#مكتوبي
-الجزء الخامس والخمسون 2||
بعنوان "نقطة_ضعف "||
كتابة: ام امن
سارعو قبل رمضان :
أعمال قلبية : التوبة، والنية الصادقة لاستغلال أوقاته، وتخليص النفس من نوازعها فإنها مشغلة عن الطاعة .
أعمال بدنية: تدريب النفس وتعويدها؛ من كثرة صيام شعبان، وقراءة القران ، وترتيب عمرة واعتكاف، ومحاولة التفرغ للعبادة من المشاغل والأعمال .
******************
عند حنان >>
طلع حسان بسرعة…هي كانت مصدومة ومش متوقعة جيته …وخافت من كلامه …ماكانت الا دقائق معدودة وقت خش عليها "صقر " بيديه أكياس
: شنو حبيبي أحسن ؟!
كان باين وجها مخطوف…جسمها يصفق مع بعضه قرب منها …ومسح على راسها : قولي شنو في شن صاير معاك ؟!
لفتت وجها للجهة الثانيه "تعبانة …ما أدور واجد "
" كيف ماندور وجهك مخطوف "
"من العمليه بس "
"باهى بنوكلك بيدياتى هذو "
شافتله …وقالت قاصده ابعاد شكه " ونحن نطولو "
سحب الكرسي وقعد جنبها وبدا يوكل فيها بيديه …هى كانت تاكل مجاملةً فيه فقط
وهو حنون عليها بكل …ويحساب متاكلش من العملية الي دارتها …ميعرفش خاله وراها كالعادة
بعد وقت ناض…وحول كل شيء على الجنب بوقتها صرحت هي "صقر "
تلفت عليها : نعم
"تعبانه "
شافلها لوقت ورفع الغطى متاع المستشفى …خش وحط راسها على صدره : تعبانه من شنو ؟!
دفنت وجها فيه …هكى "مكانتش بتحكى "
لاف يده على كتافها ومقربها له، يشوفلها يحاول لكنها دارت وجهها في صدره، بدا يمسح على كتفها"بنفهم حنان شنو فى راهو تشغلى فيا"
تباعدت عنه وشافتله، في هاللحظة وقف كل شيء، الخوف ، الغضب ، القلق ، الشك ،ووحتى الحب
لتكون بداية صادقة جديدة للرحمة والمودة
بصوت تعرف أن صاحبه حنون جدًا " قوليلي خيرك شن صاير "
بصوت يوحي على تمام هيامها به : مش عارفه
رفعت يدها وحطتها على صدره، بدت تمشي في يدها وهي ترتجف
لاحظ حركة عينيها العشوائية ، بيده شد يدها ووقفها عن الحركه لعل وعسى تهدى حيرتها على يده
"ادويلي شن في سامعك "
"وزعما تصدقني ؟!"
زاد قبضته : مصدقك
