مسك يدها عز
صرخوا اللي بالمكان ان فيه افعى "داب ، حيه "حولهم
مسك يدها بقوه بيقومها لكن ماقدر من ثقل جلستها وكانت تناظر بنفس المكان الين ما صرخت ليان وقالت بصوت عالي: اشواق رجلتس
شالها عز بقوه وتراجع ومسك فارس حديده حاده وبدا يضرب في الحيه الين
ما قطعها الى اجزاء عز كان ذراعه ورا ركبتها ورفعها تاخذ نفس راحوا طبعا البنات ولا بقى غير مشاري وفارس وعز
مسح ع ضهرها فارس وقال بهدوء : اشواق ! هدي واسمعي ما تأكدنا انهارت واعتلى صوت بكاها انصدم فارس من الصوت وكانها تو تولد كان بكيها بالم وقوه ولا قدرت تكتم حضنها عز ، كتمت بكيتها بصدره لكن اعتلت
صوت شهقاتها حاوطها بهدوء وقال : ان شاء الله اهم بخير ويرجع لتس سالم مد المويه مشاري الفارس
مسكها فارس واشر لمشاري يروح وان اشواق ما عليها
وفعلا استجاب مشاري وتركهم مع اشواق
لفها له فارس
ورفع النقاب ومسح عيونها وقال : ما طلع خبر للحين لا تتعبين نفستس مافيه
شي ان شاء الله واذا ما لقوهم بنروح انا وعز نبحث بالمكان عدل لعيونتس وريان
ورعد ما يستسلمون بسهوله ذي اوكيه ؟
اقتنعت بعد كلامه وهزت راسها بمعنى "اوك"
فتح عز المويه وعطاها وقال : سمي بالله واشربي
سمت بالله وشربت كانت قصيره وصغيره بينهم عكسهم بالضبط اللي كانوا
عراض وطوال
جلسوا شوي عندها ع ماهدت وحست انها بخير وروقت
صامت بهدوء وقالت : يلا نمشي
فارس : يلا
مسك يدها وقال : يلا قومني
اشواق : لا ما قدر
فارس : افاااا
اشواق مدت يدها بتهور وقالت : يلاا
مسك يدها وحاولت لكن فعلا طاحت ع ورا وهو كان يثقل بنفسه
ضحكت بقوه وقالت : اي شلونك
فارس : لا يشيخه شلوني اجلسي بقولتس شي
اشواق سندت ع عز وقالت : اسلم
فارس : تعرفين الدكتوره اللي معانا
اشواق : مية دكتوره اي وحده فيهم
فارس : حقت الاسنان اللي اسمها غيدا
اشواق : ايه عرفتها شفيها
فارس : شلون تشوفينها
اشواق : محترمه والله ولا فيها شي
فارس : خطبتها
اشواق عدلت جلستها وقالت : نعم؟
فارس : شفيتس ؟
اشواق : بس ترا مطلقه
فارس : وشفيها واذا مطلقه؟
اشواق : مو قصدي شي بس معلومه بعطيك
عز : طيب كلمتها انت؟
فارس : قالت موافقه وانتظر يرجعون العيال ونتمم
اشواق : والله صدمتني بس حلو تعرف تختار
فارس : شقصدتس ؟
اشواق : يمه فارس صاير شكاك
فارس : اذلفي
اشواق ناظرت لعز وقالت : تشوفه؟
عز : ايه اشوفه بكره يتزوج ويصير ما يمرتس تروحين معه ولا ياخذتس للي تبينه
اشواق : بديت اغار ترا انقلع
فارس : انطمي ولا اسحب عليتس
اشواق حضنت عز وقالت : عمي عزو عندي
عز : ما تقول عمي الا تبي شي
اشواق : بزعل عليكم ترا
فارس : از علي يلا
اشواق : انت تبي تزعلني بس ماراح ارد عليك لين يجي ريان
فارس : واذا جاء ريان ؟
اشواق : اعلمه عليك اقول يبي يسحب علي
عز : لو جاء ريان تسحب عليك يغبي
