#مكتوبي
((الجزء الخامس والثلاثون ))
بعنوان " نزاعات"
كتابة : أم أمـن ❤️
************
عند صقر >
رجع للممر لقاها متكئه ع الساس وراقده طلع نادى وحده من الممرضات خلاته يحطها في دار ثانيه.
قرب منها رفعها بين يديه لكن نومها خفيف
بس التعب كان غالب عليها بصوت مغموم قالت : نزلني بنرقد تاعبه
ابتسم وقال : لو بتبدي هكي ان شاءالله ديما تاعبه.
خش بيها للدار وحطها عل السرير... غطاها بـ غطى خفيف لكن لحظ رجفتها عرفها مصقعه!
طلع من الدار ومشى لوطا لقا ممرض
: السلام عليكم
الشاب : وعليكم السلام
حك راسه : معليشي يا وخي ممكن نلاقي غطا هني!
بطانيه يعني!
الممرض : اها شويه توه نجيبلك .
طلع الممرض... ومشى لقسم المستلزمات الخاص بالعيادة وجاب بطانيه.
: تفضل
ابتسم وقال : شكرا بارك الله فيك.
الممرض : العفو ولو فيك بارك الله
مشى الممرض وصقر رقا فوق ورجع للغرفه الي فيها هي.
غطاها بالبطانيه...ورفعها وخش جنبها
بدا يتعلق فيها لكن هي مش راضيه تنسى
واكيده الي زاد تعلقه بيها البيبي
حط يده يتحسس فيه... رغم يعني ف الشهر الثالث ع حسب حسبته لكن مش باين عليها!
: زعما تسامحني!
: ولا تقعد مجرد طيّف في حياتي... لفتره وح ينتهي!
غمض عيونه ورقد...مش منتبه!
على الفجر >
الله أكبر الله أكبر... حي على الفلاح حي على الصلاح.
ناض هو وانتبه انه راقد حمد ربي انه مازال ما ناضت كان هذا راهو كشفت بيه هنا 😁
النوم في عيونه مش قادر يصلي الفجر قال خلي نرقد لعند الاذان الثاني.
رقد على السرير الثاني...بعدين لعن شيطانه وناض... للصلاة بعد قال المؤذن
الصلاة خير من النوم
قرب منها وطبس عليها هز كتفها : حنان حنان
حنان راقده : هممم
صقر بعد عنها : نوضي صلي الفجر وقت راه!
فتحت عيونها وناضت ع السريع : الاذان الاول ولا ثاني
