#مكتوبي
" الجزء-الرابع والاربعون "
بعنوان "خذلان،والأخير "
🌸🌸🌸🌸
**************
عند حَنان :
جهزت ملابسه...متضايقه ... مش قادره تلوم عليه ولا تعذره أكثر شيء قهرها أنه ما أستنى للأربعين
خش عليها...تقرطس وساكته... مشى للدولاب خذا دبشه
ومشى للحمام حشاكم أدوش وبدل وطلع...سكر باب الدّار
لقاها تسكر في شنطته ... مشت حطتها جنب الباب بيش ياخذها بكرا وهو ماشي
واسى فراشه...ورقد مغمض عيونه
أما عنها هي ف قعدت ع طرف السرير جالسه وقالت : صقر !
فتح عيونه... واخيرا سمع صوتها بعد العشيه : نعم حنان
حنان تفرك في يديها في بعض : ما تقدر تأجل عرسك شويه
تقاعد عاقد حاجبيه حك رقبته : علاش؟!
حنان تلفتت عليه تشوفله : ممكن على الأقل أسبوع ثاني لعند بوي يسكر شهر
بعدين تزوج بكيفك
خذا نفس عميق اكيد مش هذه الاجابه الي يرجا فيها
ناض ومشى لاف ع سرير قعد ع ركبتيه قدامها ومسك يدها : حنان تبي نأجل أسبوع بس!
هزت راسها بإيجاب : اها بس
لعند ع الاقل بوي ح يكون فات فتره ع وفاته وانت ح تحلق تنظم أمورك بالمرّه
بحتت في عيونه بنظره مافهم مغزاها : ربي يسعدك ويهنيك!
صقر ناض من غير مايشرفلها : أمين.
تلفتت للجهه الثانيه وأعطاها بالظهر...رجع لـ فراشه
وتغطى كانت تشوفله...قلبها يوجع فيها...حاسه بشيء خانق رقبتها !
ناضت...وطلعت من الدار لعند وداد... لقتها تصلي في المغرب
وداد سلمت : السلام عليكم ورحمة الله
تلفتت للجهه الثانيه : السلام عليكم ورحمة الله
ناضت قرطست الصلايه... شافت ل حنان : صقر جي !
حنان : اها جا توه .
وداد حطت الصلايه فوق الكرسي... ولاحظت شحوب وجه حنان : خيرك حنان فيك شيء؟
اكتفت بهز راسها : لا كويسه.
وداد شافتلها : يا ودي ماضني
استريحي اني بندير العشي !
حنان : لا لا توع نديره أنا...
وداد بحزم : غير شن بديري يا وخيتي خلي نديره إني بعدين انتِ تاعبه ووجهك هادا باين عليه الارهاق