اشواق : ترا والله ما طبخ لك اخر الليل
فارس ضحك وقال : صادتني
عز : كلنا والله
قامت اشواق وقالت : يلا وراي
فارس : شقصدها ؟
قاموا اثنينهم وركضت اشواق وهي تضحك وهم وراها يحارشونها
-
الساعه 9 الليل
عند البنات
سحاب تبكي وجالسه وحولها البنات
ابتهال : سحاب شفيتس هذي بيان تقول سمعت مكالمتهم وللحين ماتضح شي
تفائلي يبنت لا تفاولين
دخلت اشواق وقالت : يمه شفيكم مجتمعين
دارين : سحاب مو مقتنعه
اشواق : حاسه احساس انهم بخير ان شاء الله عاد امسحي دموعتس وخل
نتقهوى وانا محلفه عزوز اذا دقوا يجينا
مسحت دموعها سحاب
تقدمت اشواق وشالت متعب وقعدت تلعب معاه
اشواق : يمه ما تحمل انا الخدود ذي ما تحملهااا
ابتهال : اذكري الله
ضحكت اشواق بخفه وقالت : معليتس ماني حاسدته استودعته ربي
صدت ابتهال عن اشواق
دارين بصوت واطي : شفيها ذي ؟
اشواق : فيها انفصام خليها
سحاب : عطيني متعب ارضعه
شالته اشواق وسمت عليه وعطته السحاب
اشواق: انا لو يجيني كذا بجلس اكفخه
ضحكت سحاب وقالت : ماجربتي الشعور
اشواق : اجربه ان شاء الله بس ابو العيال ماهو هنا
ضحكت ريوف وضحكت معها اشواق
امتنان : شقصدكم؟
ضحكوا الكل على فهاوتها
سكتوا اول ماسمعوا صوت عز وهو ينادي من ورا الخيمه
اشواق : هلا
عز : تعالوا يلا دق الرقم ركضت اشواق ووراها بيان وسحاب نزلت متعب عند
ريوف وركضت معهم
عز : يمه شفيكم اركدوا
اشواق : خلص رد
رد عز ع الرقم وقال : هلا مالقيتوا شي
الضابط ارسلنا فرقة وفعلا كان فيه شخصين ورا المبنى ونقلناهم للمستشفى
وحالتهم مستقره لكن فيه كسور وجروح بس اتأكد من اسمائهم وارسلك
عز : تطول ؟
الضابط : خلك معي دقيقه
عز : مو مشكله
الضابط : ارسل معلوماتهم دقيقه اراجعها واتصل
عز : يلا بانتظارك
سكر عز منهم وحضنته اشواق بفرحه
عز : ان شاء الله هم
اشواق : اوعدني وعد
عز : وشهو
اشواق : اذا هم تاخذني للجنوب لهم
عز : ابوي بيرفض
اشواق : انا اقنعه بس قل تم
عز : تمين
ضحكت وسكتت اول ما سمعت صوت الجوال معلن اتصال الضابط
عز : هلا والله
الضابط : الفريق رعد بن نايف ال مطلق واللواء ريان بن ثامر ال مطلق
عز : ايه هم شلونهم الحين؟
الضابط : الحمد الله حالتهم مستقره بس الكسور متعبتهم
عز : الله يوفقك ويسعدك شكرا اتعبناك معنا
الضابط : ولو واجبي
عز : ارسلي كلشي الموقع والمستشفى
الضابط : ان شاء الله
عز : ما قصرت فمان الله
سكر عز وقالت اشواق : احجز الحين
عز : وابوي ؟
اشواق : الحين اروح له بس احجز
عز: ان شاء الله
بعد مرور عشر ساعات تحديدا بالجنوب ~
عز : يخرب بيت العدو بنام خلاص ناخذ شقه يبنت ونريح شوي بعده نروح لهم
اشواق : ماجيت عشان انام
عز : يبنتي قضينا الليله كلها بالمخيم وحجز ما يمديني وجبتس بالسياره
والطريق ارحميني
اشواق ادق ع جدي يتفاهم معك ترا !
