#مكتوبي
تابع ((الجزء السادس والثلاثون ))
بعنوان "نزاعات "
كتابة أم أمن 🌸
**********
عند صقر >
بعد إتصال خاله لبس كندرته وطلع !
حنان نست على نفسها ولحقاته كان غالب عليها شعور تأنيب الضمير!
: صقر صقر
تلفت عليها ورفع حاجبه : خيرك!
خُشي!
قالت : قتلك كانها صارلها شيء مني!
عض فمه : متخافيش ما حد رح يصيرله شيء منك الا اني
وقال بصوت عالي لعند انفجعت : تي خشي خشي مازالك واقفه هني احني ف عماره معانا ناس
هزت راسها وخشت...طبقت الباب زعلانه وهو نازل من الدروج خبط كفوف يديه ف بعضهن : اني عارفه اجلي ع يدين البنت اهيا !
كمل قائل : يا رب وسع بالي عشان نقدر نتحملها !
ركب سيارته وأتجه منه للمشفى...في باله يشوف وضعها ضميره أنبه ناحيتها وحس أنه السبب!
وصل عند العيادة تلقاه حسان : أرتحت !
شفت شن درت بالبنت
مسح دموعه : لو ين بتوصلها
صقر قدم منه : خالي
قاطعه حسان : مش خالك مش خالك تحيل تبدا انت ولد اختي خديجه الحنينه مش مصدق انك مفرط فيها ع خاطر من !
ع خاطر هذيك!
غير امتى لحست عقلك بس!
لكن خلي بنتي تموت بقهرتها
غمض عيونه... وقال واخيرا : مش ح نسيب إيميليا بإذن الله نتزوجها لكن مش توه
حسان رفع يده : لا بارك الله فيك يا ولد اختي مانبو منك شيء بنتي ساد ما جاها منك الله يسامحك يا خديجه !
صقر عض فمه وقال محاول ترضيه حسان : خالي ني بنوعدك مش ح يتكرر الي صار والله مايبدا خاطرك الا طيب ...خلي نحكي مع إيميليا !
حسان تنهد : اوعدني قبل انك معادش ترميها رميتك هذي!
صقر : وعد
حسان : خش لـ داخل مبدري ترجا فيك ورافضه تحكي اي شيء الا في وجودك!
هز راسه وخشلها ولحقه خاله !
كانت تشوف للروشن أثار البكى على وجها متأثره بكل !
: صقر
قرب منه وسحب الكرسي...قعد جنبها ووقف وراه خاله .
صقر : إيميليا علاش درتي هكي!
إيميليا تبكي...انصدم : بلاش بكى
