#مكتوبي
((الجزء الثاني والأربعون ))
بعنوان "خِذلان "
خَربشات نصيّة ل أم أمـن
"هناكَ فُرَصٌ كان لا بُدَّ أن تضيعَ
لأنَّها لو لم تَضِعْ
لَضِعْتَ أنتَ
فلا تَحْزَنْ على ما فَاتَكَ"
************
عند إيميليا >>
عاليه تشوف ل إيميليا ولوت فمها مش عاجبتها لا شكلا ولا مضمونا ولا من اي ناحية
" اسوء نسخه في العالم! "
سلحت الجاكه رمتها بغضب : شن تبي اندير هذا حد جهدي
عاليه في بالها شيء ثاني : لا لا الخطه هذي فاشله تمام
ناضت وقالت " لو ماخليتيه يحبك خليه يكرها"
عقدت حواجبها كيف؟!
عاليه قعدت ع الكرسي وحطت رجل على رجل : انا ح نقولك كيف
وبدت تحكيلها شن أدير وصاغة كل شيء على هيئة سبع وصايا !
رغم ماكانت مقتنعه لكنها بشكل او اخر حطاته في راسها وبدت تبيه !
وح تنفذ الي قالت عليها وبالحرف
***************
عند فاتح >>
بحتت فيه...ملامح وجهه جامِده
قال بنبرة يطغو عليها الغضب : يعني زلبحتيني ولا؟!
شعوره الآن لا يُوصف... المذنبه في نظره امامه ويقدر ينتقم من بوها فيهت ولكن!
سكت" خيبته فيها لا تُوصف لـ هالدرجه كان ساذج!
هديل بألم : والله مش هكي أنا كنت...
خبط ستريسو السيارة بيده : اسكتي اسكتي
كمل بغضب : معقوله انتِ تكذبي عليا هديل!
سخفتيني قُلت يلا خودها معاك أنقدها من جحيم زوج أمها وكون ليها طوق النجاة لكن هالشيء كله كان عباره كدبه!
تلفتت بوجها للجهه الثانيه وبدت تبكي... " والله أنا ما كذبت يا فاتح وأنا بس كنت نرجا في الوقت المناسب بش نصارحك بالحقيقه! "
بغضب : حقيقة شني بالله !
امتى بتدوي حضرتك وتقولي انتِ بنت هداكا المجرم ال*****
حاطه وجها بين يديها : والله انا
فنص فيها : انزلي انزلي يا****
انصدمت من كلمته...قالت بحرقه : انا هكي!
ترعش مش مصدقه مهما كان صحيح ماتعرفه لكنها اثبتت بطريقه ما حسن نيتها واخلاقها معاه يقول عليها هكي!
: انت كنك هكي كنك!
بقهر : " كنك ها" توه انا بنضرك هكي!
متضايق منها ومن نفسه...كذبتها عليه صعبه
