متنسوش دعاءكم لأهل فلسطين 🇵🇸🖤
" يقول توماس نيومان : أن الخسارة تجعلك قويًا ..
ولكن أنا اختلف معه، ففي أغلب الحالات أرى أن الخسارة ممكن أن تكون هي السبب في خمولك للأبد "
*
*
*
" قاسي قاسي قاسي وجرح إحساسي راح أسيبه يقاسي وهبكّي عينيه
ناسي ناسي ناسي حبي وإخلاصي راح اسيبه يقاسي وهبّكي عينيه "
.
.
دخل مصطفى المنزل مطالعًا غزل التي تشغل هذه الأغنية وتجلس على مكتبها تنشغل بالكتابة ..
تبادل مصطفى النظر بين المسجل الذي يتصاعد منه صوت " حكيم " وإليها بتقزز ثم هتف :
_ صباح القرف عليكِ يا هبابة ايه اللي مشغلاه على الصبح ده !!
رفعت غزل رأسها له وقالت :
_ ماله ده حكيم .. مش كنت معترض على حمو بيكا من يومين اديني غيرته لك .. اعترض عليه ده كمان .
نظر مصطفى لها لحظات دون رد فعل ثم وضع مفتاح سيارة أمامها على سطح المكتب وهو يقول :
_ امسكي .
بصرت المفتاح بلا مبالاة سائلةً :
_ عايزني اعمل بيه ايه ده ؟
أجابها :
_ العربية برة طوقيها لي واركنيها ركنة كويسة عشان راكنها صف تاني .
عقدت حاجبيها باستعجاب متسائلة :
_ أنتَ عندك عربية ؟
أجاب :
_ سارقها من عمر .
صاحت به بغضب :
_ وأنتَ فاكرني السايس بتاعك ولا ايه ؟!!
نظر لها لحظة ثم قال :
_ هديكي عشرة جنيه .
صمتت لحظات ثم قالت له :
_ خليه ساندويتش شاورما وعلبة عصير جهينة .
هز رأسه بابتسامة قائلًا :
_ موافق .. بس اقفلي البتاع ده مش ناقصين صداع على الصبح .
قطبت جبينها بإنزعاج لتقول :
_ الحق عليا بفرفشكم .. مشغلة لكم الصبح أسماء الله الحسنى وبعدين نزلت لكم بحكيم وشوية هشغل لكم المدفعجية .
_ متنسيش تفرقي شربات وجاتوه بالمرة .. فرح خالتك هو !
.
.
تركها ليفتح باب المكتب ويدخل، عينيه جالت على يونس القابع خلف مكتبه ينظر للحاسوب باهتمام ..
أغلق مصطفى الباب ثم تقدم ناحية مكتبه وهو يقول له باستياء :
_ نفسي نتقابل برة المكتب ده .
جلس على المعقد وأستأنف :
_ حياتنا كلها شغل بس مفيش مرة زي زمان نخرج لنا خروجة عدلة !
رفع يونس عينيه عن الحاسوب ونظر له قائلًا :
_ مش يابني إحنا لسة خارجين مع بعض رمضان اللي فات !
نظر له مصطفى بملل وقال :
_ من قريب فعلا .. يابني رمضان اللي فات كان من تمن شهور !!
ارتسمت على وجهه الدهشة وردد :
_ بجد ؟؟
ثم غمغم :
_ الأيام بتجري !
تأفأف مصطفى بضجر ثم سأل :
_ ايه الدنيا ؟!
_ مشروعين بعتّهم لك على الإيميل تشيلهم لوحدك عشان مش فاضي .. الشركة حاطة فوق دماغي مية حاجة اخلصها .
أنت تقرأ
عَـجلِـة الـبَـخـتْ
Roman d'amourيُقال القدر هو المنعطف الأخير لحياتنا و أننا نُميل نحوه في النهاية .. و لكن هل لأختياراتنا ثمنًا ندفعه قبل الخضوع لإختيار القدر ؟ . . فتاة حطّمها القدر من جانب مُظلِّم .. تحاول بكل جُهدها أختيار الأفضل لها على يقين بأن قدرها القادم سيمسى أفضل من سا...
