نقطة لقـاء

part 27

قامت كيان وقالت : انا كيان وهذي تؤامي جنان كلامك منطقي ميه بالميه
ناظرت مناهل وقالت : يعيال انطموا اجلسوا مالكم دخل !!
ناظر لها عساف وقال : تعلمي ترتقين شوي علمي عيالك على التواضع مو رفعة
الخشم !
ابتسم هتان باستفزاز وقال : حدك ترا زودتها !!
ضحك عساف وقال : اعرف حدودي ما يحتاج تعلمني
جلست ريوف جنب هتان وقالت : اذا خلصت اطلع
ناظر ساهر وقال : ريوف !! احترمي نفسك ذا اخوك
ضحكت ريوف وقالت : اخوي ؟؟ يخسي ولد نوره يصير اخوي ابتسم عساف وقال : وتخسين تكونين اختي ولو كل اللي هنا اخواني وخواتي انتي الوحيده اللي تخسين تصيرين اختي يبنت مناهل انقهرت من كلامه وسكتت وتقدمت ازيان وهي ماسكه يد راكان وقالت بخجل : شالها وحطها بحضنه وحلف انها دخلت قلبه كانت لطيفه وهاديه ومرتبه وخجوله وجميله حضنته وباست خده ورجع لها البوسه وحمر وجهها واخفته عنه اما راكان ضل مقابل عساف وابتسم عساف وشاله وباس راسه وحطه جنبه وقام وقال : اتمنى تفكر بكلامي ي يبه وطلع تارك ابوه وراه نادم على كلشي بعد
انت الحين اخوي ؟
ابتسم من لطافتها وقال : ايه منو انتي
قالت بابتسامه : انا ازيان وهذا راكان
كلام ولده
-
الساعه 2 الظهر
عند بطلتنا
صحت وجلست على السرير تستوعب اللي صار قامت بهدوء وحست براحه وراحت واخذت شور وطلعت وهي مروقه وتغني وشعرها المبلول على ضهرها لبست وبدت تحط عطور وتسوي شعرها ورجعت تهتم لنفسها ومسكت الجلال
ولبسته وبدت تصلي وتدعي ربها وتشكره وتحمده وما نست آية { إِنَّ مَعَ العُسْرِ يُسْراً } ابتسمت وبدت تقرا وردها والتفتت اول مادخل وهو ببدلته ابتسم من شافها وقال : السلام عليكم
ردت بابتسامه وقالت : وعليكم السلام كنت بالدوام؟
هز راسه بمعنى " ايه " وقال : باخذ شور وانام تبين شي ؟
ناظرت وقامت ونزلت الجلال وقالت : ليه ماتبي غدا ؟
هز راسه بنفي وقال : قعديني الساعه 4 باخذ قيلوله بس
هزت راسها بمعنى "اوك" وطلعت للبنات
هديل : هلا والله باشواق
ابتسمت اشواق وقالت : هلا فيتس وين الناس؟
واتجهت معها لتحت وقالت وهي تمشي : والله موجودين وتو نظفنا بيجون حريم من يقربون لام سحاب وصديقاتها طبعا بتجلس هنا طول الوقت اذا طلعت
الاربعين بتروح بيتها
اشواق : ايه احسن لها ولنا واتجهوا للمطبخ يجهزون القهوة والشاي والحلا
...
ببيت ابو بدر
وصلهم خبر عن بدر وخطته ووين هو موجود وانهارت ام بدر وندمت على كلشي سوته لكن للاسف ما بيفيد الندم طق الباب والجرس بنفس الوقت ودخلوا حرمتين واخذوا ام بدر وانهار الكل وهم يشوفون امهم تروح كذا بس ما يقدرون يسوون شي مشى معهم ابو بدر وحاول يوقفهم لكن للاسف وزي ما نخاذت ام بدر سعاد ومنيره انخاذوا وهذا بسبب رفع ريان قضيه عليهم وحكم عليهم بالسجن 6 سنوات وغرامه ماليه لا تقل عن 250 الف بسبب اشتراكهم الثلاثه مع بعض
وكان طلب ام بدر الاخير انها تشوف بدر وسمحوا لها
...
بالسجن عند بدر
حكم عليه 10 سنوات سجن اما طارق مسكوه وتم سجنه 3 سنوات بس دخل
العسكري وقال : بدر بن صقر
تقدم بدر وطلعه للغرفه
دخلت ام بدر الغرفه وكانت تنتظر يجيبون ولدها
ودخل بدر وناظرت له ام بدر وانهارت من جديد وانصدم بدر وانهار معها وحس بالذنب وقعدت تعاتبه وانها محد وصلها لهل مرحله غيره ولكن طلعوها من انتهى الوقت وانهار بدر وتمنى الموت بدال اللي صار وعرف ان امه بتنسجن وسبب
سجنها السحر
...
