ريان حط يده ورا رقبتها وقربها له
اشواق : شفيه ؟
باس مبسمها بقوه
وخرته بالقوه وضربت يده عشان ماينتبه مشاري
ضحك ريان ، اشواق : قوم خلصت
ريان : دور مشاري هاتي انا اسويله
اشواق بمزح قالت : شرايك اسويله انا
ريان خزها وقال : شرايتس بكف يجيتس
اشواق ابتسمت وتغطت
ريان : تعال يلا
جاء وبدا يضمد ريان جروح مشاري
اشواق : باقي من هنا شوي
ريان : اي اشوفه اصبري
مشاري : عورتني شوي شوي
ريان ضحك وقال : اضربك وارد اضمد جرحك
مشاري ضحك
ريان : اهم شي امي لا تدري
مشاري : ماني بقايل انا
اشواق : الا بقول عشان تعقلون
مشاري : تزعل اذا قلتي لها
اشواق : امزح مابقول بس لا تعيدونها
-
عند عساف والبنات
عساف : شبيت النار تبون شي زياده ؟
الكل بصوت واحد :سلامتك
عساف :انا بروح هديلو ذا الحطب حطي كل شوي صغار مو كبار
هديل : سم
جت اشواق مع ريان
اشواق : خلاص كذا؟
عساف : لا تقربون من الكاز ترا تشب
اشواق : احببب ريحته مالي دخل
ريان : يولتس اذا قربتي منه
اشواق : يعني شلون
ريان : اذا تبين تحطين قولي لي اجي واحط يويلتس تحطين انتي
عساف : اشواق لا تعاندين مافيها عناد ذي اي وحده تبي تحط تجي تقول لنا
ريان : ان شفت وحده حاطه بدون ندري يويلها
اشواق : ريان ابي اركب على الادهم اشتقت
ريان : بعد شوي ناديني الحين ريحوا شوي طيب ؟
اشواق : تمام
طلع ريان هو وعساف وخلوا البنات بساحة الاسطبل
بيان : الله ذا الجو الي احبه هادي ونار وسوالف لين الليل
رزان : عندي حب بقوم اجيبه ، قامت
ابتهال ناظرت لسحاب وقالت: هاتي العزبه بضبط شاي
سحاب رفعت العزبه وعطتها لابتهال
اشواق : انتبهي شوي شوي
ليان : منو عندها فطاير ؟
اشواق : بخيمتي انا وريان
ليان : لا بسوي خلطه وبحطه فيهم
اشواق : فيه كروسون ساده جايبه كرتون
هديل : بالله منو ياكله جايبه كرتون منه
اشواق : انا اشتهيه بعض الاحيان وريان ياخذ دايم معه وفيه ثانيه اذا ماتحبين الكروسون
هديل : ايه جيبي لي غيره مابيه
اشواق قامت وقالت : بجيب تشكيله معه
امتنان : انتي تسوين بالغاز الصغير ولا على النار
ابتهال : مدري على الغاز احسن جيبي ولاعه ماعندي
سحاب : بجيب الشنطه
دارين : تبون شي اجيب ؟
ريوف : اغراض القهوه علينا
بيان : لا يعيوني يكفي خلي الاغراض
ريوف : اقول يعني مستحين قومي دارين روحي جيبي الاغراض اللي عندنا
ليان : مو تكثرين
دارين : الا
سحاب : محد ياكل
امتنان : وين متعب ؟
سحاب : عند عمتي اذا بتنام جيبيه عندنا
امتنان قامت وراحت تشوف
-
عند رزان
كانت رايحه تجيب الاغراض من الخيمه
انخرشت من سمعت صوت خرفشه ورا الخيمه
رزان بخوف قالت :فيه احد هنا؟
تشجعت رزان وتحركت وانخرشت يوم شافت رجل متلثم وعريض
صرخت باعلى صوتها لكن تلاحقها وسكر فمها
رزان بدت تبكي بقوه
تركها وقال : يخبله انا فيصل
رزان وهي تبكي : وجع ليه متلثم خرشتني
فيصل : اول شي امسحي دموعتس ثاني شي كنا نلعب وجيت هنا وترا عمامي نايمين اسكتي
رزان وهي تمسح دموعها : لا تعيدها خرشتني
فيصل طلع لها فاين وقال : خلاص ماله داعي البكي انا انخرشت منتس حتى
ذيب من ورا الخيمه : فيصل عندك شي؟
فيصل : لا مافيه شي
ذيب : يلا نمشي عند العيال
فيصل : ثواني واجي روح
رزان : بروح انا
فيصل : وبعدين ليه تمشين هنا؟ ماتشوفينه قسم الرجال
رزان : ضيعت شدراني وبعدين قسم الحريم قريب نسيت
فيصل : امشي ولا عاد تدخلين هنا كله رجال
رزان : طيب كيف اطلع الحين
فيصل : وبعدين ليه كاشفه
رزان استوعبت وقالت : كنا انا والبنات وضيعت شدراني الحين
فيصل نزل شماغه وقال : امسكي ذا وتغطي روحي يلا
رزان : طيب لا تنافخ
فيصل باستفزاز : امشي واغسلي الشماغ واكويه قبل لا تجيبينه
رزان نزلت الشماغ وقالت : خذهه ذليتني
فيصل رجعه ع راسه وقال : اهجدي امزح معتس يلا توكلي
رزان ركضت وقالت : مابيرجعع لك
ضحك على ركضتها وقال بصوت منخفض : فداتس الشماغ
سمعته وكملت قبل يشوفها احد
-
عند امتنان
راحت لقسم الرجال وشافت واحد قاعد وصاد وكان نفس هيئة هذال وبدت تناديه ناظر لها هتان وهو عباله وحده من البنات وقال : سمي ؟
امتنان : رحت لعمتي قالت متعب مو عندها عندكم؟
هتان : امتنان؟
امتنان بمزح : ماعرفتنس
هتان : ظلام شوي ، متعب مع هذال هناك اجيبه لتس؟
امتنان : ايه لا هنت
هتان : ابشري خلتس هنا ، مشى هتان وحست باحد يمسكها من ورا
امتنان : يمه منو
بتال : شقاعده تسوين مع هتان؟
امتنان : ابي متعب وخر عني
تركها بتال وقال : لا تاخذين هتان !
