نقطة لقـاء

part 1

صباح جميل الساعة 7:00

تحديدا في بيت الجد مطلق

كان الكل قاعد يتجهز للدوام والي ماصحى
الجد : قوموا العيال تاخروا على دوامهم يلا
فارس : ابشر يبه
راح فارس للدور الثاني وطق البيبان ع الكل وازعجهم صحوا معصبين لانهم سهروا ومو نايمين عدل
-
عند بطلتنا كانت مروقه وصاحيه من بدري قاعده تسوي شعرها وتغني طق الباب فارس
اشواق : هلا ادخل
فارس : السلام عليكم اشوا صاحيه قومي معاي نروح نزعج عيوا يقومون
اشواق : ابشر
ربطت شعرها وكانت لابسه وجاهزه للدوام قامت واخذت اغراضها وطلعت وسكرت غرفتها
فارس : روحي قومي ريان وهديل والبنات الباقي
راحت اشواق لغرفة ريان بما انها قدام غرفتها طقت الباب مافيه اي
رد فتحت ودخلت لقته نايم راحت فكت الستاير ريان عصب من حركتها : نعم شتبين جايهه
اشواق : ماني ميته عليك بس جدي معصب ويقول قوم وراك دوام
ريان : سكري الستاير وبقوم
اشواق : ذي الحركات ماتمشي علي جدي معصب اقولك
ريان : طيب خلاص اطلعي
طلعت اشواق ونزلت تحت
اشواق : صباح الخير
الكل : صباح النور
اشواق : جدي ترا قعدوا وقاعدين يتجهزون
الجد : طيب
جت الجده حصه : الفطور جاهز وينهم
اشواق : هلا يجده جايين
مرت ربع ساعه والكل كان جالس ع الطاوله
هديل : جدي تاخرنا
الجد : يعيال ما خلصتوا ؟
العيال بصوت واحد : خلصنا
الجد : يلا اجل كل واحد ع دوامه
قاموا عز واحمد ورعد وريان وفهد بما انهم بنفس المقر يروحون مع بعض
فيصل : منو يودي البنات للجامعه؟
الجد مطلق : انت
فيصل : اجل استعجلوا يلا
قاموا البنات واخذوا اغراضهم وطلعوا مع فيصل والكل توجهه لشغله
-
بالمقر
دخلوا رعد وريان وعز واحمد وفهد
وكان دخلوهم ابدا مو عادي فخم وفخر كبييير
رتبة رعد : فريق اول
رتبة عز : فريق
رتبة احمد وريان : لواء
رتبة فهد : عميد
كل واحد دخل ع مكتبه وبدا بشغله
-
بالجامعه تحديدا عند حفيدات الجد مطلق بعد ماالكل حضر محاضراته وخلصوا
ديم : شرايكم نروح اليوم كوفي
اشواق : تم بس منو يودينا
هديل : اي واحد عادي اهم شي نروح
اشواق :تم اجل
جت بيان بتعب : يبنات خلصتوا ؟
اشواق : ايه كلنا نتظرك عشان ندق ع احد يجينا
بيان : بجيب لنا عصاير من الكفيتيريا وانتم شوفوا احد يجينا
ديم : بجي معاك
راحوا يجيبون عصير
دقت روان على ريان
روان : الو
ريان : هلا والله
روان : ريان ابي احد يجينا خلصنا
ريان : اوكيه بدق ع ذيب ولا فيصل يجيكم
روان : اوكيه
قفل المكالمه
-
مرت نص ساعه
جاهم يزيد، ركبوا البنات
السلام عليكم
يزيد بصوت عصبي : وعليكم السلام
هديل : شفيك كذا كننا قاعدين ع قلبك مو بالسياره
يزيد : انطمي ترا مالي خلق لشي
هديل : الحمد لله والشكر
اشواق : يزيد بنروح اليوم لكوفي تودينا ؟
يزيد : لا
اشواق : ليه شفيك انت
يزيد : قلت لا وخلاص
الكل سكت
-
الساعة 12:30
حزة الغدا
الكل موجود ع الطاوله
ليان : جدي
الجد : هلا
ليان : عادي اليوم نطلع كوفي ومول انا والبنات؟
الجد : عادي بس منو يوديكم ؟
ليان : مدري
الجد : يعيال منو فاضي
احمد : انا لا
فهد : وانا بعد
يزيد : انا قلت لهم لا