عند بيان وفهد
صحوا من النوم وطلعوا يقابلون اهلهم ورد الازعاج والفرحه بالبيت وروح المكان
ردت بوجود الكل
-
"عند بطلتنا "
طلعت للغرفه دخلت بهدوء واتجهت له وقالت بهدوء : ريان ريان هزت يده بخفه
وهمهم لها وقالت : الساعه 4 ما تقوم ؟
قام واتجهه للحمام على طول واخذ شور سريع
بدلت اشواق ولبست فستان هادي زيتي بارز لنا مفاتنها وبدت تتمكيج وتعدل
شعرها وجدلته وحست فيه وراها وقالت : خلصت ؟ ترا جدي مسوي عشاء اليوم هز راسه بمعنى" فهمت" وراح يلبس ثوبه وشماغه وتعطر وحط العود وشبت
فحمه وقالت : تبي تتبخر ؟
ابتسم وقال : ايه
لبست اكسسوارات هاديه واخذت الفحمه والبخور وتقدمت له حاوطت يدينه
خصرها وشدها له وقالت : ببخرك يالطيب
ابتسم وقال : تتبخرين معي؟
ابتسمت وقالت : اوكيه وحطت البخور على الفحمه وبدا يطلع دخونه ويتلاشى بين نظراتهم لبعض والحب العظيم اللي بينهم وقال بهدوء : اشواق
اشواق ابتسمت وردت وقالت : هلا
ريان ابتسم وقال :
اموت بين الخد وعيونتس السود
وحواجبتس ربي بملحه قرنها
وشعرتس بدهن المسك والورد مكدود
جديلة تضمني واحتضنها
ابتسم اشواق بوسع ثغرها ومن مسك جديلتها وقالت : صح لسانك
رد بهدوء : صح بدنتس يشوقتي
ضحكت وقالت : اسم جديد ماشاء الله
شدها له اكثر ولا زالت دخنة البخور بينهم مسك فكها وباس مبسمها واخذ حقه
وفكها وقال بهدوء : خدّره خدّره حمر وجهها ووخرت المبخره وصدت على طول
ضحك وطلع وتركها وراه
-
بالصاله
كانوا الكل جالسين ومخلصين احتياجات العشاء كلها الجد مطلق وش بتسميه يولدي ؟
ابتسم رعد وناظر السحاب وقال : نسيت اقولكم اني سميته متعب
الكل بصوت واحد قالوا : متعب ؟؟
استغرب رعد وقال : شفيكم
سلطان : عبالنا بتسميه برق ولا مطر ولا اي شي ثاني رعد بضحكه: لا والله ؟؟ شتبون
ضحك فيصل وقال : انت رعد وتزوجت سحاب كلهم من الطقس سموه برق وخلاص حالات الطقس كله عندنا
ضحك عز بقوه وقال : صادققق والله
رعد عفس وجهه وقال : احلف ؟ اقول قم انت وياه مع ذباتكم الخايسه ذي ضحكوا الكل
ليان : متعب بن رعد بن نايف ال مطلق
الكل سكتوا بهدوء واستكنان والمكان صمت
صرخت بیان وقالت : يجنننن
رعد : وجععع انتي وياها اذني
ضحكت بيان وباست راسه وقالت : اسف
فهد : هيه مو على بيان
رعد: ترا للحينها اختي
فهد سحب يد بيان وقال : زوجتي
ضحكت بيان وقالت : الله تتهاوشون علي
رعد وفهد بصوت واحد : يععع
ناظرت لهم بصدمه والكل ضحك من هواشهم اللطيف
...
بعد ساعه كان الكل كاشخ
البنات بفساتين هاديه جدا وناعمه واكسسوارات ناعمه
بدا العشاء وكانوا البنات قايمين فيه والكل منعجب بلطافتهم واشكالهم الهاديه
وتقديمهم الكريم وابتسامتهم اللي ماختفت من وجهه ولا وحده منهم وتعاونهم مع
بعضهم
اشواق وهي تقهوي : لياني الحلا للجهه ذي ليان : من عيوني دقايق
ابتسمت لها اشواق وراحت للمطبخ : هديلو
هديل : هلا وش بغيتي
اشواق : الدله فضت عبيها
اخذتها هديل وبدت تعبيها
دخلت روان وقالت : اهخخ قهرتني
اشواق وهديل بصوت واحد : منو؟
روان : ولدها كب القهوه على الفرشه وهي تضحك تقول ما عليه انا اللي المفروض أقول معليه مو هي دخلت بيان و قرصت روان وقالت : الكل انتبه لوجهتس يهبله واضح انغثيتي مو
كذا عيب
روان وهي تحك مكان القرصه : شسوي يعني قهرتني
ديم : خلاص بغسل القهوه اللي انكبت وانتم كملوا شغلكم
رزان : يبنات احد يبي مويه ولا ؟
روان : احس لا
اشواق : خذيلتس صينيه وفريها على الكل واذا خلصت ارجعي خذي للي
ما وصلهم
ليان : يبنات احتاج حلا وين ؟
طلعت هديل المفتاح من جيبها وقالت : بغرفة جدتي بالكبت الاخير
ركضت ليان وطلعوا الكل يكملون شغلهم
