكت تلفونها وضربت رقم ريماس يمكن هنا مايتفقن واجد ، ومتعاركات مع بعضها بس ملهاش غير اختها .
كانت ريماس كيف جايه من برا بحكم عندها كورس رن تلفونها شافت المتصل لقتها صفيه : الو .
صفيه بشهقه : ريماس تعالي انا تعاركت مع اسلام .
ريماس بصدمه : حي امتى ، شن درتي من فلطه هالمره .
صفيه : ما درت شيء نقسملك بالله .
ريماس : هيا جايتك توه نشوف عماد وجع للحوش ولا لا .
صفيه : نراجي فيك .
خشت ريماس للحوش لقت عماد يشرب في قهوته في الصاله وقاعده جنبه ردينه ماسكه حمودي .
ريماس : سلام .
عماد ردينه : سلامات .
عماد : ها شن جو الكورس ؟
ريماس جت جنب اختها : الابله تشرح كويس احسن من متاعن المدرسه .
ردينه : باهي مشاء الله انقلي فيها المدرسة هذي .
عماد : نوافقك الراي ردينه ، مدرسة انترناشونال .
هزت راسها : نفكر فيها ...لكن مش هذا موضوعي .
عقد عماد حاجبه ونزل فنجان القهوه : خير إن شاء الله نقصاتك فلوس ؟
بسرعه : لا والله مش ناقصاتني فلوس الموضوع له علاقه بصفيه .
عماد : كنها ؟
ريماس حكتلهم الي صار ناضت ردينه : انا عرفتها هذي فضيحة مش فريحه مش عارفه عليش حاشره نفسها بحياتهم !.
عماد : اهدي اكيده في سوء تفاهم .
ردينه بغيض : لا لا توه هذا خذني لها .
وشافت لريماس : انت عينك من حمودي .
ريماس : لا مش قاعده بنمشي معاكم نشوف شن صاير معاها كلمتني تبكي .
ردينه : ريماس قتلك اقعدي .
ردينه بتسكير راس :قتلك مش قاعده حمودي خليه مع امي زهاء .