#مكتوبي
الجزء السابع والثلاثون ||
بعنوان " نزاعات "
كتابة : - ام أمـن 🤍✨
« من أعظم عطايا الرب للعبد الدُّعاء، فاللهم اليوم وغداً وكل يوم أستودعك أهلي »
«شرقاً غربًا جنوبًا شمالاً اللهم بلادنا فاحفظها»
للجميع يا ريت تعذروني أنا النت عندي ضعيف+ فترة إمتحانات ومع ذالك انزل
انا مش طالبه شيء غير الدُّعاء لي
وأنا والله مش كاتبه عشان نوقف كتابه الرواية وخاصة مكتوبي لكن الواحد بظروفه ولو كنت عارفه انه ح يبدا الوضع هكي راه ما كتبتها الا بعد عطلتي لكن لله في كل تدبير خير كثير !
اطلت عليكم التمسو لي العذر واي حد ما رديت عليه الخاص انا ماعندي نت تمام هاليومين
*************
عند مُكرم >>
قرب منه الصالحين وحضنه بقوّ مايقدر
باسه في خده وعلى جبهته يتلمس في وجهه : ولدي الحمدلله على سلامتك !
محمد واقف بعيد متضايق من بوه !
انصل بيه قيس : ايوه كنك
وين يعني مع بوك ملاقي خوك قال شنو دايرها مفاجأة
بغيض : ريته ! ع ما نديرو مانعجبوه بالله عليك بعد روحت من مصر دارلك هكي !
محمد : حتى بالكذب غير كان تشوفه مقطعه بوس تقول وحيده !
قيس : مش عارف عليش يحبه نحن أحسن منه بواجد !
محمد : بالك لانه متمرد هذا عليش !
قيس : المهم الايام الجايه خليه عينك عليه رد بالك يزقبك حتى انت
محمد : ماعليك منه ...صكر اهوا جاي
قرب منه وحضنه : محمد حميدااا
باذله الحضن : اهلا مكرم الحمدلله ع السلامة
مكرم : يسلمك الله حبيبي ، امالا وين هديل !
محمد قرر يحرق قلبه : كيف باتي ما قالك
هديل ماتت
وشاف ل الصالحين ماقتله يا باتي !
مكرم لفت بيه الدنيا : كيف !
قرب منه وسنده"الصالحين "
أما أكرم أعترت وجهه الصدمه ..."كيف هديل عليش جاي أنا معناها ! "
الصالحين فنص ف محمد : بالله أهدى يا رلدي وأنا ح نفهمك كل شيء
شافله بغضب وقهر : معقوله يا صالحين هكي عاد الشيء الوحيد الي أستأمنتك عليه !
الصالحين شاف لـ رحيل ورحيل فهم أن الصالحين مايبي وجوده !
رحيل : مُكرم أنا بنمشي كلمني بعدين.