#مكتوبي
((الجزء الخامس والعشرون))
.
.
.
بعنوان"لكي لا تحزن "كتابة ام امن
أصبحنا و أصبح الملك لله رب العالمين، اللهم إني أسألك خير هذا اليوم : فتحه، ونصره ونوره وبركته وهداه، وأعوذ بك من شر ما فيه وشره ما بعده.
********
عند عيت مفتاح >>
قعدت تبكي : الليله الليله وديني لهلي نا وياك ميصيرش منا حتى بالكذب.
طبس عليها : باهي اسكتي وخلينا نركبو فوق.
هزت راسها وتخبط ف وجها : لا لا
انهارت خذها ف حضنه وهي تنتفض... وجعت البنات وياسمين ورغد لامت نفسها.
يمسح ع ظهرها...لكنها دفاته عنها : خذني لهلي.
بعد سمع مفتاح النقاش ركب فوق تحشم من حنان لا القفطان كان مشرط من جهة كتافها.
صقر : بكرا ناخذك لهم.
انهارت وبدت تبكي : لاااااا الليلة الليلة مانبتش الا ف بنغازي.
كلهم وجعتهم صرخاتها وبكاها مش فاهمين طبيعة الي بينهم! .
مفتاح نزل وجهه احمر وراقيله : شاف لـ وداد بري للبنيه اطمني عليها خوك بيهبلني.
هزت راسها وركبت فوق لقت حنان مزال تبكي قربت منها بعد صقر منحرج من وداد : نوضي حنان بوي قالك انزلي تحت.
شافت شرك القفطان... وشافت ل صقر : ترا جيبلي جاكه ولا اي شيء نلبسه لها قبل انزلها لان مؤمن قاعد تحت.
عقد حواجبه... الي خاف منه صار... واهله عرفو
قلبه وجعه عليها ... قعمز جنبها ع الدروج مسح ع ظهرها : متنزليش حنان اني اسف مش قصدي .
مسكت ف وداد تترجى فيها : نزليني منبيش نقعد هنا نزليني تربحي.
شافت ل صقر : خلاص جيبلها جاكتها وخليها عندنا لعند تتريح.
هز راسه مشى جابلها جاكته... بحكم معرفش وين حاطه دبشها .
لبستها جاكته ونزلت بيها تحت... مؤمن أنحرج وطلع برا ومُعين وجعه منظرها ركب فوق ل خوه.
عند صقر >>
كان قاعد ع الكرسي...يخمم في الي صار توه
خش عليه مُعين : انت شن درت!
صقر : مُعين ماتدخلش...
مُعين : صقر...انت مش بعقلك شن الجو هادا درته حرام عليك ماشفتش بكيتها انت والله صعبه
صقر سكت...
عند حنان >>
خشت جوه الحوش...وهي ترعش وتنتفض بين يدين البنات.