مكتوبي
إضافية للجزء الرابع والخمسون 1"||
كتابة om amen
بعنوان "نُقطة ضعف "||
************
عند ردينه >>
وقتها طلعت وركبت هي وريماس في التكسي الي جن بيه ومشن للحوش
نزلن قدام عماد تفاجئ !!
واشر ل ردينه تلحقه
خشو هما الاثنين : هذا شنو وين كنت يا استاذة
: كان عندي شغل اندير فيه
:شغل شنو ردينه الساعه 11 توه !!
عماد قتلك شغل كنك انت !!
رفع حاجبه : انا كني ولا لاني مخليك ع راحتك ردينه قاعده توهمي راه
تلفتت عليه : ما نتوهم في شيء
انا زي ما قتلك كان عندي شغل
هز راسه …تمام ردينه بديري الجو هذا
وتبدي تصرفي من راسك
معندكش راجل ماهو
: مش هكي
: لا هكي ونص
جايه عقاب الليل في تاكسي
وين كنتِ
مش حاسبه عندك طرطور
: كنت نجيب في حق اختي !!
: اختك من
: حنان
: من من تجيبي فيه ردينه !!
وحق شنو !!
مش من جدك !!
شنو في غابة نحن بيش تمشي وتاخذي حقوق الناس من راسك عقاب الليل
: هذين خواتي وانا مسؤولة عنهن
: وعندك راجل مسؤل عنك
: يعني انت شايفني غلطانه
: غلطانه ونص في مراة محترمه تجي لحوشها عقاب الليل ردينه بالعقل
: حقك عليا
: تباعد عنها انتِ ف كل مرة تخلي في يا ردينه نتاكد ان الحياه بينا تزيد صعوبه
وتعرفي هذا عليش من راسك اليابس
طلع ومشى لحوش امه
عند صفيه وايوب
: والله هذا كل الي صار
واقسم بالله كنت مصدومة بس
لكن ما كنت راضيه عن كلامه
تنهد : ماهو حتى انت غلطانه عليش طلعتي عليه
عارفه اني ما نحبه البنادم هذا !!
: ايوب الموضوع في مصلحة اختي اظطريت ع خاطرها
مسح وجهه : معاش تصرفي من راسك بعدين هو عليش ما جا وقالك الي قاله ونحن قاعدين عليش استنى لعند مشينا
