تبعد عيونها عنه وعن ريحة عطره اللي جذبتها
عز كان ماسكها بقوه ويفتش بالايميلات حقتها ومالقى اي شي كانت بتستفزه فقط لا غير
ناظر لها وتلاقت عيونها بعيونه وشافها سرحانه
قرب فمه عند اذنها وقال : اهجدي يحلوه ولا تحاولين تستفزيني وتكذبين لانتس ماتقدرين
استوعبت داليا ووخرت بسرعه
ابتسم ابتسامه جانبيه
داليا : مالك دخل فيني تسمع!
عز بهدوء : طيب
اخذت شنطتها وجوالها واتجهت للبنات
ابتسم عز واتجهه لغرفته يبدل
داليا : تأخرت عليكم
اشواق : عادي خذي راحتس
هديل : شرايكم ندق على غيداء ونشوفها تحتاج شي بحكم ان عرسها تحدد بعد اسبوع
اشواق : والله فكره بس احس فشله
روان : شدعوه عشان عمي فارس بعدين هي معاتس بالمستشفى
اشواق: تم
رفعت الجوال ودقت على غيداء
-عند غيداء-
ام غيداء : جوالتس يدق
جت غيداء وناظرت للاسم
ام غيداء : منو؟
غيداء : الدكتوره اشواق
ام غيداء: وش الطاري داقه
غيداء : يمه هي بنت اخو فارس
ام غيداء : اها ردي يمه يمكن يبون شي
غيداء : ابشري ، ردت وقالت : هلا والله
اشواق : هلا فيتس اخبارتس ؟
غيداء : بخير الحمدلله انتم اخباركم
اشواق : الحمدلله
غيداء : امري ؟
اشواق : مايامر عليتس عدو كيفتس بالتجهيزات
غيداء : والله تمام الحمدلله
اشواق بضحكه : اذا ناقصتس شي ترا قولي اروح اقول لعمي يعطيتس غصب
غيداء حمر وجهها وقالت : لا ابد ماتقصرين يبعدي كلشي جاهز
اشواق : لا صدق والله محتاجه شي ؟ تبين نروح معاتس ؟ ابد اذا تبين دقي
غيداء : والله ماتقصرون بس بطلع اليوم اخذ الاشياء اللي جهزت مسكه والثوب والطرحه والملابس من عند المصممه
اشواق : اوكيه يعيوني موفقه
غيداء : ماتجين معي؟
اشواق : ابشري بس بشوف عمي واجيتس
غيداء : ترا بسيارتي نروح
ضحكت اشواق وقالت : اشوف وارد لتس خبر
غيداء : لا تنكبيني
ضحكت اشواق وقامت لعمها
لقت اشواق متعب وباسته
متعب كان يناظر لها
اشواق : روح ناد فارس
متعب مافهم وناظر
اشواق: ناد ريان
كان بناظر لها مستغرب
ضحكت وقالت : روح ناد بابا
متعب : بابا
اشواق : ايه ناده
ركض متعب للدوانيه
رعد : هلا ابوي
متعب كان ياشر على الباب ويقول : بابا
ريان : يمكن ام متعب تبيك
قام رعد وشال متعب معاه
وراح لقسم الحريم
رعد : متعب جاء عندي وين سحاب
اشواق : انا قلت له
رعد : امري وش بغيتي
اشواق : ابيه ينادي فارس بس ولدك مايفهم
رعد ضحك وقال : حدتس الا متعب
اشواق : يمهه من نظراته شكله فهم
ضحك رعد وقال : انادي فارس ولا ريان
اشواق : فارس وش ابي بريان لا تنكبني
رعد : اوريتس الحين
اشواق : هات متعب
مدهه رعد لها وقال : لا تشيلينه
اشواق مسكته وقالت : بروح اعطيك حلاو طيب ؟
اشواق : ولدك اخرس ولا وش مايقول غير بابا
رعد : ترا اقول لريان يجيتس
اشواق : شفيك يبو متعب خلاص نمزح
ضحك رعد ومشى ينادي فارس
مسكت اشواق متعب وضلت واقفه تنتظر فارس
جاء فارس وقال : هلا والله امري
اشواق : عندي لك عرض قوي
فارس: وشو صاير شي ؟
اشواق : بروح مع غيداء عندها مشاوير
فارس : منو يوديكم
اشواق : هي تقول بسيارتها
فارس : كلميها انا اوديكم وين تروح بالسياره
اشواق : اوكيه بس تكفى كلم ريان تراه يرفض
فارس بمزحه : مو لازم تروحين
اشواق : والله انك ماتستحي انزين زعلت ترا
فارس : امزح شدعوهه الحين اكلمه يوافق غصب
اشواق : كفوو
فارس : تجهزي وقولي لها
اشواق : سم
فارس : يلا بروح لريان
مشى فارس لريان واشواق راحت تتجهز بعد مادقت على غيداء
-
عند الرجال
فارس جلس بجنب ريان وقال : اسمع
ريان : هلا
فارس : بروح لمشوار وابي اشواق معاي
ريان : لا
فارس : انا عمك يعني مو بكيفك اول شي ثاني شي المشوار طالبتها فيه زوجتي
ريان : طيب يعني كل البنات ماتروح الا اشواق
