#مكتوبي
تابع الجزء التاسع عشر ||
.
.
.كتابة أم أمن ||
***********
شافله : تي كيف بتمشي بس وانت رجلك مزال توجع فيك.
صقر مخنوق : مش عارف بس بنطمن عليهم.
غفار : نقولك انا ح نمشي غادي ونسأل عليهم وان شاء الله يطلعو كويسين.
صقر شافله : لا منبيش نتعبك! .
غفار : غير تعب شنو بس!
انت هني روحك وانا ح ندير كل شيء.ابتسم : ربي ميحرمنيش منك.
غفار : ولا منك ي غالي...شن داير انت واهلك؟
عقد حواجبه وتذكر وضعه معاها : والله نا مفكر ف موضوع قعدت البيبي...لكن المشكله فيها مش عارف مش متقبلتني.
غفار حك راسه : والله شن نقولك موضوعكم حساس الحق...ومسكينه من حقها تاخذ موقف راهو الي درته مش شويا! .
شافله كأنه مش ناقصه عذاب بيش يعذبه اخرى!
: عارف لكن ياراجل شن نقولك عليها.
والله ما فهمتها قبل كانت تخاف نحس بيها مرعوشه لكن توه بدت شخصيه عنيفه! .
والله أحترت معاها !
ربت ع كتفه : أنت بس سلم أمورك لله ، إن شاء الله يصلح حالكم .
شاف للروشن : نا مش طالب شي منها وصح كل الحق معاها لكن والله انت تعرفني خلوقي ف شيشه شاد روحي بالسيف منتحملش وهي باديه طبعها غريب يحير !.
غفار : معندكش مشاعر تجاهها!
شافله : شني الحب فن طب...لا معنديش اي مشاعر تجاها ولا تجاه غيرها.
مسح وجهه : أنا منصلحش لا للزواج ولا نكون أب.
شافله مستغرب : عليش شن ناقصك انت مشاء الله ياصقر .
تنهد ومسح العرق الي بدا يتصبب من وجهه من كثر التوتر : ماهو فشلت قبل تذكر!
فشلت نكون ولد ل بوي وأخ لخوتي وخواتي وتوه بنفشل حتى ف هذي.
وجعه حاله : وسع بالك يا رفيقي مصيرها تهون ربك كريم ما يدوم شده.
نفخ بقلق ...الباين قلبه مش مريحه مسكين الي عاشه زمان يخليه يخاف حتى من فرحته اليوم !
بعد شويه طلعو ومشو لشقة صقر وقبلها تكى ع المحلات خذات خضرة ولحم وشوية حاجات عشان بيكشي لعيت منصور
***************
ريماس>>
كانت طالعه من الكورس والوقت بدا قريب المغرب...والتقويه عاده وقتها من ال4-6 .
طالعه ع رجليها وتمشي وبحكم ريماس عاقله مستحيل تمشي من الطرق الفرعيه ديما تمشي من جنب الرئيسي حتى لو كان بعيد لان لو مشت من طرق فرعيه يمكن تتعرض لمضايقه واي شيء.