عز : يبه مالي خلق
اشواق : كلكم طلعتوا اعذار
سلطان : وانا عندي شغل والله
رعد : اوديهم بس بشرط احد من العيال يجي معاي
ريان : يمكن انا لان احتاج اغراض من محلات بالمول
رعد : تم اجل متى تبون ؟
هديل : بناخذ غفوه كلنا الساعه 8 الليل نروح
رعد : اوك
الكل اتجهه لفراشه ياخذ غفوه
-
الساعة 7:30
البنات يتجهزون عشان يطلعون
اشواق : طيب انا جاهزه طولتوا يلا
ليان : شفيك مستعجله هدي
اشواق : مب مستعجله بس طولتوا
هديل : روحي وحنا جايين
اشواق : طيب لا تطولون
نزلت اشواق تحت
ريان ورعد جالسين بالصاله
اشواق : السلام عليكم
ريان ورعد : وعليكم السلام
رعد : وين البنات؟
اشواق : يتجهزون
رعد : اي طيب
نزلوا البنات كلهم
هديل : يلا جاهزين
رعد : يلا مشينا
-
ركبوا السياره
الترتيب :
رعد السواق جنبه ریان و را ريان ديم وهديل وروان وليان وبيان واشواق ورا رعد
اتجهوا للمول
اشواق : ابي اشغل شي
رعد : اشبكي
اشواق شبكت وقعدوا يغنون مع الاغنيه :
يدري في عيني داره ومقداره لكن طريق اختاره خلوه يشوف
ويجرب ما يلقى غيري حبيب" وقعدوا يكررون ويغنون الين ما وصلوا
رعد: يلا
دخلوا المول اخذوا لهم كوفي وقعدوا يفرون
عند بطلتنا : يبنات ذي الساعه حلوه بشوفها لابوي دخلت المحل وكان المحل رجالي وفيه كم رجال البنات راحوا يشترون اللي يبونه وسحبوا عليها
جاها رجال : السلام عليكم
اشواق : وعليكم السلام جت بتمشي
استوقفها
اشواق : نعم اخوي بمشي وخر
الرجال : بس اول تسوين اللي ابيه
اشواق وخر لا اجمع عليك الناس
الرجال : انا سعود وشفتك وودي اني اكلم اهلك
اشواق :وشو الكلام ذا صاحي وشو شفتني وبتكلم اهلي وخر لو شافني رعد ولا ريان بيموتوني
سعود : منو رعد وريان ووينهم بتعرف عليهم
اشواق : وخر ي ولد ماني فاضيه
سعود : ماني موخر شبتسوين
جاء ريان صدفه دخل المحل
اشواق روح يولد جوا وربي بيفضحوني
ناظر ریان : اشواق ؟؟؟؟
سعود جاء لريان : وش تقرب لها ؟
ريان : وخر عن طريقي ولا لك دخل بالبنت ، ناظر ريان لاشواق وقال : امشي قدامي
سعود : ماراح تروح الا لما تعطيني رقم ابوها
ریان عصب مرههه : مسك سعود صارخ عليه انا قلت لك توخر ماتفهم انت
اشواق : ريان خلاص اتركه وخل نمشي
ريان : انتي اسكتي
سعود : اترك وبمشي
ريان ترك سعود ناظر ريان لاشواق :تعرفينه؟
اشواق : لا
ریان امشي يلا
اشواق : بتعلم احد ؟
ريان : ليه خايفه؟
اشواق : مب خايفه بس تعرف ابوى لو درا ما بيخليني اطلع
ریان : اوك امشي اخلصي
مشت قدامه وراحت عند البنات
البنات : وينك؟
اشواق : ولاشي كنت اشوف الساعه
ليان : وينها مب يدك؟
اشواق : هاه ما عجبتي
سكتوا عنها
-
الساعه 12 الليل
رعد : خلاص يلا نمشي
ليان : رعد امانه نبي نروح ناكل جيعانين
رعد : اوك اخلصوا يلا
طلعوا الكل متجهين للسياره وركبوا حددوا المطعم وراحوا له دخلوا
غرفه وطلبوا اكل وكلوا وطلعوا
هديل : خلاص تعب بناممم
بيان : كلنا والله والاخيس من ذا كله عندنا دوام بكره
ديم : ايهه يع
وصلوا البيت الساعه 1:00 والكل اتجهه لفراشه بعد يوم متعب وحلو
-
