#مكتوبي
-الخَامس والأربعون ||
بعنوان "حقوق ملكيه"
كتابة أم أمن >>
لا اله الا الله محمد رسول الله
اللهم صلي وسلم وبارك على حبيبنا وشفيعنا سيد الخلق محمد بن عبدالله
اللهم يا شافي يا معافي البسنا ثوب العافيه 🌸🌸🌸🌸
**************
عند هديّل ... >>
بضيق كتفت يديها : مفيش عشاء لعند تقولي وين كنت لك ساعتين طالع من هنا !
بحت فيه : هديل خيرك ما جاوبتي في عشاء؟
استفزها بروده قربت منه شداته من ياقته : في عشاء!
لكن عند تجاوبني قبل ؟
نزل يدها و قعد ع الكرسي متكئ بيده ع طرف الكنبه : اي شن تبي
بحتت فيه : وين كنت تنش ؟
رفع حاجبه : انش؟ !
ناض : حسني ملافظك وانت تحكي معايا !
هديل حامقه : مش محسنه مش محسنه
وين يا استاذ ع المشاوير الي طلعتهن مع السنيورة
وين !
فاتح بضيق : هديل !
ضمي فمك !
هديل منقهره : عليش نظم فمي قولي وين كنت انت ؟
فاتح رقتله منها ..." وانت شن دخل امك !"
بضيق : امي ماحكيش عليها اولاً الله يرحمها
وانت وين كنت ، ان شاء الله ؟؟
ما تهربش من سؤالي !
ظابط أعصابه : هديل مليكش علاقة بوين كنت وشن درت زواجنا مش حقيقي !
شافتله مصدومه ...وقالت مضايقه : هذا رايك يعني
باهي انا وانت عارفينه زواج مزيف باهي لكن اهلك مش عارفين الشيء هذا !
ع الاقل خلي احدود لزواجنا المزيف قدامهم
يعني ترضى نمشي مع حد من خوتك يوصلني للشقه وانت ترجا هنا !
شافلها : هووووي عليننا نكد عاد ...فكيني من الجو هذا !
وكان نسمعك راكبه مع راجل غيري لما نقتلك !
خش جوه ...خبطت رجلها بالارض : والله مطرشق
حاله غير طبيعيه !
خشت وراه للدار لقاته يعلق في جاكته : انت لازم اسمعني
تلفت عليها : هديل خيرك ، كلامك بدى هكي !
هديل مكتفه يديها : والله انا كلامي هكي
اسمع اسمع يا فاتح ، ع قولتك زواجنا مزيف