امتنان : صاحي انت؟ اذا الله كتب يكون من نصيبي بيكون
هتان جا وبيده متعب وشاف بتال
هتان : بتال وش تسوي هنا!
امتنان اخذت منه متعب وراحت بدون اي كلمه
هتان : ابعد عنها ياخي لو تبيك ماوافقت علي !
بتال : بس انت المفروض تحترم مشاعري !
هتان : كلشي قسمه ونصيب ودامها وافقت علي بتجيك اللي احسن منها وتناسبك
بتال بضيق : اي زين الله يوفقكم
هتان وهو مركز بملامح بتال: خلاص مابخطبها تبيها؟
بتال : انا مو قصدي هي بالذات بس شفتها ذاك اليوم وعجبتني وقلت بخطبها
هتان : انا شفتها وتكلمت معها
بتال : بعدين احس ماتناسبني عشان كذا متضايق مبروك عليكم والله يوفقكم
هتان ولاول مره حضن بتال وقال : نصيب ماعليه لا تزعل بتحصل الاحسن منها
بادله بتال وحس انه قريب من هتان ولاول مره
هتان : امش العيال جالسين هناك
بتال ترك هتان ومشوا للعيال
-
بعد مرور ساعه
اشواق : ابي اركب الخيل وحده تنادي ريان
ريوف : شكو ريان
اشواق : يهاوش اذا ماقلت له
ليان : خل نناديهم كلهم
اشواق : بقوم انا اجل ، وفعلا قامت
هديل : كلهم هم انا اشتهيت اركب خيل
ابتهال : الله ابي اعرف خيل يزيد وينه
بيان : خل يجي ويركبتس
ابتهال : يمه اخاف
روان : اتحداتس تركبين
ابتهال : اذا تكسرت ماتنفعيني
-
عند العيال
ريان : مو وقته الحين
اشواق : انت قلت اذا ابي اركب اجيك والعيال يشهدون
رعد : مافيهه حنانة مرهه
اشواق : ترا حتى سحاب وابتهال وبيان وهديل يبون يركبون وكلنا !
يزيد : لا بعد الناس كلها جيبيها وخل يركبون
ريان : قوموا يعيال يلا
وفعلا قاموا الكل واتجهوا للبنات
اشواق : بنطلع الادهم
ريان : ماتبين الاشهب ؟
اشواق تخصرت : والادهم واصايل؟
ريان : ياخذونهم الباقي
اشواق : اوكيه
رعد : سحاب بتركبين ؟
سحاب : ايهه بس مو لحالي
فهد : انا بركب بيان تركبين ولا؟
بيان : لا
امتنان : انا بركبب
ليث : تعالي عندي
ديم : لا يشيخ
ضحك عساف وقال : ديمي عندي
ليث : لا توكل
ديم خزته وراحت عند عساف
ليان : انا عند فيصلل
فيصل فتح يدينه وقال : تعاليي
ضحكت ليان وركضت لحضنه
ابتهال ناظرت ليزيد
يزيد : امشي ماخليها بخاطرتس
دارين : وانا احب اركب اركب مع منو ان شاء الله
فهد : تعالي دام بياني ماتجي
دارين : كفووو
هديل : هذال وين؟
فهد : راح ينام ليه ؟
هديل : اجل بروح انا
دخل هذال وقال : جيت انا
ابتسمت هديل ، هذال : بخاطرتس شي وماسويههه
رعد طلع الاصيله
ريان : ركب اللجام لا تنسى
رعد : ماعليكك
ركب رعد وطلب من هذال يرفع له سحاب
اشواق : انا اركب قبلك
ريان : لا ماتركبين كذا تركبين على جنب
اشواق : لاا مابي
ريان ركب وقال : ماتقدرين يغبيه بتطيحين
عساف انتي غبيهه اعقلي مايصير
اشواق : طيب شلون اركب
سحاب : يشيلتس عساف
اشواق : لا يمهه اخاف
ريان : ماعليتس معاتس انا يلا ارفعه
مسكها عساف وبدا يرفعها لريان
مسكها ريان ورفعها لحضنه
اشواق : يمهه اول مره احس اني خوافه
ريان باس خدها وقال : ماعليه بس خلتس بحضني اوكيه؟
اشواق : احس اني بطيح
ريان عدل جلستها وضمها له : بنمشي بشويش لا تخافين
اشواق : وش بشويش مابي
ريان : عشان ولدنا يغبيه
اشواق : صح نسيتت ، ضحك ريان
ركب عساف بفرس فارس الكحيله ومعه ديم
ويزيد بخيله الهاجس هو وابتهال
ليث بفرس احمد اصايل ومعه امتنان
وهذال بفرس احمد الثانيه ومعه هديل
فيصل بالهمام ومعه ليان
وكل منهم ركب ومعه اخته او زوجته وكانت لليله مليئه بالاحداث الحلوهه والضحكات والسوالف
::::::::::::::::::::::::
(ادعموني بنجمه ولايك قراءة ممتعه ❤️❤️❤️)
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