صباح يوم الجمعه
الجد مطلق : يعييال تاخرنا وينكممم
ابور ابو ريان : يبه علامك تو بدري الساعه 10
الجد مطلق : وشو بدري اخلص خل يجون تاخرنا
ابو ريان : ابشر يبه
دخلوا للصاله
ابو ريان : يولددد احد صاحي ؟
العمه نوره : هلا يخوي ما فيه ماصحوا
ابو ريان : صحيهم تأخرنا وجهزي الفطور
العمه نوره : ابشر
صعدت العمه نوره لفوق دخلت غرفة عز اللي اشبه بالثلاجه وظلام
فكت الستاير
العمه نوره : قوم اخلص تاخرتوا مغير تسهرون عز قلب للجهه الثانيه
العمه نوره : قوممم يعز وقعدت تكرر الين قام وهكذا ع الكل الين ماصحي البيت كامل
جهزوا الفطور وراحوا صلوا ورجعوا الكل جلس ع الطاوله
الجد مطلق بنطلع للمزرعه ننام هناك الجده حصه زين ماقلت
الجد مطلق: اجل جهزوا اغراضكم
الكل : ابشر
العيال كانوا يتغامزون ويسولفون بصوت واطي
الجد مطلق :شفيكم؟
عز : يبه انا واحمد وفهيد وريان ما نقدر
ضربه فيصل من تحت الطاوله قال بصوت واطي وانا وسلطان
عز بالم : وفيصل وسلطان ورعد
يزيد باستحقار : ليه ما تقدرون؟
عساف : صدق ليه بنروح نستانس
فيصل بصوت واطي : الله ياخذك ي يزيد
الجد مطلق اقول كلكم بتحضرون والبيت بيتقفل وخذوا اجازه
جوا بيتكلمون
سكتهم الجد : كلمتي اللي تمشي خلاص دام قلت تروحون تروحون
الكل:  ابشر
قاموا من بعد الفطور الكل يجهز شنطته
-
عند بطلتنا راحت لغرفتها عشان تجهز اغراضها
طق الباب
اشواق : منو؟
ريان : انا
فكت الباب : هلا امر شبغيت
ريان : هذي الساعه اللي امس حاسبتي عنها ونسيتيها
اشواق : شكرا والله ما تقصر
ريان : العفو
اشواق : ريان
لف لها : هلا
اشواق : ترا ماحب احد يفهمني غلط ولا احب التبرير
ريان : شقصدك؟
اشواق : ع الي امس
ريان : ايه شفيه ؟
اشواق : تراه جاء كذا وطلب رقم ابوي وقلت له يوخر قبل تجون
وتفهمون غلط وقال بيتعرف عليكم
ریان ببرود : طيب
سكرت الباب اشواق وكملت شغلها
-
الساعة 4:00 العصر
الجد مطلق يلا الكل ع سيارته
سيارة ابو رعد فيها الجد مطلق والجده حصه وام رعد والعمه نوره وديم
-
سيارة ابو ريان فيها ام ريان والعمه رهف ومشاري ورزان وبيان
-
سيارة ابو احمد فيها ام احمد و اشواق وليان وهديل وروان
-
سيارة رعد فيها سلطان واحمد وريان وعز وفيصل
-
سيارة فارس فيها يزيد وذيب وعساف وفهد
-
الجد مطلق : قولهم لا ينسون شي
ابو رعد : ابشر
نزل من السياره يعيال ركبوا كلشي
الكل : ابشر
واتجهوا للمزرعه
وصلوا بعد طريق طويل
ابو رعد : نزلوا الاغراض يعيال
فيصل : عشان كذا اكرهه اجي كلشي حنا نسويه
ریان : نزل وانت ساكت
نزلوا الاغراض
عند البنات راحوا يجهزون جلسه برا ويجيبون القهوه
اشواق : جبت دلة قهوه تصك بالراس
هديل : خليها لنا بعد شوي ما يحبونها هم
اشواق : يعني اسوي قهوة رجال ؟
جاء ابو رعد : منو يسوي ؟
ناظرت له اشواق : انا يعمي
ابو رعد : استريحي رعد يسويها
رعد عصب لانهم انكرفوا من اول ماجوا جاء وشال العزبه
اشواق : لا هنا جدي قال افرشوا
رعد ناظر لها بعصبيه وعيونه بتطلع من مكانه
اشواق : خلاص سو اللي تبيه
تركها رعد وراح يشب النار
-
عند العيال