فارس : يولد انت شفيك ولو راحت وشفيها
ريان : مو قصدي شي بس تتعب يولد انت ركز انها باخر الحمل
فارس : معليك معي هي
ريان : مو مشكله بس لا تبطون
فارس : مو شغلك زين لا تمون
ريان ضرب رجل فارس وقال : اهجد
فارس لوى ايد ريان وقال : انت اللي اهجد
رعد : فكو بعض خلاص
فكه فارس وقام بعد ماجاه اتصال من اشواق
فارس : هلا
اشواق : يلا جاهزين
فارس : جاي اركبي السياره
اتجهت اشواق للسياره وفارس معها
ركبت اشواق ورا
فارس : شفيتس يهبله
اشواق : قدام غيداء
فارس : طيب مارحنا لها
اشواق : بيتهم قريب مالي خلق انزل واصعد
فارس : الحمدلله والشكر
مشى فارس لبيت غيداء
-
عند البنات
ريوف : روان باقي لتس شي ولا خلصتي
روان : جاهزه كلشي جايبته
بيان : والله احسن انتي وغيداء بيوم واحد وخاص وخلاص
هديل : اي والله وجايتنا مناسبات لليل بس نخلص من غيداء وفارس وروان وسلطان نبدا بالباقي
روان : الحمدلله الله يتمم على خير
الكل بصوت واحد : امين
-
ركبت غيداء وسلمت
فارس واشواق : وعليكم السلام
فارس : الوجهه وين
غيداء : ملابس عند المصممه وهذا موقعها وبعده نبدا بالمحلات
فارس : سمي
ابتسمت غيداء بهدوء
اتجهه فارس على الموقع
اشواق : تجنن ذي هي وتصاميمها ذوقتس يجنن ماشاءالله
غيداء : حبيبتي انتي
فارس وقف السياره وقال : كم يبيلكم؟
غيداء : ربع ساعه او اقل
فارس مد لها الصرافه
غيداء : لا معي
فارس دها لاشواق وغمز لها
ابتسمت اشواق وراحت مع غيداء
دخلت غيداء وقالت : هذي الفاتوره
الموظفه : دقايق والفساتين عندتس
غيداء : شكرا
جابت الموظفه الفساتين وقالت : المبلغ يحبيبتي
اشواق جت وحاسبت
غيداء : اشواق !!
اشواق : مالي خلق اناقش عمي بيهاوش
غيداء : ماعاد بقولتس
اشواق : لو صار بيكفتس قولي
شالت اشواق فستانين وقالت : يلا خل ماخذ الباقي ونمشي
غيداء : طيب
اشواق ضحكت وقالت : وشفيتس زعلتي شدعوه بعدين ترا زوجتس
غيداء ابتسمت واخذت الفساتين
نزل فارس واخذهم من اشواق وغيداء وركبهم ورا
وركب فارس وقال : يلا وين بعد
غيداء : المول
اتجهه فارس للمول ومرت ساعتين وتعبوا مرهه لكن خلصوا ورجعوا على طول
-
بعد مرور اسبوع
زواج فارس وسلطان
بالقاعه كانت صغيره وتكفي وفخمه مرهه
اشواق : للحين ماجوا العرايس شغلوا السماعات خل ننطرب شوي
ديم شغلت المسجل وبدو يرقصون
رزان : عاشتتتت لياننن
ضحكت ليان وقالت : عشتييي
مسكت رزان يد اشواق وبدت ترقصها بشويش
ابتسمت اشواق وقالت : حليانهه يحظ فيصل
ضحكت رزان وقالت : ماني مستعده بعد اسبوع
اشواق : تجنبي الشعور اللي يجيتس وبتنبسطين معليتس
رزان : يمهه يسرع الايام كنت احسب اني مطوله
اشواق ابتسمت وقالت : يحلوكم كلكم ورا بعض بسم الله عليكم
انتي وليان الاسبوع الجاي وبعدكم ديم وامتنان
هديل : هيه انتم خل نجلس نتقهوى
اشواق بضحكه : خلينا ياخي صايره تاكلين عن ثلاثه مو اثنين
هديل : ماتدرين يمكن هم اثنين
ضحكت اشواق وقالت : يمكن
وصلوا العرايس وجلسوا يصورون مع بعض ذكرى لهم
ريوف : بيدخلون المعاريس يبنات تغطوا
ركضوا البنات وكل من جابت شيلتها وتغطت
بدت اشواق تعدل طرحة غيداء
غيداء : شكلي كذا زين؟
اشواق : يموتت بس خففي توتر بسم الله عليتس
ابتسمت غيداء
ودخل فارس مع الجد مطلق
باس راس غيداء وامها
ام غيداء : حطها بعيونك يولدي تراها وحيدتي
فارس : بعيوني وروحي ماعليتس يخاله
ام غيداء : الله يوفقكم
سلمت غيداء على الجد مطلق
واتجهوا بعد ماصورو للفندق على طول وبدت زفة روان وسلطان اللي كانت فريدة من نوعها وكانت مصممه حسب كلشي تبيه روان كانت فخمه جدا وماقصر معها سلطام
::::::::::::::::::::
ادعموني بنجمه ولايك قراءة ممتعه 💗💗
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
