#مكتوبي
(( تابع الثالث والاربعون "٢" ))
بعنوان "خذلان "
ركبو ...ومشو ...سالو عن مجيد في كل مكان
اخر مكان فكرو فيه المدرسه... ركب غفار ونقز من السور فتح الباب خش معاه صقر اتجهو هناك لقوه قاعد وماد رجليه عند مرمى الكوره
قرب منه بسرعه مخوفه منظره : مجيد كنك!
مجيد شافله عض فمه : عليش جيتو!
غفار مطبس عليه : امك واختك خايفات عليك وانت هنا
مجيد ساكت... تسأل صقر : خيرك
مجيد ناض : مافي شيء ومكانش في داعي لجيتكم هنا اصلا انا مش عيل!
قبل يتكلم غفار...قال صقر : نحن مش جايين ندورو فيك في بلاغ انفتح بإختفاءك ونحن نأدو في شغلنا فقط
تضايق منه : بارك الله فيكم لكن فوتوني من يوم وغادي!
طلع شافله غفار : عليش تخلي فيهم يكرهوك صقر علاقة عيت سعيد بمراتك قويه حاول تكسبهم
سكت... وقال : ياراجل نكره ما نكره حركات الاولاد هادي!
برا ارفعه لأماليه اني منمشي للشقه الليله.
غفار تنهد : نوصلك!
صقر : لا لا منمشي على رجلي
غفار : براحتك...
مشى غفار وخذا معاه مجيد وصله ل حوشهم أما صقر سكر باب المدرسه ومشى للشقه كعابي
ركب فوق... فتح الباب لقا وداد راقده تذكر انه بدري طرئله عمل وما قدر ياخذها ل اهل حنان
لقاها راقده في داره... على اساس مش ح يرجع الليله
غطاها... ومشى لغرفة حنان
خش ل فراشها وحس بدفئه غمض عيونه ورقد بتعب!
************
عند هديل وفاتح >>
كذلك كانت تعبه من اليوم رغم انها استمتعت معاه لكنها مازال الشك محاوط فكرها حاسه انه فاتح مسامحته لها
او تقبله للموضوع ... غريب شويه!
وقفت سيارته قدتم العمارة الي تسكن فيها اخته
فتحت بابها ونزلت : تصبح على خير
شافلها : وانت بخير
جت بتخش لكنها تلفتت عليه ورجعت لعنده قبل يتحرك
هديل : اسفه والله ماكنت نبي نكذب عليك او نغشك يا ريتك تسامحني
وقبل مايحكي حرف مشت بسرعه... تنهد ... حرك السياره ومشى
مش قادر يصدقها توه !
ركبت طول فتحتلها خلود وتلقتها بفوج أسألة عن يومها معاه ... هدرزن
