#مكتوبي
الجزء السابع||
كتابة أم أمـن||
بعنوان "خفايا الأقدار"
**********
عند أهل صفيه ||
ليلة الأمس//يوم الاربعاء
بعد عنها مش مصدق الكلام الي قالاته...عض فمه وحس بالإهانه هكي قدرت ترد له الصاع صاعين.
أدركت حجم الكلمه الي طلعت منها ناضت ترعش : إسلام أنا مكنـ ((قاطعها)).
إسلام مسكها من حنكها : توه أنا تحكي معايا هكي واقسم بالله لولا عمي راهو عرفت ميف نصرف معاك.
دفها : ياخساره!
جل يبي يطلع لقا الباب مسكر يكر فيه بقوه مش راضي يفتح.
" مقفول! "
التفت عليها وعيونه نار : جريتن بيا !
ضيق عيونه : حتى حنان دخلتيها معاك ! . في العابك الوسخه.
صفيه ترعش : اسمعني غير اسمعني هذي كلمه طلعت من غير قصد! .
" من غير قصد! "
بتكمل حياتي هكي كل شيء من غير قصدك وانا نمشي طبعا ونتحمل ولا !
تذكر كلامها مع بوها بدري : تعرفي أنا بنتزوج عشان تتربي وتعرفي حجمك!
طلع يخبط على الباب : ريماااااس.
فتحت له ريماس شافلها معصب وطلع.
حنان لقت صفيه تبكي...شافت لريماس : لبزتي الدنيا ! .
ريماس كانت مستغربة كيف فشلت خطتها...اتجهت حنان لاختها : اسس صفيه توه بوي يسمعك.
صفيه تبكي : انا مكانش قصدي كنت نبي نردها له.
ريماس عقدت حواجبها : شن تردي ! يا طياح سعدك شن قلتي له.
جتهن زهاء : كنه اسلام طلع يعارك في ذبان وجهه.
ريماس بغضب : منها ابصر شن قايله.حنان مسكت صفيه من كتافها وتهز فيها : قولي شن قلتي! ! !
صفيه تشهق : مش قتله انت تلف تلف وترجعلي لما قال سامحيني كنت ن ننبي ناخذ حق ضربته لي منحسابش ياخذ على خاطره.
نطت ريماس عليها مسكتها زهاء وحنان : تي شن تقولي يادعوه ياكلبه يامغروره شن تحسابي روحك.
ريماس : هذا اسلام توه تحقي مش كان يحبك معناها خلاص بيخليك تغلطي فيها لو كنت ناسيه نذكرك شن كان يدير في عمامك لو يغلطو فيه ! .
صفيه مكانتش مُدركه للكلام الي قالته...تبكي وخلاص وريماس تصفع فيها بالحقائق على وجها.
حنان بغضب وترعش من الكلام الي سمعاته : بعدي عنها بتأذيها هكِي.
ريماس بعصبية : خليني نقتلها ماشفتيه كيف طلع راقيلآ إن شاء الله ارتحتي توه جرحتيه !.