صباحكم سمح ؛
اول حاجه اني داعمه للكاتبه مش كاتبة الروايه
الكاتبه : إن شاء الله أنا بنكتب الإضافة توه ح تقعد طويله لذا نظر نقسم الحلقه ع جزئين الي نزلته والي ح ينزل.
واليوم ح نوقف... تنزيل لان امتحانات العملي بدن وسبق حكيتلكم ع الدكاتره وتحميلهم لنا ذنب الإعتصام
يلا حصل خير، يا ريت تلتمسو لي العذر اولا وثانيا تحتضنوني في ثنايا ادعيتكم
الاضافة ح يكون فيها ظهور شخصيات جديده بعد موت منصور
ويمكن حياة البنات ف ظرف أسبوع بس تغير تغير كُلّي
#مكتوبي
-الجزء الثامِن والثلاثُون||
بعنوان " نزاعات"
«لكل أمنية مُوعد يمكن تقديمه بالدُّعاء، فاللهم قلوبنا وأمانيها »
« يأسرُنِي قولُ الشافعيّ لصاحبهِ: "لا تَغفَل عَنّي فإنَّنِي مكروب"
- لله درّ الأصحاب.🤎»
إقتبّاس لحلقة اليوم ؛
«أن نتقاسم كل شيء سويًا كشخص واحد، خذ كل الفرح واترك لي هم الأيام وثقلها »
************
عند صقر >>
حنان بدت تفك ف روحها منه : خليني خليني
طلقها رجعت للخلف واختل توازنها طاحت وحطت يدها ع راسها بتخميم
قرب منها لاحظ انها ماتقبلت الخبر وما بكت لعند توه
حطت وجهها بين كفوفها : عليش يا ربي واعره واعره !
طبس عليها ومسك يدها رفعها : حنان بالله عليك احني في العناية ما اديريش الكلام هادا في مرضى اهني
وكان قلبه حاسس خش عليهم الدكتور : معليش يا استاذ انت وهي اطلعو من هنا مايجيش الكلام هذا.
صقر تلفت عليه : اسف حقك عليا
ورجع شافلها وبهمس قال : هيا عيوني بالله عليك.
كانت تبحت قدامها وخلاص سحبها من يدها لعند ناضت.
وطلع بيها برا... تشوفله : صقر بابا مامتش ولا !
غمض عيونه : حنان بودي نجاوبك الاجابه الي بعقلك لكن للاسف" هذا قضاء الله "
واخيراً بدن دموعها ينزلن وتطمن عليها شويه كل شيء أفضل من الكبت
لقا عماد واقف برا... قرب عليه : عماد
عماد شافله وشاف ل حنان : عظم الله اجرك حنان
هزت راسها سكته ودموعها ينزلن دون توقف
عماد شاف ل صقر : انا بندير اجراءات الدفن خوذ حنان للحوش، ايوب خذا صفيه و ردينه.