تنحنح ريان وقال : يولددد
وتغطت هديل وقالت : ادخل
ريان : العشاء جاء كم صحن داخل
ام رعد : يولدي 6
ريان : سمي اجل بندخلهم ونقلط حقاتنا على طول
ام رعد : ايه الاغراض وين ؟
روان : موجوده يعمه كلشي جاهز
ريان : حطي اغراضنا على جنب نجي ناخذها
روان : ابشر
ریان : تعالي ابيتس شوي
طلعت معاه روان وقالت : هلا
ريان : ابي اشواق بس لا تقولين ريان لانها ماراح تجي
ضحكت روان وقالت : اضبطك معليك
باس راسها وقال بعجله : كفوو يلا استعجلي
روان : لا تنفخ لا اسحب عليك
ريان : يالليل سمي يلا بسرعه
راحت روان لاشواق وقالت : هديل تبيتس بمخزن الحوش
اشواق : وشطلع هديل للحوش
روان : عشان الاغراض
مشت اشواق وراحت للحوش وكانت مكمله للمخزن عشان تشوف هديل سحبها
من ذراعها انخرشت ولفت عليه وقالت : شتسوي هنا ؟
ریان : ابيتس يعني وش
اشواق : هديل تبيني وخر
ضحك ريان وقال : اي هديل روان قالت لتس صح؟
اشواق : ايه
ريان : ادري ما بتجين ف قلت كذا
اشواق : اها اوك يلا وش تبي
ريان : نطلع اليوم بالليل شرايتس ؟
اشواق : ليه ان شاء الله ؟
ریان : ودي نطلع والجو بدا يبرّد نطلع طلعه ليله مع بعض
اشواق ابتسمت وقالت : اللي تشوفه
ابتسم وحضنها له وقال : تاخرت يلا جهزي الاغراض حقت الرجال بجي اخذهم هزت راسها بمعنى فهمت وتركها واتجهه للرجال وهي راحت تجهز اغراضهم
...
الساعه 12 الليل
خلصوا ومشوا الضيوف وهذا بيت الجد مطلق والكل راحوا
لغرفهم بعد يوم متعب ريان عند غرفتها : يلا ترا كلها عبايه
اشواق عفست وجهها وقالت : رياان
ابتسم وقال : عيونه
خلصت ومسك يدها واتجهوا للسياره
ركبت وركب بهدوء وقال : الحمد لله اليوم بنطلع طلع.. قاطعه جوال اشواق معلن اتصال احد
رفعت جوالها وقال : بدايتها كذا
ضحكت وكان عمها فارس وردت وقالت : هلا عمي
فارس : هلا والله وين؟
اشواق : مع ريان
فارس : ماودتس تداومين ؟
ضحكت اشواق وقالت : اسفين نسينا
فارس : ترا حاولت كثير فيهم والحين ي تداومين ي فصل
ابتسمت وقالت : ابشر
فارس : خلاص وجهي راح وانا اطلب فيهم
ابتسمت اشواق وقالت : لا ان شاء الله بس علمني متى وابشر
فارس : اليوم الساعه 7 الصبح نروح انا وانتي
اشواق : تبشر ان شاء الله
ابتسم وقال : يا اخليكم على راحتكم
سكر وابتسمت اشواق وقالت : دوامي الساعه 7
ریان : لازم ننزل يعني؟
اشواق بضحكه : لا طبعا بنروح
ضحك ريان ومسك يدها وشبكها بيده ومشى يتمشى معها
...
عند رعد
ابتسم ودخل على سحاب وشافها نايمه وغطاها زين واخذ متعب يلاعبه شوي ودخلت عليهم ليان وابتسمت اول ماشافت رعد وتقدمت له بهدوء وقالت بصوت
واطي : تبي شي ؟
ابتسم وباس خدها وقال : فراش جيبي هنا بنام عند سحاب قامت ليان وراحت تجيب لرعد فراش بكى متعب واعتلت صرخاته وحست سحاب عليه وقامت له قام
رعد واتجهه لها وعطاها متعب وقال : ريحي
ابتسمت وقالت : انت صحيته؟
رعد هز راسه بنفي وقال : لا لقيته صاحي وهادي وجلست الاعبه وبكي بدت ترضعه سحاب ودخلت ليان وفرشت فراش رعد ورجعوا كلهم ينامون
...
بيان وفهد كانت جالسه ومتضايقه دخل الغرفه وحضنها من ورا وقال : وش به حبيبي زعلان
بیان ابتسمت بضيق وقالت : مدري كذا
مسك يدها وقومها وقال : بنروح لمكان روحي بدلي
فتحت الكبت وحست فيه اشياء ناقصه لكن ما هتمت واخذت عبايتها وطلعت معه
-
عند ابطالنا
عند الكوفي طلب له ولها قهوه واخذها وعطاها حقتها علت اشواق صوت الاغنيه
وضحك ريان وقال: ليه ذي الاغنيه مو حلوه
اشواق : ورني اغانيك ابتسم ريان وشغل اغنيه وكان الجو هادي وظلام وهدوء ونور القمر الهادي والنجوم حوله اعتلت صوت الاغنيه وريان يغني معها وقال :