عَـجلِـة الـبَـخـتْ

الفصل الواحد والثلاثون |مُـهـجـة|

" - ذهبَت ..

= لا تشغل بالك .. إنها ليست نهاية العالم .

- أجل ليست نهاية العالم ..
ولكنْي لا استطيع العيش، لا استطيع التنفس، إن بداخلي الروح .. ولكن تنقصني الحياة
إنني أحتضر من دونها، إنها بالتأكيد نهاية العالم بداخلي "

*
*
*
خرجا من محل ملابس نسائية وبيد غزل ...
لا شيء، فكما الذي سبقه ..
أذواق رديئة ألوان تزغلل لها العيون ..
.
.
تمتمت غزل بسخط :
_ بجد season يقرف بـ collection يقرف !!

وافقها عصام قائلًا :
_ مكنتش متخيل إن الموضة السنة دي تبقى حزلقومية كدة .. واضح إن مسلسل الكبير رمضان ده ضرب لدرجة إنهم اتأثروا .

ثم نظر لها بابتسامة زاهية مُتابعًا :
_ تعالي بقى يا حلوة ندخل محل من محلات الولاد ومع أول تيشيرت اشوفه هشتريه .. مش محتاج ألف لي ساعتين في الشمس عشان اجيب لي بيزيك بس تحت الهدوم .

قالت له بضجر :
_ حياة الولاد سهلة بجد .

ثم أردفت باختناق :
_ تعالى نجيب اتنين قصب ونقعد في أي حتة ضل عشان فرفرت .

اعترض قائلًا :
_ أنا عايز اجيب حاج...

قاطعته :
_ تجيب ايه مش مهم أنتَ يلا بدل ما اتغابى عليك في الجو ده !!

_ ما أنا قولت لك ننزل المغرب قولتي لي عشان نلحق .. معلش " نلحق " ايه بالظبط ؟؟

قبضت كُم قميصه وسحبته خلفها كالماعز فأكمل :
_ دي نفس نظرية الناس اللي بتقول " يلا نلحق البحر " !
*
*
*
يجلسان على الرصيف في شارع جانبي هادئ به نسمة هواء باردة ترطب وجوههما الغارقة بالعرق ..

رشفت قليل من عصير القصب خاصتها ثم تنهدت بارتياح، قالت بعينين مرتخية وملامح منبسطة :
_ ياااه .. قد ايه الصيف شرير .

نظرت له مُتابعة :
_ فاكر ياولا لما كنا بنجيب كروانة كبيرة ونحط فيها ماية ونغرقها ملح .. على أساس كدة خليناه بحر .

ضحك وقال :
_ وكنا بنشغل المروحة على تلاتة ونحط قدامها لوح تلج عشان الهوا يطلع ساقع .

ضحكت بشدة ثم قالت :
_ مكناش بنعرف نروح المصيف فكنا بنعمله أحنا .

تبقت ابتسامة حزينة على وجهه وهو يقول :
_ عارفة يا غزل ؟ أنا كنت زيك برضو .. مكنش فيه أبويا وأمي وهما داخلين عليا بسعادة يقولوا لي إن إحنا طالعين مصيف .. أو يلا يا حبيبي تعالى نفسحك شوية .. أنا معشتش طفولة طبيعية زي الناس .

مال بنظره لها وتابع :
_ على الأقل أنتِ استمتعتي فترة مع أهلك .. بس أنا من ساعة ما اتولدت وأهلي دايمًا مشغولين في شغلهم .. حياتهم عملية أوي .. لدرجة بنسى إني ابنهم وبحس إني موظف عندهم !!