#مكتوبي
الجزء االخامس والخمسون 1"||
"نُقطة ضعف "||
للكاتبة : أُم أمِن 🌸🌸🌸
اذكار الصباح ماتنسوهم 🌸
رواية يطغى عليها الجانب الخيالي …لسيت حقيقية في مشاهد كثيرة ولكنها حقيقية في المشاهد التى لامست قلبك 🌸✨
" اللهم صلِّ وسلم وبارك على سيدنا محمد وعلى اله وصحبه وسلم تسليما كثيرا "
"لَوْ رُزِقَ العَبْدُ الدُّنْيا وَمَا فِيهَا ثُمَّ قَالَ الْحَمْدُ لِلَّٰهِ، لَكَانَ إِلْهَامُ اللَّٰهِ لَهُ بِالْحَمْدِ أَعْظَمَ نِعْمَةٍ مِنْ إِعْطَائِهِ الدُّنْيَا؛ لِأَنَّ نَعِيمَ الدُّنْيَا يَزُولُ وَثَوَابُ الْحَمْدِ يَبْقَى 🤍.
- اْلِإِمَامُ اِبْنُ القَيِّمِ."
**********
في العزاء >>
اليوم ثاني يوم...في الي عالق بعد امس مارقد وفي الي غفى وناض على امل انه كابوس بشع ومشى لكن للاسف كان الواقع المرير
وفي طبعاً الي ناض بدري …يضم ويكنس…ويعاون وهذي كانت حنان
رقبت صفاء توجع فيها من الشيء الي داراته امس...نضت عظامها يساطرو وترجف لحظتها
توضت للصلاة …وانهارت معاش قدرت …"ياربى يا حبيبى "
"ياربى عندك حبيبي "
خشت حنان عليها …بعد كملت صلاة وسلمت …اشرتلها قربت منها
حضنتها وقعدن يبكن على الصامت هنا الاثنين …"واعرة واعرة "
"واعرة علينا كلنا "
"نبي نعرف شن السبب مكانش فيه حتى حاجه طلع منا كويس يا حنان "
حنان " مش عارفه قالو حادث "
صفاء تشوفلها " ماعرفو صاحب السيارة ؟؟"
هزت راسها " مش عارفه ما حد حكى شيء "
صفاء بحرقة..." لازم يعرفوه من كيف يضربه ويمشي لازم يتحاسب صاحب السيارة "
حنان حاسه بيها "اكيده ح ياخذ جزاته انتِ بس وكلي ربك توه "
"الدفن قريب مازال ساعه مش مصدقه "
حنان منزله راسها وخانقتها العبرة …"حتى دفنت بوي صعبه …بس دفنت مجيد اصعب مازال ماشاف من الدنيا شيء بوي على الاقل تريح من الهم "
صفاء حاطه يديها على صدرها …اه ماتهنيت بكل طلعت ثاني يوم خبر وفاة عمي وتوه خبر وفاة مجيد معاش عرفت أنا ولا غفار شن دايرين بالظبط بس !!
شدت بيديها محاولة تهديتها …معليش هذا مكتوب أصبري واحتسبي أجر الصبر
: يارب
بعد مرور وقت جت وقت الدفن...وقتها صفاء تقطع قلبها
ودارت هرجه …تعيط وتصرخ لعند جا غفار