عز : والله اقوم رجلتس وانام بمكانه
اشواق : توكل بس خل نمشي للمستشفى
عز : امري الله
وفعلا حرك للمستشفى وبعد معاناه يلا وصل وهو ميت نوم
اشواق : يمه يوتررر
عز بعصبيه : ودي اذبحتس يحيوانه ماني نايم
اشواق : بس اشوف ريان تكفى والله اني ما بنشب لك ولا اصحيك ولا شي وعد
خلاص بس وصلني الريان
مسك يدها عز وقفل السياره ودخل المستشفى
وصل للاستقبال وقال : غرفة اللواء ريان بن ثامر
الموظفه : اول وحده على اليمين الطابق الرابع
عز : شكرا
مشت من اخذها عز معه وقالت : لا طقها سوالف بعد
عز : شتبين عندتس زوجتس غاري عليه انا شكو
اشواق : ان عدتها احطك مكان زوجي
ضحك عز وقال : سمي
وصلوا لغرفة ريان وقال : تهقين صاحي؟ اشواق يارببب صاحي عز : ان شاء الله
طق الباب بهدوء ورد بصوته التعبان : منو
الصوت ضحكت بهدوء وقالت : ما تحمل فك
عز : لا خليه لما يصحصح ضل عز يدق وريان كل ماله صوته يرتفع
ضحكت بخفه ووخرت يد عز ومدت يدها وفكت الباب بشويش
ودخلت ، كان ريان صاد عن الباب
اشواق دمعت من شافت شكله وقالت بهدوء : ريان
لف على الصوت بسرعه وشافها ، استعجلت بخطواتها له
فتح يده لها حضنته لها وهي تبكي ، رفع نفسه شوي وحضنها له
انسحب عز وطلع من الغرفه واتجهه لغرفة رعد
مسحت دموعها وباست خده بلهفه وحب ابتسم وغمض عيونه بتعب
اشواق بهدوء : شلونك؟
ریان : توني صرت بخير
ضحكت بخفه وقالت : اشتقت لك والله
ريان : وانا مت من الشوق
اشواق : بسم الله على قلبك شصار ليه رجلك كذا ؟ ووجهك مليان جروح
وحاجبك فيه ندبه وعيونك تعبانه ويدينك مجرحه وناشفه ليه
ریان : بعدين اقولتس شلونتس إنتي شصار معتس من جابتس
اشواق : دق عز عليهم وقالوا انه مو كل الفريق رجع وعرفنا ان انت ورعد اللي مفقودين بعده اكدنا عليهم ورجعوا وتأكدوا وجابوكم هنا وانا ماقدرت اصبر
وجيتك
ريان : شلون امي واهلنا كلهم؟
اشواق : بخير الحمد لله فاقدينكم والله
ريان : طيب للحيني تعبان ما ريحتيني
مد يده ورا رقبتها وقربها منه ، ابتسمت بهدوء ،باس مبسمها بلهفه وشوق وحب
وسحبها اكثر وحضنها وطلع حرته من الشوق واخذ حقه ، كانت مبادلته بكل
حب حطت يدها تحت راسه عشان مايتهور ويتعور
فكته بهدوء وقالت : خلاص لو يدخل احد الحين
ريان : العاده ما غيرتيها
ضحكت بخفه ومسحت شفايفه وقالت : ما تغير انا
ریان ؛ هذا احسن شي
اشواق : اكلت ؟
ريان : اي وكلتني الممرضه
اشواق ابتسمت وصدت بهدوء
ضحك ريان وقال : امزح والله
حضنته وقالت : مو حلو مزحك
ريان : سمي شربيني مويه بس
مدت يدها وفتحت العلبه وسمت عليه وبدت تشربه
اكتفاء واشر لها
وخرت المويه وشربت من بعده ، سكرت المويه ونزلتها وقالت : عيونك تعبانه نمت؟
ريان : والله كنت بنام بس مدري شصار
ضحكت بهدوء وقالت : انومك؟
ریان بدون تردد : اي
ضحكت وجلست جنبه ، حطت راسه على صدرها وعدلت سدحته
غطته عدل وبدت تمسح على ضهره وتسمي عليه
نام بحضنها واستسلمت ع طول ونامت وهي جالسه
::::::::::::::::::
توقعاتكم للجاي ؟
ادعموني بنجمه قراءه ممتعه قدروا تعبي يحباني احبكم
انتظرونا بالبارت الجاي❤️❤️❤️❤️❤️❤️✨
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
